Roma
Nimi Sembe
Paulusti Mome Toro Pibogne
El nenerop yubu palilamap
Paulusti as soro kalurop as Roma wamek nimi sembe mome toro pibog yubu nene, “Na a'unag yanundi weamlulom,” aro mome toro pibog. Paulusti, “Uanun,” sembamogne anena, “Ik etpare as Roma wamneri, Yesusag wana palirop nimi taneko yepsinun. Yepsineba sindi nen yeplamneikti, ‘Ambarel phululam,’ aro pogneikpa, mog so'o Spanyol sip yubu ambarel pihinun,” sembaog. Sin Roma nimi agha Yesusag wana palirop nimi taneko, nimi sisa Yahudi nimiap, nimi sisa Yahudi kom nimiap wamek. Sin Roma nimi Paulusap anam haiptan komag Paulusti eldamne sembe babe, eldi Allah yubu ora asag ambatsiropne sembe babe, “El nembahinun,” aro mome nene toro pibog. Ane sembe, Paulusti nimi tala-tala sip ambarelamsiog yubu ene yabo telekto tam maikno sembe tibin nenero mome toro pibog. Roma nimiag mome toro pibogne tamna nene sembe: Kristus sembe, Allahri nimi taulba uhiropne sembe, Allahag wana paliropne sembe, Yahudi nimiap ora sisa nimiap ma'ap tanepne sembe, Yesusag wana palirop nimiri nimi o'ona senero ul piropne sembe, mog so'oag yubu sia lerop nimiri yubu ka'eropne sembe yubu yabo telekto mome toro pibog.
Paulusti Roma nimi sembe mome toro pibogha lomag wamlange
1:1-17 - Paulusti eldamneap yubu walinge ambarelamsiog yubuap sembe ambatsiogha
1:18—3:20 - Allah whingag nimi ni malia urop nimi wamapne sembe ambatsiogha
3:21—4:25 - “Allahri Yesusag wana palirop nimi toro kipsilul,” aro ambatsiogha
5:1—8:39 - Allahag wana palirop nimiri ulamnepne sembe ambatsiogha
9:1—11:36 - Allahri Israel nimiag, “Nanag yahut,” aro kiliro yopsiropne sembe ambatsiogha
12:1—15:13 - Yesusag wana palirop nimi ma'al dalamapti, o'ona senel dalamapne sembe ambatsiogha
15:14—16:27 - Paulusti mome toropne komoptanebag nimi kipsiogha