Winsɔsʋg linɛ bɔɔd sʋŋir
12
1 Zugsɔba, sʋŋimim, ka banɛ dɔllif lɛn kae,pʋpielnam lɛn ka' nidib sʋʋginɛ.
2 Sɔ' wʋsa ma'adnɛ tisid o kpi'a,
ba nɔŋgban pian'ad anɛ ziri ma'aa.
3 Zugsɔb, kɛl ka nɔŋgban malisiŋ wʋsa lɛbi fɔn'
ka banɛ nwɛ'ɛd nyɔ'ɔg la zilima niŋ baanlimm.
4 Ba yɛt ye, “Ti na nyaŋ nɛ ti zilima la:
tinamɛ sʋ'oe ti nɔŋgbana, anɔ'ɔnɛ aan ti sʋ'ʋda?”
5 Zugsɔb la yɛl ye, “Ban namisid tadimnam
nɛ banɛ ka' si'el la fabʋlʋg zug,
m yʋ'ʋn na duoe zi'en,”
m na faaɛn ba yis banɛ namisidi ba la nu'usin.
6 Zugsɔb la yɛlʋg anɛ nyain wʋʋ anzurifanɛ;
ka nwɛnɛ anzurifa ka ba nyɛligi silig nɔɔr ayɔpɔi.
7 Zugsɔba, gu'umi ba sʋ'ʋŋa
guri ba ka yisi ti nimbama nu'usin, saŋa linɛ ka' bɛnnɛ.
8 Nimbɛ'ɛdnam la bɛ nɛ zin'ig wʋsa
ka linɛ pʋ nar la lieb girima bʋn nidib la sʋʋgin.