Nehemiya 12

Dḭl ge naa ge ke tuwaleya ma ne Levi vya ma ne

1 Naa ge ke tuwaleya ma ne Levi ma ge a ne gwa̰ ya dagre ne Zorobabel ge Chaltiyel vya, ne Juswa me no: Seraya, Irmiya, Esdras, 2 Amariya, Malluk, Hattuch, 3 Chekaniya, Rehum, Meremot, 4 Iddo, Ginetoy, Abiya, 5 Miyamin, Maadiya, Bilga, 6 Chemaya, Yoyarib, Yedaya, 7 Sallu, Amok, Hilkiya, Yedaya. No a ga̰l ma ge naa ge ke tuwaleya ma ne, poseya ne bama naa vya ma, zaman ge Juswa ne go.

8 Levi vya ma: Juswa, Binwi, Kadmiyel, Cherebiya, Yuda, ne Mattaniya. A Mattaniya ma ne na ná vya ma ka mbal kaŋ uwareya ne. 9 Bakbukiya, ne Unni ma ne na ná vya ma ka nama ndwara zi ŋga.

10 Juswa tol Yoyakim, Yoyakim tol Eliyachib, Eliyachib tol Yoyada, 11 Yoyada tol Yonatan, Yonatan tol Yaddwa.

12 Swaga ge Yoyakim ne ka kep tuwaleya go, ga̰l ge vuwal pe ge naa ge ke tuwaleya ma ne ma no: Ne vuwal pe ge Seraya ne zi, a Meraya, ne vuwal pe ge Irmiya ne zi, a Hananiya, 13 ne vuwal pe ge Esdras ne zi, a Mechullam, ne vuwal pe ge Amariya ne zi, a Yohanan, 14 ne vuwal pe ge Meliku ne zi, a Yonatan, ne vuwal pe ge Chebaniya ne zi, a Yusuf, 15 ne vuwal pe ge Harim ne zi, a Adna, ne vuwal pe ge Merayot ne zi, a Helkay, 16 ne vuwal pe ge Iddo ne zi, a Zakariya, ne vuwal pe ge Ginneton ne zi, a Mechullam, 17 ne vuwal pe ge Abiya ne zi, a Zikri, ne vuwal pe ge Minyamin ne zi ndu a̰me^a, ne vuwal pe ge Mowadiya ne zi, a Piltay, 18 ne vuwal pe ge Bilga ne zi, a Chammwa, ne vuwal pe ge Chemaya ne zi, a Yonatan, 19 ne vuwal pe ge Yoyarib ne zi, a Mattenay, ne vuwal pe ge Yedaya ne zi, a Uzzi, 20 ne vuwal pe ge Sallay ne zi, a Kallay, ne vuwal pe ge Amok ne zi, a Eber, 21 ne vuwal pe ge Hilkiya ne zi, a Hachabiya, ne vuwal pe ge Yedaya ne zi, a Nataneel.

22 Dam ma ge Eliyachib, Yoyada, Yohanan, ne Yedwa ma ne ka er ta kep tuwaleya go, a ka njaŋge Levi vya ma dḭl ne bama ga̰l ma pe go ge maktub zi, ne naa ge ke tuwaleya ma me ɗiŋ mbo zaman ge Dariyus gan ge Perse ma ne zi.

23 A ka njaŋge Levi vya ma dḭl ne bama ga̰l ma pe go ge maktub maana ma zi ɗiŋ mbo dam ma ge Yohanan ge Eliyachib baŋ ne ka kep tuwaleya go. 24 Ga̰l ge Levi ma ne ma: Hachabiya, Cherebiya ne Juswa ge Kadmiyel vya a ka mḛ bama ná vya ma ndwara zi siya̰le Dok ne uware na bama dam temel ma pal. Go no, a ka ke mborra wak honna ge Dawda ndu ge Dok ne ne ho̰ pal. 25 Mattaniya, Bakbukiya, Obadiya, Mechullam, Talmon ne Akkub, naa ge koy zok wak ma, a ka dol bama ndwara ge zok koy kaŋ ma ge ne zok ge Dok ne wak go ma pal. 26 A ka ke bama temel dam ma ge Yoyakim ge Juswa vya, ge Yosadak baŋ ne go, ne dam ma ge Nehemiya bage ne dó na ndwara ne suwal pal ma ne Esdras bage tuwaleya ne bage njaŋgeya ne go me.

Vḛso ne gulum ga̰l sinna aya pe

27 Swaga ge a ne á gulum ga̰l ge Ursalima ne sinna ɗe, a tol Levi vya ma ne bama swaga ma ya pet, ndwara mbo ya Ursalima go ke vḛso ne laar saal, ne kaŋ mballa uwareya ma ne simbal ma, ne ŋgeleŋ ma, ne biliŋ ma me. 28 Naa ge mbal kaŋ ma kote ne suwal ge ne Ursalima ziyar go ma ya, ne suwal Netofa ziyar go ma ya, 29 ne Bet-Gilgal ya, ne ful pul ge Geba ma ne Azmavet ne ma zi ya. Ago naa ge mbal kaŋ ma ka suwal ge ne Ursalima go̰r zum ma go. 30 Naa ge ke tuwaleya ma poseya ne Levi vya ma hat ta harcal, a hat ɓase ma harcal, a mbege zok wak ma, ne gulum ga̰l ma me.

