Tesalonika
Nimi Sembe
Paulusti Mome Toro Pibogha Phendepne
El nenerop yubu palilamap
Paulusti Tesalonika nimi sembe ik selek sum mome toro pibekpa, mome kembaekti wali sik senero ka'elamek. Sik senero ka'elamek aghana, seklenne seklelamek. Seklenne seklelamekpa, ora nimiri, “Yesus mog so'oag samoro yaoba, wene wamap,” aro ambarelamsiek (2:2 kembanep). “Yesus samoro yaoba, wene wamap,” aro ambarelamsiekpa, as Tesalonika nimi seklelamekne sembe, “Amikne babe mo seklelamukap te,” aro wana ophag aro solbanep saog wamek.
As Tesalonika nimi seklelamekti haildalamekti, “Yesus samoro yaoba, wene seklelamapne mo tipto seklelamukap te,” aro wana ophag alamekpa, “Orolena yubu ene sik sembaheng kom,” aro Paulusti sinag mome toro pibog. Paulusti tibin nenero ambarelamsiogti, “Yesus anam samoro yan komag, Allah Yubu ingisaptop nimi nubunge nhon lag tale taneogna samoro yalul. Yaleri Allah Yubu ingisaptop nimi nenekoap, Kristusap aisa nenerop nimi tanekoap lunuro opsilul,” aro tibin nenero mome toro pibog.
Mome eneag Paulusti nen Tesalonika nimi wenelamsiogti, “Yesus samoro yalulne nang-nangaro tilapmundi, sol mali tan koma, sol wali uro saeri ero tolamlulom,” aro wembahiog. Apna nen wenelamsiogti, “A'undi, ‘Sololamna,’ semban koma tipto walia ulamlulom,” aro mome eneag wembahiog.
Paulusti Tesalonika nimi sembe mome toro pibogha phendepne lomag wamlange
Paulusti as Tesalonika nimi kipsiog yubu (1:1-2)
Paulusti Tesalonika nimiag, “Kristusag wali uro wana palilamlom,” aro maipsirop yubu (1:3-12)
Kristus nen samoro yanepne sembe (2:1-17)
Kristusag wana palirop nimiri ulamnepne sembe (3:1-15)
Mome komobanebag kipsiogne (3:16-18)