Israel dimi da yi Egipt na la yɛla
114
1 Israel dimi da yi Egipt naka bas nimbanɛ pian'ad pian'azʋŋ la,
2 Wina'am da gaŋ Juda ka o aan o din,
ka Israel aan o mɛŋ sʋ'ʋlim.
3 Atɛuk da gɔsi nyɛ Wina'am ka zɔ,
ka Joodan kɔldaug la lɛb tutula;
4 zuoya la da ian'asid wʋʋ pɛraad,
ka kʋkʋna la ian'asid wʋʋ pɛbibis nɛ.
5 Atɛukɔɔ, bɔɔ niŋ ka fʋ zɔta,
Joodan kɔldaugɔɔ, bɔɔ niŋ ka fʋ lɛbid tutula?
6 Zuoyaa, bɔ ka ya ian'asid wʋʋ pɛraadɛ,
kʋkʋnaa, bɔ ka ya ian'asid wʋʋ pɛbibisɛ?
7 Teŋgbauŋɔ, kirim Zugsɔb la tuon.
Kirim onɛ an Jakob Wina'am la tuon.
8 Onɛ kɛ ka tampiing la lieb bɛuŋ,
ka ku'om tansidi yit tampinkpi'euŋ la ni na.