प्रेम -सभी का रे मबडी वत्त्त
13
1 अगर हांऊं मणशा होर स्वर्गदूता री बोली बोलू , होर प्रेम ना करू तो तेवा हांऊं ठनठनात पीतल होर झनझनती झाज साहा । 2 होर हांऊं अगर भविष्यवाणी करे , होर सभी भेदो होर सभी तरहा रा ज्ञान समझी सका होर माँह अखे तणी पूरा बुशह होउ कि हांऊं पहाडा भी हटाई सका , पर प्रेम नाईं डाहे , तेवा हांऊं किछे नाईं । 3 अगर हांऊं आपणी सारीी सम्पति कंगला वै देलअ या आपणे शरीरा जालने वै देऊ होर प्रेम नाईं डाहे , तेवा महा किछे लाभ नाईं । 4 प्रेम धीरज साहा प्रेम आपणी बड़ेाई आपे नाईं रदे , होर फुलदा नाईं , 5 सह बुरा काम नाई करदअ चलदअ , होर आपणी भलाई आपे नाईं करदअ , झुझलाउन्द नाईं, बुरा नाईं मनदअ । 6 बुरे कर्मा क खुश नाईं हुंदे , पर सची गल्ल क खुश हहुंदा । 7 सह सब्हे गल्ला सहन करा , सबी गल्ला ज़ाणा , सबी गल्ला री आशा डाहदा , सभी गल्ला में धीरज डाहदा । 8 प्रेम कधी नाईं टलदा ;भविष्यवाणी खत्म हुणी ;भाषा खत्म हूणी ज्ञान भी खत्म हुणा । 9 किबेकि हमारा ज्ञान अधूरा साहा , होर हमारी भविष्यवाणी अधूरी ; 10 पर जेबरे सर्बसीधी ईलअ , तेवा अधूरा खत्म हुणा । 11 जेबरे हांऊं शोहरु तिही , तेवा हांऊं शोहरु जेहडी गल्ला करदा तिही , शोहरु साही मन तिही , शोहरु साही समझ तिही ;पर जेबरे सियाणअ होऊ तेवा शोहरु री गल्ला छाड़ी । 12 एवा हामे शीशे में भी निहारा हेरदा , पर तेउ टाइमे आमने सामने हेरणे , एउ टाइमे मेरा ज्ञान अधूरा साहा , पर तेउ टाइमे एडी पूरी तरहा पछेडण, जेहडा हांऊं पछेणू । 13 पर एवा विशवास, आशा , प्रेम यह चिणे स्थाई साहा , पर या सभी का बडअ प्रेम साहा ।