रोमियों 10

1 हमारे भाईयो मरे मन री अभिलाषा होर त्याह वै मरी प्रार्थना साहा की उद्धार त्याह पाए । 2 किबेकि हांऊं त्याह री गुआही दिंद की त्याह वै दईब री धुन साहा पर बुधिमाना में नांई आनधी। 3 किबेकि त्याह दईबा री धार्मिकता संघे अनजान होई करे , होर आपांणी धार्मिकता स्थापित करने रा प्रयोग करी करे दईबा री धार्मिकता र अधीन नांई होई । 4 किबेकि हर एकी बुशाह करणे आले वै धार्मिकता संघे मसीहा री व्यवस्था रा अंत साहा ।

उद्धार सभी वै

5 किबेकि मूसा यह लिखू दा साहा कतिही ज़ोह मणश , तेता धार्मिकता पेंदे ज़ोह व्यवस्था क साहा चलदा सह एउ करी करे जिउंद रहूणअ उद्धार सभी वै 6 पर ज़ोह धार्मिकता बिशवास क साहा सह यह बोला की तू आपणे मना में यह न बोले की स्बर्गा में कुणअ नाहणअ?(मतलब मसीहा उतारे न री तणी ) 7 या अधोलोक में कासु नाहणा (मतलब मसीहा मरी करे में जिउंदे करणे री तणी) 8 पर सह कैह बोला की? एडा की बचन ता नेड साहा , तेरे मुहा में होर तेरे मना में यह सह बुशाह होर वचन साहा , ज़ोह हामे प्रचार करदा । 9 की अगर तू आपणे मुंहा क दईबा यीशु अंगीकार करे होर आपणे मना में बिशवास करे की दईब सह मुयदे में जिउंद करू तेवा तहा पाके में उद्धार पाउणा । 10 किबेकि धार्मिकता री तणी मना क बुशाह करना लागा , होर उद्धारा री तणी मुंहा क बोलना पड़। 11 किबेकि पवित्र शास्त्र यह बोला की ज़ोह कोई तेउ पेंदे बिशवास करलअ सह लजित नांई हुणअ । 12 यहूदी होर यूनानी में कोइ भेद नांई आनधा , तेवा की सह सभी र दईब साहा होर आपणे सभी ना लउण आल़े वै उद्धार साहा 13 किबेकि ज़ोह कोइ दईबा रे ना लउलअ तेउ उद्धार पाऊणा । 14 तेवा जासू पेंदे त्याह बिशवास नांई करू ? होर जासू री नांई शुणी तेउ पेंदे किवै बुशाह करणा ? 15 होर अगर नांई भेजे नांई तेवा किबे प्रचार करु ? जेड़ा लिखूदा साहा त्याह री जांघा कैडी शोभली साहा , ज़ोह रामडी गला सुसमाचार शुणऊंद। 16 पर सभी तेउ सुसमाचार पेंदे आपणे कनेट नांई लाई ; यशायाह बोला की दईबा कासुय हमारे सुसमचारा में बुशाह नांई करू ? 17 तेवा बुशाह शुड़णे , होर शुड़ना मसीहा रे वचना क हुंदा । 18 पर हांऊं तमा वै बला कतिही कैह त्याह नांई शुणु? शुणु तो ठीक पर किबेकि लिखू दा साहा , त्याह रे शब्द सारीी धरती में , होर त्याह रे वचन धरती री छोर तक पूजणे । 19 तेवा हांऊं बोला कतिही कैह इस्राएली नांई जांणदे , की पहिले मूसा बोला , महा तेसा जाति संघे नांई परथारे मना में ज़लने उपजाऊणी महा तमा बे एकी मुर्ख जाति संघे रिस दीलाऊणी । 20 तेउकी यशायाह बड़ेे साहासे संघे बोलू , ज़ोह महा नांई लोड़दे त्याह हांऊं भेटा होर ज़ोह महा नांई पुछदे , त्याह पेंदे हांऊं प्रकट होऊ 21 पर इस्राएल रे बारे में , सह यह बोला कतिही हांऊं यह बोला की महा पूरी धियाड़ी आपणे हाथे एक आज्ञा ना मनण आलतिही होर बिबादा करणा आली प्रजा संघे रहू ।