Israel biis yʋda nwa
2
1 Israel biribis da anɛ Reuben nɛ Simeon nɛ Levi nɛ Juda nɛ Isaka nɛ Zebulun 2 nɛ Dan nɛ Josef nɛ Benjamin nɛ Naftali nɛ Gad nɛ Aser.Juda yaas yʋda nwa
3 Juda pu'a kanɛ yʋ'ʋri da buon Bafsua la da du'a biribis atan' ka ba yʋda an Er nɛ Onan nɛ Sela, o da anɛ Keenan nid, ka o saam yʋ'ʋr buon Sua. Er onɛ aan o bikpɛɛm la da tʋm tʋʋmbɛ'ɛd Zugsɔb la tuon ka Zugsɔb la kɛ ka o kpi. 4 Juda da dii o biig Onan pʋkɔɔnr la, ka on mɛ du'a Perez nɛ Zera. Juda biribis wʋsa da anɛ anu. 5 Perez biribis da anɛ: Heziron nɛ Hamul. 6 Zera biribis da anɛ: Zimiri nɛ Etan nɛ Heman nɛ Kalkol nɛ Daada. Ba wʋsa da la'as nɛ biribis anu. 7 Akar da anɛ Karmi biig. Onɛ da zaŋ Zugsɔb la la'asieba ka li lieb o mɛŋ din ka li mɔr yɛla kɛn Israel dimin na la. 8 Azaria da anɛ Etan biig. 9 Heziron biribis da anɛ: Jerameel nɛ Ram nɛ Kaleb.
Ram yaas yʋda nwa
10 Ram da du'a Aminadab ka Aminadab du'a Nason, on da anɛ Juda dim tuongat. 11 Nason da du'a Salmon ka Salmon du'a Boaz, 12 Boaz da du'a Obɛd ka Obɛd du'a Jese.
13 Jese bikpɛɛm da anɛ Eliab ka Abinadab tia'al ayi' ka Simea tia'al atan', 14 ka Netanɛl da tia'al anaasi ka Aradaae tia'al anu ka 15 Ozem da tia'al ayuobʋ ka David tia'al ayɔpɔi. 16 Ba tanp yʋda da anɛ: Zeruyia nɛ Abigel. Zeruyia biribis da anɛ atan', ba yʋda da anɛ: Abisai nɛ Joab nɛ Asahel. 17 Abigel biigi da an Amasa, ka o saam da an Jeta. O da anɛ Isimael nid.
Heziron yaas yʋda nwa
18 Heziron biigi da an Kaleb. Kaleb nɛ o pu'a Azuba da du'a bipuŋ Jeriof. Ba biribis da anɛ: Jeser nɛ Sobab nɛ Aridon. 19 Azuba da kpi la, Kaleb da di Efirata du'a Hur. 20 Hur da du'a Uri, ka Uri du'a Bezalel.
21 Heziron da anɛ yʋma pisyuobʋ ka di Makir pu'ayua du'a Segub. Makir saam da anɛ Gilead. 22 Segub da du'a Jair ka o sʋ'oe tɛɛns pisi nɛ atan' Gilead teŋgbauŋʋn. 23 (Amaa lin nya'aŋ Gesur dim nɛ Aram dim da zabi faaɛn Jair Teŋkpɛmis la, nɛ Kenaf tempʋʋg nɛ li teŋkpɛmis, tɛɛns pisyuobʋ.) Bama wʋsa da anɛ Makir onɛ an Gilead la yaas. 24 Heziron da kpi Efirata teŋin, linɛ an Kaleb sʋ'ʋlim la. On da kpii naae la, o pu'a Abija da du'a Asur ka Asur mɛ du'a Tekoa.
Jerameel yaas yʋda nwa
25 Heziron bikpɛɛm da anɛ Jerameel, ka Jerameel bikpɛɛm an Ram, ka banɛ tia'al an Buuna nɛ Orem nɛ Ozem nɛ Ahija. 26 Ka o pu'abil Atara biig mɛ an Onam. 27 Jerameel bikpɛɛm Ram biribis da anɛ Maaz nɛ Jamin nɛ Eker. 28 Ka Onam biribis da an Seamaae nɛ Jada. Ka Seamaae biribis da an Nadab nɛ Abisuor.
