9
1 तेऊ त्याह बे बोलू , “हांऊं तमा का सच बोला कि ज़ोह अखे खड़े साहा दे , त्याह में कोई- कोई एड़े साहा दे जेब्रे तक त्याह ए दईबा रे घरे सामर्थ्य संघे इंहदअ नांई हेरे , तेवरे तक मेरने रा स्वाद कधि नांई परेखाणयीशु रा रुपान्तर्ण
(मती 17:1-13; लुका 9:28-36)
2 छहा धिहाड़ी बाद यीशुए पतरस होर याकुब , यूहन्ना आपु संघे एक एकान्त उछटे पहाड़ा में नी तखे त्याह ज़हे तेउ रा रूप बदलू , 3 होर तेउ रे झिकड़े एडे चमकदे लागे होर एडे प्रियाषे होई , कि धरती पेंदे कोहे झिकड़े धोऊणा तेडे झिकड़े नांइ धोऊदे । 4 होर त्याह हे मूसा संघे एलियाह हेरु ;त्याह ये यीशु संघे गला करा , । 5 ऐता पेंदे पतरस यीशु वै बोलू , “हे रब्बी , महरा अखे रहणा ठीक नांई साहा : तेवा हामा चिण मण्डप बणउणे एक ताह वै , एक मूसा वै , होर एक एलियाह वै ।” 6 किबेकी सह नांई जान्दअ , कि उतर कैह दिणा , तेवा त्याह ह बहू डरीदे , । 7 तेवा सह एकी बादले ढकु , होर तेउ बादला का यह शब्द निकत , “यह मेरअ प्यारअ शोहरु साहा दअ , एउरी शुणा ।” 8 तेवा त्याह हे एकी -एकी सभी आपु फेरे हेरू होर यीशु छाडी करे आपु संघे होर कोहे नांइ हेरु । 9 ज़ोह ता का इहंदे टाइमां तेऊए त्याह वै आज्ञा दिनी कि जेव्रे तणी मणश रे शोहरु मेरी करे जिउंदअ नांई होऊ , तेवरे तणी तमा ज़ोह हेरु तेता कासी का नांई बोले । 10 त्याह हे यह गला अ याद डाही ; होर आपु मेंजा गला करदे लागे , “मरी करे जिउणे रा केह मतलव साहा ?” 11 होर त्याह ये सह पुछु , “ शशत्री किबे बोला कि एलियाह रा पहिले इछणा जरूरी साहा ?” 12 तेउये त्याह वै उतर दिना , “ एलियाह सची पहिले इच्छी क्रुसा ब्हे सा ठीक करणा , पर मणश रे शोहरु रे बारे यह किवै लिखूदा कि तेउ बखे दुःख चुआकणे , होर तुच्छ गिणणअ ? 13 पर हांऊं तमा का बोला , कि सह इच्छी मूक्दअ होर जेहडा तेऊरे बारे मेंज़ा लिखुदा साहा , त्याह ये ज़ोह चाहु सह तेउ संघे करु ।”
एकी शोहरु का दुष्टात्मा काडणी
(मती 17:14-21; लुका 9:37-43)
14 जेवा सह चेले सेटा वै आउअ , त्याह ये भालू कि तेउ सेटा वखे भीड़ साहा होर शाशत्री तेउ संघे वगबास करदे लागदे साहा । 15 तेता हेरी क्रुसा ब्हे हेरान हुंदे लागे , होर तेउ सेटा वै ठुरी करे तेउ वै नमस्ते करी । 16 तेउ त्याह का पुछु , “ तमे याह कैह वगबास लाइदे करणे ?” 17 भीड़ा मेंजा का एकी उतारे दिना , “हे गुरे , मांई आपणे शोहरु , जासू में काल़ी आत्मा शातीदी साहा , ताह सेटा वै आणू दअ , । 18 जन्द कन्धे तेउ सह ढाका होर शोटी दिंदा : होर सह मूहां में थूक भरदा , होर दांदा करिंदअ लाग होर शुकदअ लागअ । माई तेरे चेले वै बोलू कि त्याह तेसा काडा , पर त्याह ह रे नांई निख्दी ।” 19 ऐता शुणी करे तेउ त्याह वै उतर देइ करे बोलू , “हे अविश्वासी लोको , माह केव्रे तणी तमा संघे रहणा ? होर केव्रे तणी थारी सह णरी ?तेउ माहे सेटा वै आण ।” 20 तेवा सह त्याह ये तेउ सेटा वै आणू : होर जेवा सह तेउए भालू , तेवारी तेसा दुष्टात्मा आत्मा सह मरोडू ; होर सह जमीना पे पडू , होर मूहे थूक काडी करे आत्मा नाहदी लागी । 