Nidib la viigi ba tʋʋmbɛ'ɛd si'em
10
1 Ezra da sɔsid Wina'am ka yɛt ban tʋm tʋʋmbɛ'ɛd si'em ka kaasidi mɔr o mɛŋi lɔbid teŋin Wina'am Yir tuon la, ka Israel dim bɛdegʋ dap nɛ pu'ab nɛ biis da la'as na gilig o. Ban mɛ da pin'ili kaasid ya hali. 2 Ani ka Jehel biig Siekania onɛ an Elam yaas la yinne da yɛl Ezra ye, “Ti pʋ tisi ti Wina'am la sidaa, ka di buudzʋna banɛ giligi ti la biisi maali ti pu'ab. Amaa la'am nɛ wala wʋsa, Israel nam mɔr ti'ir. 3 Nannanna, kɛl ka ti maal nɔnaar nɛ ti Wina'am la, ka yis pu'a bama nɛ ba biis la ka li dɔlli fʋ sa'alʋg nɛ banɛ wʋsa zɔti ti Wina'am nɔzi'ela la. Kɛl ka li dɔl wada la an si'em. 4 Duom zi'en! Yɛlkaŋa bɛ nɛ fʋ nu'usin. Ti na zi'eni fʋ nya'aŋ. Alazug, kpɛ'ɛŋimi fʋ mɛŋ ka tʋmi li!”5 Ani ka Ezra duoe zi'en ka yɛl maanmaannib tuongatib nɛ Levi dim nɛ Israel dim wʋsa ye ba pɔɔm zi'el ye ba na tʋm wʋʋ ban gban'e si'em la. Ka ba da sid zi'en ka pɔ. 6 Ka Ezra da yi Wina'am Pʋ'ʋsim Yin la keŋ Jehohanan onɛ an Eliyaasib biig la dɔɔgin. On da bɛɛ ani la, o da pʋ di diib bɛɛ nu ku'om, bɔzugɔ o nan kpɛm kumnɛ nidib la da tʋm si'el la zug.
7 Ba da mɔɔl labaari tis Juda nɛ Jerusalem tɛɛnsin la yɛl nimbanɛ da yi Babilon n lɛb na la ye ba la'asim Jerusalem na, 8 ka li anɛ tuongatib la wʋsa nɔɔri zi'el si'em la. Ba mɔɔl ye onɛ pʋ kɛn daba atan' nwa sʋʋgin naa, o kʋ lɛn nyɛɛ o la'ad la wʋsa, ka on sɔb mɛ kʋ lɛn la'as o mɛŋ nɛ banɛ da lɛb na la.
9 Daba atan' la sʋʋgin dap banɛ bɛ Juda nɛ Benjamin sʋ'ʋlimin la da la'as Jerusalem na. Nwadis awai la dabpisi daar, nidib la wʋsa da la'asi zin' Wina'am Pʋ'ʋsim Yir zakin la, ka ba sʋnya san'am nɛ linɛ niŋid la nɛ sakʋdir linɛ daa niid la zug. 10 Ezra onɛ an maanmaan la da duoe zi'en ka yɛli ba ye, “Ya ka' sida dima, ya di buudzʋna pu'ab la maligim paas taali ziil Israel zug. 11 Nannanna viigimi ya tʋʋmbɛ'ɛdi tis Zugsɔb onɛ aan ya yaanam Wina'am la, ka tʋm o bɔɔdim. Bakimi ya mɛŋ nɛ nimbanɛ giligi ya la wʋsa nɛ buudzʋna pu'ab banɛ ka ya dii ba la.”
12 Ka nimbanɛ la'as la wʋsa siak nɛ kʋkɔtita'ar ye, “Fʋ yɛl sida, asɛɛ ti tʋm wʋʋ fʋn yɛl si'em la. 13 Amaa nidib la zu'oe kpɛla ka li mɛ an sɛɛung la zug, ti kʋ nyaŋi zi'en yiŋa. Ya'a pʋn ka' linɛ, ti kʋ nyaŋi nɔk dabisir yinne bɛɛ dabisa ayi' maal yɛlkaŋa, bɔzugɔ, ti tʋm bɛ'ɛd hali yɛlkaŋa pʋʋgin. 14 Kɛl ka ti tuongatib la zi'en nidib la wʋsa nɔba zugʋ tʋmi li. Zi'elim saŋa ka sariakatib nɛ kpɛɛmnam na yi teŋ wʋsa ni na ka dɔlli ba teŋ biis banɛ wʋsa di buudzʋŋ pu'a, hali ti paae saŋkanɛ ka Wina'am sʋnpɛɛn linɛ duoe nɛ ti yɛlkaŋa zug la ma'ae.” 15 Jonatan onɛ an Asahel biig la, nɛ Jazeaya onɛ an Tikiva biig la ma'aa da pʋ siakɛ, ka Mesulam nɛ Siabetaae onɛ an Levi nid la da zi'e ba nya'aŋ.