29 Abisuor pu'a yʋ'ʋri da buon Abihel, ka o biribis da anɛ Aban nɛ Moolid. 30 Nadab biribis da anɛ Seled nɛ Apayim. Seled da kpiya ka pʋ du'a biisɛ. 31 Apayim biig da anɛ Isi, ka on biig mɛ an Siesan, ka Siesan biig an Alai.
32 Jada onɛ an Seamaae pitʋ la biribis da anɛ Jeta nɛ Jonatan. Jeta da kpiya ka pʋ du'a biisɛ. 33 Jonatan biribis da anɛ Pelef nɛ Zaza. Bama wʋsa da anɛ Jerameel yaas.
34 Siesan da ka' biribisɛ, ba da anɛ bipumis ma'aa. O da mɔr o yammʋg ka o an Egipt nid ka o yʋ'ʋr buon Jaha. 35 O da nɔk o bipuŋi tis Jaha ka o kul o, du'a Atai tis o.
36 Atai da du'a Natan, ka Natan du'a Zabad 37 ka Zabad da du'a Efilal ka Efilal du'a Obɛd 38 ka Obɛd da du'a Jehu ka Jehu du'a Azaria, 39 ka Azaria da du'a Helez, ka Helez du'a Eleasa, 40 ka Eleasa da du'a Sismaae, ka Sismaae du'a Sallum, 41 Ka Sallum da du'a Jekamiya, ka Jekamiya du'a Elisama.
Kaleb dɔɔg dimi nwa
42 Jerameel pitʋ Kaleb biribis da anɛ Mesea onɛ da aan o bikpɛɛm. Ka Mesea du'a Zif; ka o biig yinne an Maresa ka on du'a Hebron. 43 Hebron biribis da anɛ Kora nɛ Tapua nɛ Rekem nɛ Sema. 44 Sema da du'a Raham ka Raham du'a Jokiam. Ka Rekem mɛ du'a Seamaae 45 ka Seamaae da du'a Maon ka Maon du'a Bet Zur.
46 Kaleb pu'abil Efa da du'a Haran nɛ Mooza nɛ Gaziis. Haran mɛ da mɔr biig ka o yʋ'ʋr buon Gaziis.
47 Jadaae biribis da anɛ Regem nɛ Jotam nɛ Gesean nɛ Pelet nɛ Efa nɛ Saaf. 48 Kaleb pu'abil Maaka da du'a Siebɛr nɛ Tirana. 49 O da lɛn du'a biribis ayi', ka banɛ an Saaf nɛ Siiva. Saaf da sʋ'oe Madmana teŋ ka Siiva sʋ'oe Makbina nɛ Gibea tɛɛns. Kaleb pu'ayua da an Akisa.
50 Bama da an Kaleb yaas. Hur da an Efirata bikpɛɛm, ka o biribis an Soobal onɛ da an Kiriaf Jiarim saam la. 51 Betilehem saam da anɛ Sanlima ka Bet Gader saam an Haref.
52 Soobal onɛ da an Kiriaf Jiarim saam la yaas da anɛ Haroi nɛ Manahaf dim la pʋsʋk, 53 nɛ Kiriaf Jiarim dɔɔd la wʋsa; banɛ da an Yitir nɛ Puf nɛ Seuma nɛ Misira dim. Ka ba yaas da an Zora nɛ Esitaol dim.
54 Sanlima yaas da anɛ Betilehem nɛ Netofa nɛ Atirof Bet Joab dim, nɛ Manahaf dim la pʋsʋk ya'as nɛ Zoor dim, 55 nɛ gbauŋmi'idib dɔɔd banɛ bɛ Jabes teŋin la. Banɛ da an Tiira nɛ Simeaf nɛ Sueka dim.
Bama da anɛ Ken dim ka ba yaab an Hammaf onɛ biisi da an Rekab yidim la.