Efantu 33
Pipaakool pa piti Jakob niŋ Esawu
33
Jakob náahaafin naaŋantan Esawu ti ékey niŋ pakan sikeme sipaakiil;
fiye,
náapaacinool epuukoo ti Leya,
Rasel niŋ pimiikan pa pakaal paka pákasupak paka.
2 Naanonowan pimiikan pa pákasupak paka niŋ epuukii,
Leya niŋ epuukoo nkanow pusonii,
Rasel niŋ Josef nkákelanii.
3 Akina faŋoo naanowii hátikin,
náakilipo puhooŋuyoo t’etaam fo ñiyema isak niŋ ñésupak álohanum púnuwoo.
4 Pale Esawu naatey apipaakoolan Jakob,
naaŋoonoo naasumpooloo,
poko t’ésupakii nkayeno pukooŋ.
5 Esawu náasaalino naacuk pakaal paka niŋ epuuk ya,
naacakanoo:
“Pakayme kayem fiye niŋ awe?”
Jakob naañahanoo:
“Poko kayem epuuk ya payenka Pútuun pa mpuwunaam ka,
inci amiikan a atii.”
6 Fiye,
pimiikan pa pákasupak paka niŋ epuukii nkalohii nkákilipo,
7 Leya lompo niŋ epuukoo nkalohii nkákilipo,
ti pikelan Josef niŋ Rasel nkalohii nkákilipo.
8 Esawu naacakan:
“Pukoolee empa inci mpaakoole pa púlooŋ,
piti weyme?”
Jakob naañahanoo:
“Awe inci uwwune po,
aakati wananam ti kásuumaay,
áhampaatiin a atoom.”
9 Pale Esawu naañahanoo:
“Atuwam,
inci taakaataak ñác!
Mank waah wa utii.”
10 Jakob naañahanoo:
“Káluma inci luumuu,
iyyema aaponketaam,
coon kawun ka kutoom.
Kaatuko hicuku puhooŋuyi cukaacuk nii hicuku puhooŋu Pútuun pa apan uwwananam.
11 Ooto káluma,
sayan kawun ka kutoom.
Kaatuko Pútuun pa puwunaamwun meemak,
intaak aŋa inci insoolahe ya.”
Páawoo Jakob aŋiiniyooŋiino,
ti pikelan naacoon.
Káluma sayan kawun ka kutoom - páawoo Jakob naaŋiiniyoo ti pikelan naacoon.
Jakob náahaafin naacuk Esawu ti ékey;
álohanum púnuwoo náakilipo puhooŋuyoo t’etaam fo isak niŋ ñésupak.
Káluma sayan kawun ka kutoom - páawoo Jakob naaŋiiniyoo ti pikelan naacoon.
Jakob náahaafin naacuk Esawu ti ékey;
álohanum púnuwoo náakilipo puhooŋuyoo t’etaam fo isak niŋ ñésupak.
Káluma sayan kawun ka kutoom - páawoo Jakob naaŋiiniyoo ti pikelan naacoon.
Esawu naatey apipaakoolan Jakob naaŋoonoo naasumpooloo t’ésupakii nkayeno pukooŋ.
Káluma sayan kawun ka kutoom - páawoo Jakob naaŋiiniyoo ti pikelan naacoon.
Esawu naatey apipaakoolan Jakob naaŋoonoo naasumpooloo t’ésupakii nkayeno pukooŋ.
Káluma sayan kawun ka kutoom - páawoo Jakob naaŋiiniyoo ti pikelan naacoon.
Jakob náahaafin naacuk Esawu ti ékey;
álohanum púnuwoo náakilipo puhooŋuyoo t’etaam fo isak niŋ ñésupak.
Káluma sayan kawun ka kutoom - páawoo Jakob naaŋiiniyoo ti pikelan naacoon.
Jakob náahaafin naacuk Esawu ti ékey;
álohanum púnuwoo náakilipo puhooŋuyoo t’etaam fo isak niŋ ñésupak.
Káluma sayan kawun ka kutoom - páawoo Jakob naaŋiiniyoo ti pikelan naacoon.
Esawu naatey apipaakoolan Jakob naaŋoonoo naasumpooloo t’ésupakii nkayeno pukooŋ.
Káluma sayan kawun ka kutoom - páawoo Jakob naaŋiiniyoo ti pikelan naacoon.
Jakob naafe pupaakool pa niŋ Esawu - naawatanoolo naawufanoo ti pawulaloo.
Esawu afaacoon wo kamma Jakob naaŋese púsuumool pa.
Jakob naafe pupaakool pa niŋ Esawu - naawatanoolo naawufanoo ti pawulaloo.
Esawu afaacoon wo kamma Jakob naayem atuwoo,
háni ínciiti.
Jakob naafe pupaakool pa niŋ Esawu - naawatanoolo naawufanoo ti pawulaloo.
Esawu afaacoon wo kamma Jakob naawasoo hitaaku hiti etaam.
Jakob naafe pupaakool pa niŋ Esawu - naawatanoolo naawufanoo ti pawulaloo.
12 Púful toko Esawu naasokoo:
“Lito ukaayaa,
inci fanowi hátikin.”
13 Pale Jakob naañahanoo:
“Ahámpaatiin,
áameyimeyi nii epuuk ya kayekut sempe,
ñaŋaa lompo kaamankool púlukuleen pa peeyem pa ti káacuuwan:
písaacii pa niŋ síis sa.
Niŋ piŋalee niŋ kahiliikan háati hinoom hoonool efipiket.
14 Fiye áhampaatiin,
nowam hátikin,
inci amiikan a atii,
fásapalii caahinkiŋ caahinkiŋ niŋ epuuk ya niŋ pukoolee pa fo inci cólii pukol áhampaatiin a atoom ti mah ma miti Seyil.”
15 Esawu naasokoo:
“Ooto inci pikati niŋ pakakee pákayiin paka pakatoom.”
Jakob naañahanoo:
“Weyme uwune aakati hín eehuu?
Lonko inci intaake kawanan ka kiti áhampaatiin a atoom.”
16 Oom hinoom Esawu naañohiye Seyil.
17 Pale Jakob naakaay Sukot.
Po,
naalut ekumpaanoo naasiiŋan lompo púkuut piti púlukuleen pa piteyoo.
Ekina ewune nkalu toko caacaw ca Sukot (ekina eyem “púkuut”).
Jakob ti mah ma miti Kanaan
18 Ti pikelan,
Jakob naacol ti kásuumaay ti saatee ya eti Sikem ti mah ma miti Kanaan,
loho áfuliyoo Mesopotami.
Naakin púcoonool saatee ya.
19 Naanoom etaam ya la naasiiŋane la ékuut ya eteyoo ti epuuk Hamol,
Sikem paapaa ateyoo.
Naacooyii sikoofali keme.
20 Naalut toko kaaciin naalu ko caacaw ca El-Elohe-Israyel (ekina eyem “Pútuun pa piyem Pútuun pa piti Israyel”).