Isaka yaas yʋda nwa
7
1 Isaka biribis da anɛ Tola nɛ Pua nɛ Jasub nɛ Simiron. Ba wʋsa da la'as nɛ nidib anaasi.2 Tola da mɔri biribis ayuobʋ ka ba yʋda an Uzi nɛ Rafaya nɛ Jeriel nɛ Jamaae nɛ Ibisam nɛ Samuel.
Banɛ da aan ba dɔɔg la tuongatib. Na'ab David na'am saŋa la, Tola yaas la da mɔr zabzabidibi ba tuŋʋn la, ka ba kal an wʋʋ tusa pisi nɛ ayi' nɛ kɔbis yuobʋ (22,600).
3 Uzi biig da anɛ Izirahaya ka Izirahaya biribis da an Maikel nɛ Obadia nɛ Joel nɛ Isaaya. Ba babanu la wʋsa da anɛ zugdaannam.
4 Ba tuŋ la pʋʋgin, ba da sɔb dap tusa pistan' nɛ ayuobʋ yʋda (36,000) banɛ siak zaba ken, bɔzugɔ ba da mɔr pu'ab nɛ biribis bɛdegʋ. 5 Isaka dɔɔg la ni dap banɛ da siak zaba ken la kal da anɛ tusa pisnii nɛ yɔpɔi (87,000).
Benjamin yaas yʋda nwa
6 Benjamin biribis da anɛ Bela nɛ Beka nɛ Jediael.
7 Bela biribis da anɛ Ezibon nɛ Uzi nɛ Uziel nɛ Jerimof nɛ Iri, tuŋ la tuongatib.
Ba tuŋ la ni ba da mɔr zabzabidib tusa pisi nɛ ayi' nɛ pistan' nɛ anaasi (22,034).
8 Beka biribis da anɛ Zemira nɛ Joas nɛ Elieza nɛ Eloanai nɛ Omir nɛ Jerimof nɛ Abija nɛ Anatof nɛ Alemef. Bama wʋsa da anɛ Beka biribis.
9 Ba tuŋʋn la, ba da sɔb yidaannam yʋda, nɛ zabzabidib kal ka li anɛ nidib tusa pisi nɛ kɔbisyi' (20,200).
10 Jediael biig da anɛ Bilhan. Ka Bilhan biribis an Jeus nɛ Benjamin nɛ Ehud nɛ Kenaana nɛ Zetan nɛ Tarsis nɛ Ahisiaha.
11 Jediael biribis nwa wʋsa da anɛ yidaannam. Ba da mɔr zabzabidib tusa pii nɛ ayɔpɔi nɛ kɔbisyi' (17,200) banɛ siak zaba ken. 12 Sup dim nɛ Hup dim la da anɛ Ir yaas ka Husi dim an Aher yaas.
Naftali yaas yʋda nwa
13 Naftali biribis da anɛ Jaziel nɛ Guni nɛ Jezer nɛ Sillem. Banɛ da an Biliha yaas.
Manase yaas yʋda nwa
14 Manase da mɔr pu'abil ka o an Aram sʋ'ʋlim nid. O da du'a biis ayi' ka ba yʋda buon Asiriel nɛ Makir ka Gilead saam da an Makir. 15 Makir da di pu'a ka o an Hup nɛ Sup dim buudi ka o taʋn yʋ'ʋr da buon Maaka. O yaaŋ yinne da bɛɛ buon Zelofehad, o da du'anɛ bipumis ma'aa.
16 Makir pu'a Maaka da du'a biribiŋ ka pʋd o yʋ'ʋr ye Periis, ka o mabiig yʋ'ʋr buon Sieriis ka on biribis mɛ an Ulam nɛ Rakɛm. 17 Ulam biig yʋ'ʋri da buon Bedan. Bama da an Gilead onɛ an Makir biig ka Makir mɛ an Manase biig la.
18 O taʋn Hamolekef da du'a Isod nɛ Abieza nɛ Mahla. 19 Siamida biribis da anɛ Ahiyaan nɛ Sekɛm nɛ Likihi nɛ Aniam.
Efiram yaas yʋda nwa
20 Ephiram biig yʋ'ʋri da buon Seufila, ka Seufila da du'a Bered, ka Bered du'a Tahaf, ka Tahaf du'a Eli'ada, ka Eli'ada du'a Tahaf, 21 ka Tahaf da du'a Zabad, ka Zabad du'a Seufila.
Eza nɛ Eliad da keŋ Gaf teŋin ye ba faaɛn ba bʋnkɔnbid, ka teŋ la dim kʋʋ ba. 22 Ba saam Efiram da kumi ba yɛla dabisa bɛdegʋ ka o nidib kena bɛlis o. 23 O da lɛn digin nɛ o pu'a ya'as ka o gban'e pʋʋgʋ du'a biribiŋ. Ka o pʋd o yʋ'ʋr ye a Beria, bɔzugɔ yɛla pamm da kɛɛn o yin la na. 24 O bipuŋ yʋ'ʋri da buon Seera, onɛ da mɛ' Bet Horon linɛ bɛ Zugin, nɛ Bet Horon linɛ bɛ Teŋir la, la'am nɛ Uzen Seera tɛɛns la. 25 Seufila da du'a Refa, ka Refa du'a Resief, ka Resief du'a Tela, ka Tela du'a Tahan, 26 ka Tahan du'a Ladan, ka Ladan du'a Ammihud, ka Ammihud du'a Elisama, 27 ka Elisama du'a Nun, ka Nun mɛ du'a Josua.
28 Ba teŋ la nɛ ban da zin' zin'isi'a la da kpanbi Betel nɛ teŋkpɛmis banɛ giligi li la, lin yi Naaran teŋin lɛbid ya-nya'aŋ baba, nɛ Giza nɛ li teŋkpɛmis la lɛbid ya-tuona baba, nɛ Sekɛm nɛ tembanɛ giligi li la, hali ti paae Aya teŋ nɛ tembanɛ giligi li la wʋsa. 29 Manase titɔndigi da an Betsean teŋ la, Taanak nɛ Megido nɛ Dor nɛ tembanɛ gilig la wʋsa. Josef onɛ an Israel biig la yaas la da bɛnɛ teŋ bama ni.
Aser yaas yʋda nwa
30 Aser biribis da anɛ Imnah nɛ Isiva nɛ Isivi nɛ Beria. Ba taʋn yʋ'ʋri da buon Sera.
31 Beria biribis da anɛ Heber nɛ Malkiel. Ka Malkiel biig an Birzef.
32 Heber biribis da anɛ Jafilet nɛ Seoma nɛ Hotam. Ba taʋn da an Sua. 33 Jafilet mɛ da mɔr biribis atan', ka ba yʋda an Pasak nɛ Bimihal nɛ Asivaf. 34 Seoma biribis da anɛ Ahi nɛ Roga nɛ Huba nɛ Aram. 35 O pitʋ Helem biribis da anɛ Zofa nɛ Imna nɛ Sielis nɛ Amal.
36 Zofa biribis da anɛ Sua nɛ Haanɛfa nɛ Sual nɛ Beri nɛ Imra nɛ 37 Bezer nɛ Hod nɛ Seamma nɛ Silisia nɛ Itiran nɛ Beera.
40 Bama wʋsa da anɛ Aser yaas ka an tuŋ la tuongatib, ba da anɛ zabzabidib banɛ sʋnfʋ kpi'em nɛ tuongatib banɛ ka sɔ' wʋsa mi' ba yɛla. Dap banɛ da siak zaba ken ka ba kaali ba la da anɛ tusa pisi nɛ ayuobʋ (26,000).