M sʋŋir yitnɛ Zugsɔb la san'an na
121
1 M ʋki m nindaa gɔs zuoya zug.Ya ka m sʋŋir na yina?
2 M sʋŋir yitnɛ Zugsɔb la san'an na,
onɛ maal arezana nɛ dunia la.
3 O kʋ kɛ ka fʋ nɔbir sadigɛ,
onɛ gurif la kʋ zɔɔnsim.
4 Asida onɛ gur Israel la
kʋ zɔɔnsim bɛɛ gbisɛ.
5 Zugsɔb la gurif,
Zugsɔb la aan fʋ datiuŋ nu'ug ma'asim.
6 Nintaŋ kʋ daamif dabisir pʋʋginɛ,
bɛɛ nwadpielig daamif yʋ'ʋŋɔ.
7 Zugsɔb la na yisif yɛlbɛ'ɛd pʋʋgin,
o na guri fʋ nyɔvʋr;
8 Zugsɔb la na guri fʋ yiib nɛ fʋ kpɛn'ɛb
nannanna nɛ saŋa kanɛ ka' naarɛ.