Nimbanɛ da naan teŋ zʋŋʋ lɛb Jerusalem na la yɛla
9
1 Ba da sɔb Israel tuŋ wʋsa nidib yʋda niŋ Israel na'anam gbana la ni.Ba da gban'e Juda dimi mɔri keŋ Babilon ban da ka' sida dim la zug. 2 Banɛ da dɛŋi lɛbi zin'inɛ ba mɛŋ paalʋ nii ba teŋin la da anɛ Israel buudbanɛ an maanmaannib nɛ Levi dɔɔg dim nɛ banɛ tʋm Pʋ'ʋsim Yir tʋʋma la.
3 Banɛ da yi Juda nɛ Benjamin nɛ Efiram nɛ Manase dɔɔg la ni ka zin' Jerusalem teŋin la da anɛ: 4 Utaae onɛ saamme an Ammihud ka Ammihud mɛ an Omir biig, ka Omir an Imir biig, ka Imir mɛ an Bani biig, ka an Perez yaaŋ la, Perez mɛ da anɛ Juda biig.
Nimbanɛ da yi Juda tuŋʋn la kal da duoe nɛ kɔbisyuobʋ nɛ piswai (690).
7 Benjamin dɔɔg la ni: Salu da anɛ Mesulam biig, ka Mesulam an Hodavia biig, ka Hodavia mɛ an Hasenua biig; 8 Ibneya da anɛ Jeroham biig; ka Ela an Uzi biig, ka Uzi an Mikir biig, ka Mesulam da an Sefatia biig ka Sefatia da an Reuel biig, ka Reuel mɛ an Ibneya biig.
9 Nimbanɛ da yi Benjamin dɔɔgin la da duoe nɛ kɔbiswai nɛ pisnu nɛ ayuobʋ (956). Dap bama wʋsa da anɛ ba dɔɔg tuongatib.
Maanmaannib banɛ da bɛ Jerusalem
10 Maanmaannib la ni da anɛ: Jedaya nɛ Jehoyarib nɛ Jakin 11 nɛ Azariya onɛ da an Wina'am Pʋ'ʋsim Yir la kpɛɛm. O da anɛ Hilkia biig, ka Hilkia an Mesulam biig, ka Mesulam an Zadok biig, ka Zadok an Merayof biig, ka Merayof mɛ an Ahitub biig.
12 Adaya da anɛ Jeroham biig, ka Jeroham an Pasur biig, ka Pasur an Malkija biig. Maasaae da anɛ Adiel biig, ka Adiel an Jazera biig, ka Jazera an Mesulam biig, ka Mesulam an Mesielemif biig, ka Mesielemif mɛ an Imer biig.
13 Maanmaannib banɛ da an dɔɔd la tuongatib la da anɛ tusir nɛ kɔbisyɔpɔi nɛ pisyuobʋ (1,760). Ba da anɛ dap banɛ siaki ba mɛŋ, ka ba tʋʋma da an ye ba maan maana Wina'am Pʋ'ʋsim Yin la.
14 Levi dɔɔg la ni, Semaya da anɛ Hasueb biig ka Hasueb an Azirikam biig ka Azirikam an Hasiabiya biig ka an Merari tuŋ nid la.
15 Bakbakar nɛ Heres nɛ Galal nɛ Matanaya onɛ da an Maika biig ka Maika da an Zikir biig ka Zikir mɛ an Asaf biig. 16 Obadia da anɛ Semaya biig ka Semaya mɛ an Galal biig ka Galal an Jedutun biig; ka Berekaya an Asa biig ka Asa an Elkana biig; o da zin'inɛ Netofa dim teŋkpɛmisin.
Za'anɔgu'udib
17 Banɛ da gur za'anɔɔr la da anɛ: Sallum nɛ Akub nɛ Talimon nɛ Ahiman nɛ ba ba'abiis. Sallum da aan ba tuongat 18 ba da nɔki ba Na'ab Za'anɔɔr kanɛ lɛbid ya-nya'aŋ baba la gu'uli ba ti paae saŋa kaŋa. Bama an Levi dɔɔg dim banɛ da gur za'anɔɔr la.
19 Sallum da anɛ Kore biig, ka an Ebiyasaf yaaŋ. On nɛ o taaba banɛ yi Kohat buudi ni la tʋʋm da anɛ ye ba gur Fuug Sʋgʋr za'anɔɔr la wʋʋ ba yaanamɛ da gur si'em la. 20 Pin'ilʋgʋn la Finehas onɛ an Eleazar biig la da gur za'anɔɔr la, ka Zugsɔb la da bɛ nɛ o. 21 Zakaria onɛ an Meselemaya biig la mɛ da anɛ onɛ gur Zugsɔb La'asʋg Fuug Sʋgʋr la za'anɔɔr.
