យ៉ូសាវែ 19

ពដិះ ភូង យូ ស៊ីមៀន

សណូត ទី បារ ត្រ ប៉ុះ ស៊ីមៀន  អ៊ែ ផឿ ឌី ភូង យូ កួន ចូវ ស៊ីមៀន  សយ ក្រំ ក្រាន ហ្នាម មែ។ ព្រឋុក មែ គូ ទឹង អ្នឌី ព្រឋុក បូវ កួន ចូវ យូដា។ 2 ព្រឋុក មែ អ៊ែ ហ ប៊ិច៖

មឿង បៀរស៊ីបា  សែបា  ម៉ូឡាដា  3 ហាសា-ស៊ូអាល  បាឡា  អាសែម  4 អែលថូឡាត  បែធូល  ហូម៉ា  5 ស៊ីកឡាក់  ប៊ែត-ម៉ារកាបូត  ហាសារ-ស៊ូសា  6 ប៊ែត-លីបាអូត  វ៉ា សារូហែន។ តមួត លែក អ៊ែ ប៊ិច ជិត ពែ មឿង  វ៉ា ហ្នដឹប ស្រ៊ុក ឍឺៗ ឡា គូ ឈុំ អ៊ែ។

7 មឿង អាយីន  រីម៉ូន  អ៊ែធើរ  វ៉ា អាសាន។ តមួត លែក អ៊ែ ប៊ិច ពួន មឿង  វ៉ា ហ្នដឹប ស្រ៊ុក ឍឺៗ ឡា គូ ឈុំ អ៊ែ  8 វ៉ា ស្រ៊ុក ឍឺៗ ឡា គូ ឈុំ មឿង លែក អ៊ែ  និះ ប៊ឹះ បាអាឡាត-ប៊ែអ៊ឺរ វ៉ា រ៉ាម៉ូត  ឡា គូ ទឹង ពដិះ តូយ ចម៉ា ម៉ាត់ តង៉ៃ ឡិច។

នែ ឡើយ ឡា ព្រឋុក ឝឹត ភូង យូ កួន ចូវ ស៊ីមៀន  សយ ក្រំ ក្រាន ហ្នាម មែ។ 9 ព្រឋុក បូវ កួន ចូវ ស៊ីមៀន  អ៊ែ ត្រ ចក់ ចនែក ឝឹត បូវ កួន ចូវ យូដា  ឌីខង ចនែក បូវ កួន ចូវ យូដា អ៊ែ ទិះ យឹប  មែ គូ តា ប៊ិង អ៊ែ អ៊ឺម។ ញ៉ន ឌី ពអ៊ែ ឡើយ ឌី បូវ កួន ចូវ ស៊ីមៀន  ដូវ ព្រឋុក ទឹង អ្នឌី មែ បូវ យូដា។

ពដិះ ភូង យូ សាប់យូឡូន

10 សណូត ទី ពែ ត្រ ប៉ុះ បូវ កួន ចូវ សាប់យូឡូន  សយ ក្រំ ក្រាន ហ្នាម មែ។

ពដិះ ឡា ព្រឋុក មែ ព្រញ៉ោះ ហ្មិះ ហ៊ឹ សារីឌ។ 11 ប្រឡា មែ នែ ឌឹក ហ្មិះ នឹង ម៉ាត់ តង៉ៃ លុច  និះ ប៊ឹះ ម៉ារ៉ាឡា  អ៊ែ ឡើយ ប៊ឹះ ដាបាសែត  ដូវ អ៊ែ ឋាវ្គ ប៊ឹះ ហ៊ឹ ចណោះ តូយ ម៉ាត់ តង៉ៃ ឡិច យ៉ុកនាម។ 12 ញឺស ឝឹត សារីឌ  ប្រឡា នែ វីល ហ្មិះ ហ៊ឹ ម៉ាត់ តង៉ៃ ឡិច ប៊ឹះ ហ៊ឹ ប្រឡា គីស្លូត-តាបូរ  អ៊ែ ឡើយ ប៊ឹះ ហ៊ឹ ដាប្រាត  ដូវ អ៊ែ ឌឹក ប៊ឹះ នឹង យ៉ាភា។ 13 ញឺស តើម ឝឹត អ៊ែ ឞិះ ហ៊ឹ ម៉ាត់ តង៉ៃ ឡិច  ប៊ឹះ ហ៊ឹ ឝ៉ាត-ហ៊ីផើរ វ៉ា អ៊ីតា-កាស៊ីន  អ៊ែ ឡើយ ប៊ឹះ ហ៊ឹ រីម៉ូន  ដូវ អ៊ែ វីល ឞិះ ហ៊ឹ នែយ៉ា។ 14 តូយ ចអៀវ ម៉ាត់ តង៉ៃ ឡិច  ប្រឡា នែ វីល ប៊ឹះ ហ៊ឹ ហាណាថូន  អ៊ែ ឡើយ ប្លូច ប៊ឹះ ហ៊ឹ ចង់ហ៊ូរ ចន់ឌូ យីបថា-អែល។