31 Mbi e ga̰l ge Yuda ne ma ndé gulum ga̰l pala digi. Mbi caɗe naa ge mbal kaŋ ma se vog vog azi. Ge ɗu ge her viya̰ gulum ga̰l pala digi le tok matoson pal mbo le viya̰ wak ge kaŋ njoo ma ne ya. 32 Hosiya ma ne ga̰l ge Yuda ne ma caɗeya le ɗu a ka mbo nama pe go. 33 poseya ne Azariya, Esdras, Mechullam, 34 Yuda, Bayami, Chemaya, Irmiya. 35 Ɓanna ne naa ge ke tuwaleya ma ne bama burci ma. Ne Zakariya ge Yonatan vya, ge Chemaya baŋ, ge Mataniya baŋ kon, ge Mika baŋ kon, ge Zakkur baŋ kon, ge ne vuwal pe ge Asaf ne zi. 36 ne na kaam ma: Chemaya, Azareyel, Milalay, Gilalay, Maay, Netaneel, Yuda, Hanani, ne kaŋ haleya ge Dawda, ndu ge Dok ne ne ke ma bama tok go. Esdras bage njaŋgeya ka nama ndwara zḛ ne. 37 Swaga ge a ne ya̰ ya Viya̰ wak ge Mam ne go, a say swaga e koo ge Suwal ge Dawda ne ge ne gulum ga̰l ta bama ndwara zḛ temel tat, a ndé zok ge Dawda ne pala digi, a det mbo Viya̰ wak ge Mam ne ya, le ge ham ge ya.

38 Vog ge azi her viya̰ tok magul pal. I ne naa ge ne gá ma i ka kare nama pe gulum ga̰l pala digi, mbo le swaga njole ge ne swaga tun kaŋ ya, ɗiŋ mbo det gulum ga̰l le ge fiyal ya, 39 det mbo viya̰ wak ge Efrayim ne ya, mbo viya̰ wak ge Yechana ne ya, mbo viya̰ wak ge sii ma ne ya, det mbo swaga njole swaga ge Hananeel ne ya, mbo swaga njole swaga ge Meya ne ya, ɗiŋ mbo viya̰ wak ge gii ma ne ya, a mbo mḛ́ ge viya̰ wak ge zok daŋgay ne go. 40 Caɗeya ge naa ge mbal kaŋ ma ne mbe ma jwak, a mbo ya mḛya zok ge Dok ne zi. I ne naa ga̰l ge ne ka ɗame mbi ma i mbo ya mḛ zok mbe zi me. 41 Naa ge ke tuwaleya ma: Eliyakim, Maaseya, Minyamin, Mika, Elyohenay, Zakariya, Hananiya ne burci ma, 42 Maaseya, Chemaya, Eleyazar, Uzzi, Yohanan, Malkiya, Elam, Ezer. Naa ge mbal kaŋ ma ka mbal kaŋ, a Yizraya ka nama ndwara zḛ ne.

43 Dam mbe go, a tyare tuwaleya gḛ ge be to. A ke laar saal gḛ, ne da pe, Dok ho̰ nama laar saal ɓaŋlaŋ ge be to. Naa zaab ma ne naa jabso ma ke laar saal me. Ko̰r ge nama laar saal ne ge ne Ursalima go det mbo swaga kaal.

Naa ge ke tuwaleya ma ne Levi vya ma kaŋ ma ndwara

44 Dam mbe go, a é naa ge dol ndwara ge zok ge kaŋ wak ma ne kaŋ wak ge ɗu ne wol zi ma ne kan ne zi pal. A hon nama wak go, nama kote kaŋ ma ge eya ne é go a ho̰ naa ge ke tuwaleya ma ne Levi vya ma ya digi. Ago Yuda ma ka da ne laar saal ne naa ge ke tuwaleya ma ne Levi ma ne ke temel 45 tuwaleya ge Dok ne ma ne hat kaŋ ma harcal pe me. Naa ge mbal kaŋ ma ne naa ge koy zok wak ma a ke dimma ne wak honna ge Dawda ma ne na vya Salomon ne ho̰ bama pal go. 46 Zaŋgal, dam ma ge Dawda ma ne Asaf ne zi, naa ge mbal kaŋ ma ga̰l ma ka ɗame kaŋ mballa uwareya Dok ne. 47 Dam ma ge Zorobabel ne go, ko dam ma ge Nehemiya ne go, Israyela vya ma mwaɗak a ka hon naa ge mbal kaŋ ma ne naa ge koy zok wak ma kaŋzam ge dam ne dam eya pal. Uwale, a ka hon Levi vya ma kaŋ ge mbegeya ma, Levi vya ma ka ndage kaŋ wak ge mbegeya ma hon Aaron vya ma me.