16 Ka nidib la niŋ wʋʋ ban gban'e si'em la. Ezra onɛ an maanmaan la da gaans dap banɛ an kpɛɛmnam la. Tuŋ wʋsa da mɔr sɔ' ka o zi'e tuŋ la yʋ'ʋr yɛla. Ka nwadis piiga la dabisir yinne daar ka ba zin'in ye ba vɛɛns yɛla la gbinnɛ gɔs. 17 Ka nwadig kanɛ an yiiga la dabisir yinne daar ka ba naae dap banɛ di buudzʋŋ pu'ab la pian'ad.
Banɛ da di buudzʋŋ biis la yɛla
18 Maanmaannib yaas banɛ da di buudzʋŋ biis la nwa:
Jehozadak biig Jesua nɛ o ba'abiis Maaseya nɛ Elieza nɛ Jarib nɛ Gedalaya. 19 (Bama wʋsa da siak ye ba basi ba pu'ab la, ka sɔ' wʋsa tis pɛraug ye ba maal tʋʋmbɛ'ɛd maan ban tʋm taal la zug.)
20 Imer yaas da anɛ Hanani nɛ Zebadaya.
21 Harim yaas da anɛ Maaseya nɛ Elaja nɛ Semaya nɛ Jehel nɛ Uzia.
22 Pasur yaas da anɛ Eliyona nɛ Maaseya nɛ Isimael nɛ Netanɛl nɛ Jozabad nɛ Elasa.
23 Levi dim la sʋʋgin da anɛ:
Jozabad nɛ Simie nɛ Kɛlaya (onɛ ka ba buon Kɛlita la) nɛ Petahaya nɛ Juda nɛ Elieza.
24 Yʋʋmyʋ'ʋmnib la ni da anɛ Eliyaasib.
Za'anɔgu'udib la da anɛ Sallum nɛ Telem nɛ Uri.
25 Israel dim banɛ kpɛlim la nwa:
Paros yaas da anɛ Aramaya nɛ Izzia nɛ Malkija nɛ Mijamin nɛ Eleazar nɛ Malkija nɛ Benaya.
26 Elam yaas da anɛ Matanaya nɛ Zakaria nɛ Jehel nɛ Abidi nɛ Jerimof nɛ Elaja.
27 Zatu yaas da anɛ Elyona nɛ Eliyaasib nɛ Matanaya nɛ Jerimof nɛ Zabad nɛ Aziza.
28 Bebai yaas da anɛ Jehohanan nɛ Hanania nɛ Zabai nɛ Atilai.
29 Bani yaas da anɛ Mesulam nɛ Maluk nɛ Adaya nɛ Jasub nɛ Seal nɛ Jerimof.
30 Pahaf-Moab yaas da anɛ Adina nɛ Kielal nɛ Benaya nɛ Maaseya nɛ Matanaya nɛ Bezalel nɛ Binnu nɛ Manase.
31 Harim yaas da anɛ Elieza nɛ Isaaya nɛ Malkija nɛ Semaya nɛ Siimion 32 nɛ Benjamin nɛ Maluk nɛ Semaraya.
33 Hasuem yaas da anɛ Matena nɛ Matata nɛ Zabad nɛ Elifelet nɛ Jeremaae nɛ Manase nɛ Simie.
34 Bani yaas da anɛ Maadai nɛ Amram nɛ Wuel 35 nɛ Benaya nɛ Bedeya nɛ Kieluhi 36 nɛ Vanɛya nɛ Meremof nɛ Eliyaasib 37 nɛ Matanaya nɛ Matena nɛ Jaasu.
38 Binui yaas da anɛ Simie 39 nɛ Sielemaya nɛ Natan nɛ Adaya 40 nɛ Makinadebaae nɛ Siasaae nɛ Siaraae 41 nɛ Azarel nɛ Sielemaya nɛ Semaraya 42 nɛ Sallum nɛ Amaraya nɛ Josef.
43 Nebo yaas da anɛ: Jeyel nɛ Matitia nɛ Zabad nɛ Zebina nɛ Jaddaae nɛ Joel nɛ Benaya.
44 Bama wʋsa da di nɛ buudzʋŋ biis, ka ba sieba pu'ab du'a biis ka ba la'am lɛbisi ba nɛ ba biis la.