Páhin 5

Efantu 5

Eket ya eti Anañas niŋ aaloo Safila

Fiye, intaako toko áyiin aŋa nkasok Anañas, akina niŋ aaloo Safila nkanooman ti etaam ya eteyii. 2 Anañas náasiyool niŋ aaloo kapimank mikee mañ ma. Náacoopii mikee mañ ma apuwufan mo pa. 3 Fiye, naasokoo: “Anañas, puume neenakiye yaani incaam hátikin , immank ti faŋi mikee mañ ma? 4 Fo etaam ya etii tom le niŋ aafanooman yo? Ta annoomane yo ta lompo fo mañ ma miyeniit ti sipeesi? Weyme uwune ímmiilool íhinu eehuu? Aacaamut pakan paka pale Pútuun pa ancaame.”

5 Ta náasiye ta kilim enkuu, Anañas naanow naaket. Kéesiye ho ka fiye púlooŋ nkameeŋ niŋ ewatate enfakat. 6 Pikampaani pa nkákey nkakuup ehunuŋ ya, íncakahokii yo.

7 Máamun sitalaŋ síhaaciil sipimuus, aaloo náanakoonii péemiit heetaakiye ha áyiinoo. 8 Piyeer naacakanoo: “Sokam, ti soŋ eyye inninoomane etaam ya etaaluu?” Naañahanoo: “Ee, soŋ eyyuu.” 9 Fiye, Piyeer naasokoo: “Weyme uwune awe niŋ áyiini innicoon puwinko Kunuu ka kiti ? Sincan! Kéehokii ka áyiini ahaayii ti putum pa efi lompo kacoopi.” 10 Tokotoko aal a naanow naaket ti woot Piyeer. Pikampaani pa kápinakoonii nkacukoo naakete nkacoopoo íncakahokiyoo pukol áyiinoo. 11 Kéeyinane ka púlooŋ niŋ kéesiye ho ka púlooŋ nkameeŋ niŋ ewatate enfakat.

Hícump heecukantee

12  pa nkáhin hícump píyisan niŋ weecukantee hátikin pakan paka. Kéeyinane ka púlooŋ ti Yéesu nkaloom pipaakool ti ekumpaan ya enfakat ya eti Pútuun pa lati Címpaŋ ya eti . 13 An áhaañiyantoo hinanfuyii, pale pakan paka nkánapiyanii. 14 Háati fo, pakan paka kéeyinane ka ti nkahaŋ toko nkameeŋe, kayoŋ kenfakat kiti pákayiin niŋ pakaal. 15 Pakan paka nkácoopii fala púkuuña pa pakateyii ti ñítin ña nkahintanii ti pucunkun niŋ ti uhun ancuk niŋ amuusaa hísaalumantoo níhilik pakakee teyii. 16 Pakan keemeeŋe nkáfulii ti pisaatee pa peekole pa nkácoopoolii púkuuña pa pakateyii niŋ payenka nkinakiye, poko púlooŋ nkákuuñanee.

Kaakallanee ka kiti pupoñapoñ pa kamma Yéesu

17 Fiye, niŋ pinapooloo, keeyem ka ti kayoŋ ka kiti pa, nkataak paheeka ti pa. 18 Nkacokii nkawantii ti ékuluma. 19 Pale niŋ hánant ha, ya eti néepankinii ñutum ña ñiti ékuluma ya, néefulaniyii neesokii: 20 “Nikaay nisiiŋo pati eti Pútuun pa, innikaman pakan paka hilim ha hiti eloŋ eyye.” 21 Pupoñapoñ pa nkáhin eeha neesokii ha. Cipilap, nkanako ti ekumpaan ya enfakat ya nkayeno kakalaŋan pakan paka.

Ta awaaseena ya enfakat a náacolii ta niŋ keeyem ka neyoo, nkaconcoolan ñíhampaatiin píhina kíiti ya púlooŋ pakati pa. Fiye, nkapoñ pati ékuluma ya kapica kácoopii pupoñapoñ pa. 22 Pale pufaasa pa pakati ekumpaan ya enfakat ya kapucol pati ékuluma ya kacukutii, nkañoho nkasokii: 23 “Ukaayaakaay pati ékuluma ya nuutook yo neekulee pitempo tak, pufaasa pa pakati ékuluma ya nkasiiŋo ti ñutum ña pale úpupankin ucukut páhantuwa an!” 24 Ahámpaatiin a ati pufaasa pa pakati ekumpaan ya enfakat ya niŋ kápisi eehuu nkaliim meemak ti pupoñapoñ pa. Nkayeno ecakanoolo puume efihikelan.