15 អ៊ែ ប៊ិច ហ្នដឹប មឿង កាថាត  ណាហាឡាល  ស៊ីមរ៉ូន  យីដាឡា  វ៉ា ប៊ែតលែហិម  តមួត លែក អ៊ែ ប៊ិច ជិត បារ មឿង  វ៉ា ហ្នដឹប ស្រ៊ុក ឍឺៗ ឡា គូ ឈុំ អ៊ែ។

16 មឿង លែក អ៊ែ វ៉ា ស្រ៊ុក ឍឺៗ ឡា គូ ឈុំ អ៊ែ  ឡា ព្រឋុក បូវ កួន ចូវ សាប់យូឡូន  សយ ក្រំ ក្រាន ហ្នាម មែ។

ពដិះ ភូង យូ អ៊ីសាខារ

17 សណូត ទី ពួន ត្រ ប៉ុះ បូវ អ៊ីសាខារ  អ៊ែ ផឿ ឌី កួន ចូវ អ៊ីសាខារ  សយ ក្រំ ក្រាន ហ្នាម មែ។ 18 ពដិះ មែ លែក អ៊ែ ហ ប៊ិច៖

មឿង យីសារៀល  គីសាឡូត  ស៊ូនែម  19 ហាផារែម  ស៊ីអូន  អាណាក្រាត  20 រ៉ាប៊ីត  គីសយ៉ូន  អ៊ែបែស  21 រែមែត  អែន-ឝ៉ានីម  អែន-ហាដា  វ៉ា ប៊ែត-ផាសែ

22 ប្រឡា ហ ទិត ទឹង មឿង តាបូរ  សាហាស៊ីម៉ា  ប៊ែត-ស៊ែមែស។ អ៊ែ ប្រឡា នែ ឡូច កាស ឌិវ ដណៃ យួរដាន់។

តមួត លែក អ៊ែ ប៊ិច ជិត ត្រូវ មឿង វ៉ា ហ្នដឹប ស្រ៊ុក ឍឺៗ ឡា គូ ឈុំ អ៊ែ។

23 មឿង លែក នែ វ៉ា ស្រ៊ុក ឍឺៗ ឡា គូ ឈុំ អ៊ែ  ឡា ព្រឋុក ឝឹត ភូង យូ កួន ចូវ អ៊ីសាខារ  សយ ក្រំ ក្រាន ហ្នាម មែ។

ពដិះ ភូង យូ អស៊ែរ

24 សណូត ទី សើង ត្រ ប៉ុះ ភូង យូ កួន ចូវ អស៊ែរ  សយ ក្រំ ក្រាន ហ្នាម មែ។ 25 ពដិះ មែ ហ ប៊ិច៖

