យ៉ូសាវែ 16

ពដិះ ភូង យូ អ៊ីប្រ៉ាអ៊ីម

ពដិះ ឡា ចនែក បូវ កួន ចូវ យ៉ូស៊ែប  តើម ឝឹត ដណៃ យួរដាន់  ដាល់ ឌី មឿង យែរីខូ  តូយ ម៉ាត់ តង៉ៃ ឡិច កូត ដាក មឿង យែរីខូ ឡាត់ តូយ ត្រិញ ទិះ  អ៊ែ ឡើយ ឌឹក ឝឹត មឿង យែរីខូ  តូយ ពដិះ ចន់ឌូ លឺយៗ និះ ប៊ឹះ មឿង ប៊ែតអ៊ែល។ 2 ដូវ អ៊ែ ឋាវ្គ ញឺស ឝឹត មឿង ប៊ែតអ៊ែល ប៊ឹះ ហ៊ឹ មឿង លូស  អ៊ែ ឡើយ ឡាត់ តូយ ប្រឡា ពដិះ សាត អើគី  លឺយៗ និះ ប៊ឹះ មឿង អាសថារ៉ូត។ 3 ញឺស ឝឹត អ៊ែ ទឺស ឞិះ ទឹ ម៉ាត់ តង៉ៃ លុច  តូយ ប្រឡា ពដិះ បូវ យ៉ាប់លែទីត  និះ ប៊ឹះ ពដិះ ប៊ែត-ហូរ៉ូន តូយ កន់ដ្រូម  អ៊ែ ឡើយ ប៊ឹះ ហ៊ឹ មឿង ឝែសើរ  អ៊ែ ឡូច ឌិវ ស្រមុត។

4 នែ ឡើយ ឡា ពដិះ បូវ កួន ចូវ យ៉ូស៊ែប  អ៊ែ បូវ ម៉ាណាស៊ែ វ៉ា បូវ អ៊ីប្រ៉ាអ៊ីម ឡា ដូវ ប៉ិន ព្រឋុក។

5 នែ ឡើយ ពដិះ បូវ កួន ចូវ អ៊ីប្រ៉ាអ៊ីម  តូយ ក្រំ ក្រាន ហ្នាម មែ៖

ប្រឡា តូយ ម៉ាត់ តង៉ៃ ឡិច អ៊ែ  ហ តើម ឝឹត មឿង អាសថារ៉ូត-អាដើរ ប៊ឹះ ហ៊ឹ ប៊ែត-ហូរ៉ូន តូយ ពឺង  6 តើម ពឹង អ៊ែ ប៊ឹះ ស្រមុត។ តូយ ចអៀវ ម៉ាត់ តង៉ៃ ឡិច អ៊ែ ប៊ិច មឿង មីកមែថា។ តូយ ម៉ាត់ តង៉ៃ ឡិច  ប្រឡា អ៊ែ ហ វីល ហ្មិះ ហ៊ឹ មឿង តាអាណាត-ស៊ីឡូ  អ៊ែ ឡើយ ឡាត់ តូយ ស្រ៊ុក អ៊ែ ឞិះ ហ៊ឹ ម៉ាត់ តង៉ៃ ឡិច មឿង យ៉ាណូហា។ 7 ប្លូច ឝឹត យ៉ាណូហា  ទឺស ប៊ឹះ ទឹ មឿង អាសថារ៉ូត វ៉ា ណាអារ៉ា  និះ ប៊ឹះ មឿង យែរីខូ  អ៊ែ ឡូច កាស ឌិវ ដណៃ យួរដាន់។ 8 តើម ឝឹត មឿង តាពួ  ប្រឡា អ៊ែ ហ្មិះ ហ៊ឹ ម៉ាត់ តង៉ៃ លុច  ប៊ឹះ ហ៊ឹ ចណោះ ខាណា  អ៊ែ ឡើយ ឡូច កាស ឌិវ ស្រមុត។ នែ ឡើយ ឡា ព្រឋុក ភូង យូ បូវ កួន ចូវ អ៊ីប្រ៉ាអ៊ីម  សយ ក្រំ ក្រាន ហ្នាម មែ។

9 ព្រឋុក មែ កគ់ ប៊ិច ស្រ៊ុក មឿង ឍឺៗ ឡា កះ ឌី កួន ចូវ អ៊ីប្រ៉ាអ៊ីម ទឹង កនុង ព្រឋុក បូវ កួន ចូវ ម៉ាណាស៊ែ ពទឺ។

10 ហាក់ឌី មែ តដូវ តវីះ បូវ មែ សាត កាណាន ឡា គូ ទឹង មឿង ឝែសើរ អ៊ែ អ៊ឺម។ ប៉ាគ់ ពអ៊ែ បូវ សាត កាណាន គូ ញិវ កើត ទឹង កនុង បូវ អ៊ីប្រ៉ាអ៊ីម និះ ប៊ឹះ ត្រំ តង៉ៃ នែ  ហាក់ឌី បូវ មែ ត្រ បើម កាន កយឹក យឹក មិញ។