25 Fiye, an náakey naasokii: “Nisincan! Pákayiin paka payenka innikule ka ahaayii pati ekumpaan ya enfakat ya ti kakalaŋan pakan paka.” 26 Tokotoko, áhampaatiin a ati pufaasa pa pakati ekumpaan ya enfakat ya naakaay niŋ pufaasa pa íncakacoopii pupoñapoñ pa, pale kácokiyootii niŋ sempe kamma nkafeye pakan paka timpi pukumpa.

27 Nkacoop pupoñapoñ pa hátikin ñíhampaatiin píhina kíiti ya. Awaaseena ya enfakat a naacakanii, 28 naasokii: “Fo ukitut aluu kakalaŋan ti caacaw áyiin a aŋuu? Pale nisincan eeha ínnihine ha! Nimeeŋanaa púlooŋ niŋ kakalaŋan ka kitaaluu, ínnilafi katiyan unii eket ya eti áyiin a aŋuu!” 29  niŋ pakakee pupoñapoñ pa nkañahanii: “Pútuun pa nuuñaŋe káasiitan pale an tom. 30 Aluu nimuke Yéesu ta innipempeŋoo ta ti ya pale Pútuun pa piti símaama unaa mpilitanoo ti eket ya. 31 Pútuun pa mpíseepinoo ti epees etempo yáali, mpíhinoo apiyeno ati hikaw ha niŋ ya kati puwufan pakati la éfikasik kápuwunko umuuyen wa uteyii nkaponketee. 32 Unii utantake eehuu fiye púlooŋ, unii niŋ enka Pútuun pa mpuwufane ka kéetuule po ka.”

Yéesu naawufan pakati Israyel la éfikasik kápuwunko umuuyen wa uteyii nkaponketee.

Aluu nimuke Yéesu, ti kaapempeŋoo ti kuluwaa ti káameyaati.

Yéesu naawufan pakati Israyel la éfikasik kápuwunko umuuyen wa uteyii nkaponketee.

Pútuun pa mpíseepinoo ti epees yáali etempo mpíhinoo ati hikaw.

Yéesu naawufan pakati Israyel la éfikasik kápuwunko umuuyen wa uteyii nkaponketee.

33 Ta nkásiye ta eehuu kiiñii nkili meemak ti pupoñapoñ pa nkálafiyii himuku. 34 Pale oonool teyii, Afalisaay caacawoo Kamaliyel, , aŋa pakan paka púlooŋ nkánapiyane, naasiiŋo hátikin ñíhampaatiin píhina kíiti ya, naasok pupoñapoñ pa káfulanee fala tíkitaaŋ. 35 Fiye, naasokii: “Aluu pakati Israyel, nitah kunuu meemak ti eeha ínnilafiye ha íhinu payenkuu. 36 Sitiil seemuuse nuucukaa áyiin a aŋa nkasok ya Teyutas naacokooliye fa nii an eemaka, máamun pakan sikeme sipaakiil (400) kanapanoo. Pale ta naamukee ta poko fiye púlooŋ nkahancoolo, kiteyoo nékisiitee. 37 Púful toko, ti caanak enca an óo an naañaŋee ta hikiicuyee caacawoo, intaako áyiin aŋa nkasok Yutas ati Galilee, pakakee pakan nkanapanoo naanoŋanii ti pakati kikaw ka. Akina lompo naamukee, pinapana pa pakateyoo púlooŋ nkahancoolo. 38 Ooto inci pusok aluu hoonool: Payenkuu nitahiipo! Timpi nipaaliyii nikatanii kapikaay! Kaatuko eeha nkámiilool ha niŋ eeha nkáhin ha, iyyema ti pakan níhifulii féefiye hiketaa. 39 Pale iyyema eeha nkayem ha ti íhinu ti Pútuun pa níhifulii, étiniyiniyii iheeku. Nitah kunuu, ti kafeyatan timpi niyeno pikamool niŋ Pútuun pa!” Píhina kíiti ya nkacoon eeha Kamaliyel naasoke ha.

40 Nkapoñ kápucoopii pupoñapoñ pa nkáhin kapisapee niŋ hisawut. Fiye, nkakitii káakup ti caacaw Yéesu, nkakatanii kapikaay. 41 Pupoñapoñ pa nkáful ti éhinuma kíiti ya niŋ pásuuma penfakat. Kaatuko Pútuun pa pucokiicok nii pakan kéetuuniye pikallo ti caacaw ca citi Yéesu. Ekina ewune nkameeŋ niŋ pásuuma. 42 Hinak óo hinak ti ekumpaan ya enfakat ya eti Pútuun pa niŋ ti pukumpaan pa káyekuniit kakalaŋan niŋ káatuunan ekooŋan ya éesuume ya nii Yéesu ayem .