មឿង ហែលកាត  ហាលី  បែថែន  អាកសាប  26 អាឡាមែលែក  អាមអាត វ៉ា មីសាល។ តូយ ម៉ាត់ តង៉ៃ លុច  ប្រឡា ឡា ទូត នឹង ចន់ឌូ ការមែល វ៉ា ពដិះ ស៊ីហោរ-លីបណាត។ 27 ដូវ អ៊ែ វីល ហ្មិះ ហ៊ឹ ម៉ាត់ តង៉ៃ ឡិច  ប៊ឹះ ហ៊ឹ ប៊ែត-ដាឝ៉ុន  អ៊ែ ទូត ហ៊ឹ សាប់យូឡូន វ៉ា ចង់ហ៊ូរ ចន់ឌូ យីបថា-អែល  ដូវ អ៊ែ ឞិះ ហ៊ឹ ចអៀវ ម៉ាត់ តង៉ៃ ឡិច  ប៊ឹះ ហ៊ឹ ប៊ែត-អែមែក វ៉ា ណែអែល  អ៊ែ ឡើយ ឞិះ ហ៊ឹ ចអៀវ ម៉ាត់ តង៉ៃ ឡិច ឋាវ្គ  និះ ប៊ឹះ មឿង កាបួល  28 អែប្រុន  រីហូប  ហាំម៉ូន វ៉ា ខាណា  និះ ប៊ឹះ មឿង ស៊ីដូន ទិះ។ 29 ដូវ អ៊ែ ឋាវ្គ ប្រឡា អ៊ែ វីល ឞិះ ហ៊ឹ រ៉ាម៉ា និះ ប៊ឹះ ទីរ៉ូស  ឡា មឿង ប៊ិច វៀង ដ្រាគ់  អ៊ែ វីល ប៊ឹះ ហ៊ឹ ហូសា  អ៊ែ ឡើយ ឡូច ឌិវ ស្រមុត។ ពដិះ អ៊ែ កគ់ ប៊ិច ហ្នដឹប មឿង មីហែបែល  អាក់ស៊ីប  30 អ៊ូម៉ា  អាភែក  វ៉ា រីហូប។

តមួត លែក អ៊ែ ប៊ិច បារ ជិត បារ មឿង វ៉ា ហ្នដឹប ស្រ៊ុក ឍឺៗ ឡា គូ ឈុំ អ៊ែ។

31 មឿង លែក អ៊ែ វ៉ា ស្រ៊ុក ឍឺៗ ឡា គូ ឈុំ អ៊ែ  ឡា ព្រឋុក ភូង យូ កួន ចូវ អស៊ែរ  សយ ក្រំ ក្រាន ហ្នាម មែ។

ពដិះ ភូង យូ នែបថាលី

32 សណូត ទី ត្រូវ ត្រ ប៉ុះ បូវ កួន ចូវ នែបថាលី  អ៊ែ ផឿ ឌី កួន ចូវ នែបថាលី  សយ ក្រំ ក្រាន ហ្នាម មែ។

33 អ៊ែ ប្រឡា មែ ព្រញ៉ោះ ហ្មិះ ហ៊ឹ ហែឡែប  តើម ឝឹត តណើម ទិះ សាអាណានីម  តូយ អាដាមី-នែកែប  វ៉ា យ៉ាប់នាល  លឺយៗ និះ ប៊ឹះ ឡាគូម  អ៊ែ ឡូច ឌិវ ដណៃ យួរដាន់។ 34 ដូវ អ៊ែ ឋាវ្គ ប្រឡា វីល ឞិះ ហ៊ឹ ម៉ាត់ តង៉ៃ លុច  ប៊ឹះ អាសណូត-តាបូរ  អ៊ែ តើម ឝឹត អ៊ែ ប៊ឹះ ហ៊ឹ ហ៊ូកុក។ ប្រឡា អ៊ែ ទិត ឌី សាប់យូឡូន តូយ ចម៉ា ម៉ាត់ តង៉ៃ ឡិច  វ៉ា ពដិះ អស៊ែរ តូយ ម៉ាត់ តង៉ៃ លុច  អ៊ែ ពដិះ យូដា តូយ ម៉ាត់ តង៉ៃ ឡិច ទឹង ដណៃ យួរដាន់។

35 មឿង ឡា ប៊ិច វៀង ដ្រាគ់  ប៊ិច ស៊ីឌីម  សែរ  ហាម៉ាត់  រ៉ាកាត  គីនែរ៉ែត  36 អាដាម៉ា  រ៉ាម៉ា  ហាសូ  37 កែឌែស  អ៊ីទ្រី  អែន-ហាសូ  38 យីរ៉ូន  មីកដាល-អ៊ែល  ហូរែម  ប៊ែត-អាណាត  វ៉ា ប៊ែត-ស៊ែមែស។

តមួត លែក អ៊ែ ហ ប៊ិច ជិត ជែន មឿង  វ៉ា ហ្នដឹប ស្រ៊ុក ឍឺៗ ឡា គូ ឈុំ អ៊ែ។

39 មឿង លែក នែ  វ៉ា ហ្នដឹប ស្រ៊ុក ឍឺៗ ឡា គូ ឈុំ អ៊ែ  ឡា ព្រឋុក ភូង យូ កួន ចូវ នែបថាលី  សយ ក្រំ ក្រាន ហ្នាម មែ។

