Zugsɔb zun'or, Jerusalem zug
122
1 M mɔr sumalisim nɛ banɛ yɛlim ye,“Kɛl ka ti keŋ Zugsɔb yin la.”
2 Nannanna ti paae na!
Jerusalem, ti zi'enɛ fʋ za'anɔɔrin la.
3 Jerusalem nwɛnɛ tempʋʋg
kanɛ vɛnl ka kpɛn' sʋ'ʋŋa.
4 Anina ka Israel dɔɔd la ken,
banɛ an Zugsɔb buudi la,
ba kennɛ dʋ'ʋsid Zugsɔb la yʋ'ʋr
nwɛnɛ lin zi'el Israel dim yɛla si'em la.
5 Ani ka David na'am gbauŋ la bɛ,
ani ka ba zin' kat saria.
6 Sɔsim ye sumbʋgʋsʋm na bɛ Jerusalem:
“Banɛ nɔŋif la na bɛ ka dabiem kae.
7 Sumbʋgʋsʋm na bɛɛ fʋ teŋ la pʋʋgin
ka dabiem kʋ bɛɛ fʋ kpi'euŋ zin'isin la.”
8 M ba'abiis nɛ m zuanam zugɔɔ,
m na yɛl ye, “Sumalisim na bɛ nɛf.”
9 Ti Zugsɔb Wina'am Yir la zugɔɔ,
m na sɔsi ya sʋm yɛla.