रोमियों 4

अब्राहीमा रा उदाहरण

1 तेवा हामे कैह बोलन , कि हमारे पिता इब्राहीम कैह भेटा । 2 किबेकि अगर काम का अब्राहीम धर्मी होलअ तेवा तेउ घमंडा करने री गला साहा पर दईबा नेड नाईं । 3 पवित्र शास्त्र कैह बोलदा ? एडा कि अब्राहम दईबा पेंदे बुशाह करू , होर यह तेउ वै धार्मिकता रा काम गिणू । 4 काम करणे आल़े री मजदूरी दिणी दान नाईं आंदी पर हक हुंदा । 5 पर ज़ोह काम नाईं करे पर बिना भक्ति करी करे धर्मी हुणे का बुशाह करदे तेउ रा बुशाह तेउ धर्मी ठेहरऊंदा । 6 जासू मणशा दईबा बिना कर्मे संघे धर्मी ठहराऊंद तेउ वै दाउद भी धन्य बोलदा । 7 “धन्य साहा सह जासका अधर्म माफ़ होई, होर जासके पाप ढोपी । 8 धन्य साहा सह मणश ज़ोह एवा पापी नांईं ठहराऊण । 9 तेवा कैह या धन्य बचन , खतना आल़े वै साहा या खतना रहित आल़े वै भी ?हामे यह बोल्दा , “अब्राहम वै तेउ रा बुशाह धार्मिकता गिणू ।" 10 तेवा सह कैड फेरे होऊ ?खतना री दशा में या बिना खतने री दशा में , खतना री दशा में नाईं पर विना खतना री दशा में । 11 तेउ खतना रअ चिन्हे पाऊ कि तेउ बुशाह री धार्मिकता पेंदे छाप हो ज़ोह तेउ रे विना खतना री दशा में डाहूदअ तिही , जासू का सह त्याह सभी रअ बाब रहू ।ज़ोह बिना खतना री दशा में बुशाह करे कि त्याह धर्मी होये । 12 होर त्याह खतना करणे आल़े रअ पिता हो , ज़ोह नाह खतना करी दे साहा पर मेरे पिता इब्राहीम रे तेउ बुशाह पेंदे चलदा , ज़ोह तेउ रे बिना खतना री दशा में करूदा साहा ।

बुशाह रे जरिये प्रतिज्ञा रा मिलना

13 किबेकि यह प्रतिज्ञा करी कि सह धरती रअ मलिक हुणअ , न इब्राहीम वै नाह तेउ रे बंशा वै व्यवस्था दिनी दी तिही पर बुशाह री धार्मिकता संघे भेटीदी तिही । 14 किबेकि अगर व्यवस्था आल़े मालिक होई तेवा बुशाह होर प्रतिज्ञा थोगे होई । 15 रोषा वै जन्म दिंदा होर ज्खे व्यवस्था नाईं साहा त्खे तेत्का झगड़ भी नाईं हुंदा । 16 एउ सावे प्रतिज्ञा बुशाह पेंदे अधर्मीकता साहा कि रे अनुग्रह री रीती रे साबे हो कि सह तेउ रे सभी बंश वै पाकी हुणी न कि तेउ केलह वै हुणी पर त्याह भी हुणी ज़ोह इब्राहीम जहे बुशाह करणे आल़े हुणे । सहे हामा सभी रअ पिता साहा । 17 जेडा लिखूदा साहा मांई तुह खासी जाति रअ बाब बणाउ तेउ दईबा रे सामने जासू पेंदे तेउ बुशाह करू होर ज़ोह मुयेदे जिउंदे करदा होर ज़ोह गला नाईं साहा त्याह एडी बोला कि त्याह साहा । 18 तेउ निराश में भी आशा डाही करे भी बुशाह करू एउ सावे कि तेउ बचना रे सावे कि तेर बंश एडा हुणा कि सह बहू जाति रअ पिता हुणअ । 19 ज़ोह सह एकी श साला रअ तिही आपण मरीदे शरीर होर सारीा रे गर्भ री मरीदी दशा जाणी करे भी बुशाह में कामज़ोर नाईं होई । 20 होर नाही अविश्वासी होई करे दईबा री प्रतिज्ञा वै शक नाईं करू पर बुशाह में पके होई करे दईबा री महिमा करी । 21 होर पाका बुशाह करू की ज़ोह तेउ का मंगू तेउ प्रतिज्ञा पुरी करने री समार्था साहा । 22 एउ साबे यह तेउ वै यह धार्मिकता गिणी । 23 होर यह वचन बुशाह तेउ वै धार्मिकता गिणू नांही तेउ वै होर तेउ वै लिखूद साहा । 24 पर हामा वै भी जासका बुशाह धर्म गिणू दा साहा मतलब हामें ज़ोह तेउ पेंदे बुशाह करे जासुये हामरअ दईबा यीशु मुयद जिउंदअ करू । 25 सह हामेरी गला ती री तणी ढकु हे होर धर्मी हुणे री तणी जिउंदअ करू ।