ពដិះ ភូង យូ ដាន់

40 សណូត ទី ប៉ឹះ ត្រ ប៉ុះ ភូង យូ កួន ចូវ ដាន់  សយ ក្រំ ក្រាន ហ្នាម មែ។ 41 អ៊ែ ពដិះ ឡា ព្រឋុក មែ  ហ ប៊ិច៖

មឿង សូរ៉ាស់  អ៊ែសថោល  អ៊ារ-សែមែស  42 សាអាឡាប៊ីន  អាយ៉ាឡូន  យីតឡា  43 អ៊ីឡូន  ទីមណា  អ៊ីក្រូន  44 អ៊ែលតីកា  ឝ៉ីបថូន  បាអាឡាត  45 យែហ៊ូដ  បែនែ-បែរ៉ាក  ឝ៉ាត-រីម៉ូន  46 មែ-យ៉ារកូន  រ៉ាកូន  វ៉ា ហ្នដឹប ពដិះ ទឹង ឌី ងឺរ មឿង យ៉ុបពែ។

47 ទឹង បូវ កួន ចូវ ដាន់ ប៉ាត់ ពដិះ ព្រណាក ចនែក មែ  អ៊ែ បូវ កួន ចូវ ដាន់  មែ កគ់ ឌឹក ប្រណើម វ៉ា មឿង លែសែម  អ៊ែ ឡើយ អ្នតើម ចក់ មឿង អ៊ែ។ មែ កជែត បូវ មែ ទឹង មឿង អ៊ែ ឌី ប្ល៉ា តាវ  អ៊ែ ឡើយ មែ មុត គូ ទឹង មឿង អ៊ែ ប្រើយ។ ដូវ អ៊ែ ឡើយ មែ ជុ មឿង លែសែម អ៊ែ រៀន «ដាន់»  សយ ម៉ាត់ ម៉ិ យ៉ាគ់ មែ។

48 មឿង លែក នែ  វ៉ា ហ្នដឹប ស្រ៊ុក ឍឺៗ ឡា គូ ឈុំ អ៊ែ  ឡា ព្រឋុក ភូង យូ កួន ចូវ ដាន់  សយ ក្រំ ក្រាន ហ្នាម មែ។

ចនែក ព្រឋុក យ៉ូសាវែ

49 ហ៊ឹ មែ ព្រណាក ស្រ៊ុក ពដិះ អ៊ែ ឌី ឝណូប ប៉ិន ព្រឋុក ប្លូច ឡើយ  អ៊ែ បូវ កួន ចូវ អ៊ីស្រាអ៊ែល កគ់ ម៉ប អាំ ព្រឋុក មូយ ព្រណាក  ទឹង អ្នឌី បូវ មែ ឌី យ៉ូសាវែ កួន នូន  ជុ ប៉ិន ព្រឋុក។ 50 មែ អាំ មឿង ធីបណាត-សែរ៉ា  ទឹង ពដិះ ចន់ឌូ អ៊ីប្រ៉ាអ៊ីម  អាំ ឌី ហ  សយ គ្រែដៃ យីហូវ៉ា ឡា ប្រ៉ៃ  ប៉ាគ់ ឌី ហ លឡា។ ដូវ អ៊ែ ហ កគ់ បើម មឿង អ៊ែ ត្រិចទឺ  វ៉ា ហ គូ ញិវ កើត ទឹង អ៊ែ ប្រើយ។

51 នែ ឡើយ ឡា ព្រឋុក លែក អ៊ែ  ព្រសុង អ៊ែលៀសារ  វ៉ា យ៉ូសាវែ កួន នូន  វ៉ា ហ្នដឹប បូវ មែ តង់កង់ ក្រាគ់ ក្រាន ហ្នាម  ឝឹត ភូង យូ កួន ចូវ អ៊ីស្រាអ៊ែល  ឡា ដូវ ព្រណាក អាំ ឌី រ៉ាប់ សណូត  ទឹង ងឺរ គ្រែដៃ យីហូវ៉ា  ទឹង ឌី ឝ្ល៉ោះ ឌុបៗ ព្រតង់ គ្រែដៃ ហ៊ឹ ស៊ីឡូ។ ប៉ាគ់ ពអ៊ែ មែ កគ់ ដូវ ព្រណាក ស្រ៊ុក ពដិះ អ៊ែ កិះ លែក ឡើយ។