22 Banɛ ka ba da gaŋ ye ba gur za'anɔɔr la kal da duoe nɛ kɔbisyi' nɛ pii nɛ ayi' (212). Ba da sɔbi ba yʋda dɔlis tuŋ-tuŋ nɛ ban yi teŋkpɛŋ sieba na. David nɛ Samuel onɛ an Zugsɔb nɔdi'es la da nɔk nidib la niŋ tʋʋm kan ni. 23 Ban nɛ ba yaasi da gur Zugsɔb Pʋ'ʋsim Yir la za'anɔya saŋa wʋsa; linɛ ka ba da buon ye Sʋgʋr la. 24 Za'anɔgu'udib la da bɛ nɛ lʋga anaasi la wʋsa, tuon nɛ nya'aŋ, nɛ datiuŋ nɛ dagɔbʋg. 25 Ba ba'abiis banɛ bɛ teŋkpɛmisin la da ɛɛn bɛ nɛ saŋa si'a kena tʋm sʋŋi ba wʋʋ daba ayɔpɔi. 26 Amaa banɛ da gur za'anɔya anaasi la kpɛɛmnam la da anɛ Levi dɔɔg dim, ba tʋʋm da anɛ ba gur dɔɔd la nɛ la'abanɛ bɛ Wina'am yin la. 27 Yʋ'ʋŋ wʋsa ba da giligid nɛ Wina'am Pʋ'ʋsim Yir la, bɔzugɔ li da anɛ ba guri li, ka mɔr saafibiis banɛ ka ba mɔri yɔ'ɔgidi kpɛn'ɛd bɛkɛung wʋsa la.
Levi dim tʋʋm sieba yɛla
28 Levi dim banɛ da kpɛlim la tʋʋm da anɛ ye ba gur la'abanɛ ka ba mɔri tʋm Pʋ'ʋsim Yin la. Ba ya'a mɔri ba kpɛn'ɛd na, ba na kaali ba, ka lɛn kaali ba, ba ya'a mɔri ba yit. 29 Sieba tʋʋm mɛ da anɛ ba gɔsid kʋgis nɛ la'abanɛ wʋsaa bɛ Pʋ'ʋsim Dɔɔgin la, la'am nɛ zɔm nɛ daam nɛ kpaam linɛ nyu'od la nɛ bʋnnyubisa. 30 Amaa li anɛ maanmaannib la sieba da maan bʋnnyubisa la. 31 Levi nid sɔ' da bɛ ka o yʋ'ʋr buon Matitia, o da anɛ Sallum bikpɛɛm ka an Kora nid, o tʋʋm da anɛ bodobodo maalʋg. 32 Ba ba'abiis sieba banɛ an Kohat tuŋ dim la da sʋ'oe bodobodo linɛ ka ba pa'an teebul zug Vʋ'ʋsʋm Daar wʋsa la gɔsig.
33 Levi dim la sieba da anɛ yʋʋmyʋ'ʋmnib Pʋ'ʋsim Yir la ni. Ba yir kpɛɛmnam la da bɛ nɛ Pʋ'ʋsim Yir dɔɔdin la, ba da pʋ kɛ ka ba tʋm tʋʋm si'a ya'asɛ bɔzugɔ ba da anɛ banɛ sʋ'oe yʋ'ʋŋ nɛ nintaŋ tʋʋma.
34 Banɛ yʋda sɔb zugin la da anɛ Levi dim yir kpɛɛmnam. Ba yʋda la da sɔb nɛ dɔlis tuŋ-tuŋ, ba da zin'inɛ Jerusalem.
Saul tuŋ la yɛla
35 Jeyel onɛ da an Gibeon saam la, da zin'inɛ Gibeon teŋin. O pu'a yʋ'ʋri da buon Maaka. 36 O bikpɛɛm yʋ'ʋri da buon Abidon, ka banɛ tia'al an Zur nɛ Kis nɛ Baal nɛ Nier nɛ Nadab 37 nɛ Geduor nɛ Ahio nɛ Zakaria nɛ Mikilof. 38 Miklof biigi da an Simeam. Ba mɛ da zin'ini kpi'e nɛ ba nidib Jerusalem teŋin.
39 Nier da anɛ Kis saam, ka Kis an Saul saam, ka Saul an Jonatan nɛ Malikisua nɛ Abinadab nɛ Esibaal saam. 40 Jonatan biig yʋ'ʋri da an Merib-baal: ka Merib-baal du'a Maika. 41 Maika biribis yʋda nwa: Piton nɛ Melek nɛ Tarea, nɛ Ahaz. 42 Ka Ahaz an Jara saam ka Jara an Alemef nɛ Asmavef nɛ Zimiri saam ka Zimiri an Mooza saam. 43 Ka Mooza an Binɛa saam ka Binɛa an Rafa saam ka Rafa an Eleasa saam ka Eleasa an Azel saam. 44 Azel da mɔri biribis ayuobʋ, ka ba yʋda an: Azirikam nɛ Bokɛru nɛ Isimael nɛ Seraya nɛ Obadia nɛ Hanan. Bama wʋsa da anɛ Azel biribis.