21 तेऊए तेऊरे वापु का पुछु , “एउरी यह हालत कदा ओरी साहा ।?”तेउये बोलू , “वचपना का । 22 तेसे यह खत्म करणे री तणी केबरे यह आगि में होर केबरे पाणी में भी फेकू ;पर ज़ेबा तूह कैह करी सका तो , हामा पेंदे तरस खाई करे हामा पेंदे उपकार कर ।” 23 यीशु तेउ बोलू , “ज़ेबा तूह करी सका ? यह कैह गला अ साहा , बुशह करणे आल़े वै सभा सा होई सका ” 24 शोहरु रे वापु तेवारी गिदगिड़ाई करे बोलू , “हे दईबा , हांऊं बुशह करा , मेरा नांई बुशाह रा उपाय कर ।” 25 जेवा यीशु हेरी कि लोके भीड़ लाई बणाउणी , तेउये सह अशुद्ध आत्मा वै क्रेरी करे बोलू , “हे काली होर टोउणी करणे आल़ी आत्मा एउ शोहरु का निखल , हांऊं ताह वै आज्ञा दिंदा होर दूजी वेरे कदी नि इछा ।” 26 तेवा सह तेउ मरोड़ी करे होर क्ररीगा लाई करे निखली , ; होर शोहरु मरीदे साही होऊ , अखे तणी की एखे लोके बोलू की यह मूंअ । 27 पर यीशु तेउ र हाथ डाकि क्रुसा ह चुआकू , होर सह खडअ होऊ । 28 जेवा सह घरा वै आउअ , तेवा तेउ रे चेले सह क्रराणे में पुछु , “हामे तेता किबे नांई काडी सका ी ?” 29 एताा पेंदे यीशु बोलू एेडी दुष्टात्मा बिना प्रार्थना वागे नांई काडी सका दे ।
आपांणी माेउता रे बारे में यीशु री भविष्यवाणी
(मती 17:22; 23; लुका 9:43-45)
30 तेउकी त्याह तखा का चली , होर त्याह गलिला होई करे नाहदे लागे , सह नांई चाहदअ , कि ऐतका पता कासी भी नांई चले कि त्याह कहि । 31 किबेकी सह आपणे चेले वै उपदेशा दिंदअ लागअ होर त्याह यह बोलदअ लागअ , “मणश र शोहरु मणश रे हाथ ही धोख संघे ढाकण होर त्याह य सह मारणं होर मारणे बाद सह चिउणे दिहाडे सह जीउण । 32 पर त्याह ऐसा ा गला नांई समाझी सका ी होर यीशु का पूछणे का डरदा , ।
सभी का बडअ कुण
(मती 18 :1 -5; लुका 9:46-48)
33 तेवा त्याह कफर्नुह्मा वे आए; होर घरे पूजी करे त्याह का पुछू , “बाता त्तमा कासु गला पीछे उलझी , ?” 34 त्याह चुप रहे , किबेकी बाता त्याह एसा गला पीछे उलझी , की हामा में बड़ेअ कुण । 35 तेवा तेउये वैशी करे बाराह शादी होर त्याह वै बोलू , ज़ेबा कोई बडअ बणणा चाहदा तो सह सबिका होच्छ होर सेबक बणे । 36 होर तेऊए एक बालक आंणि करे खड़अ करू होर तेउ बालका कुमड़ी डाही करे त्याह वै बोलू , 37 “ज़ोह कोई मेरे ना का एड़ा बालका साही मना , सह माह मना , होर ज़ोह कोइ माह मना सह माह नांई पर जूणी हांऊं भेज़ुदा साहा तेउ मनदा ।
ज़ोह बिरोधा में नांई सह पक्षा में
(लुका 9 :49 , 50 )
38 तेवा यूहन्ना तउवै बोलू , “हे गुरु , हामे तेरे ना का एकी मणशा दुष्टात्मा काडदअ हेरू हामे तेउ वै मना करदे लागे किबेकी सह हामे संघे नांई , । 39 यीशु तउवै बोलू , “ तमे तउवै मना मत करदे एडा किछ नांई आन्धा की ज़ोह कोई मेरे ना रे सामर्थ्य रे काम करे , होर छेके माहबे बुरा बोले 40 किबेकी ज़ोह मेरे बिरोधा में नांई सह हामा संघे साहा दअ । 41 ज़ोह कोई एक कटोरा पाणी तमा वे पाणी तेवा पिलाउले की तमे मसीहा में साहा तेवा हांऊं तमा का सची बोलदा त्याह आपण प्रतिफल कासी रीती संघे नांई खउण ।
ठोकरा रा कारण बणणा
(मती 18:6-9; लुका 17:1-2)
42 "ज़ोह कोई या होच्छे में का माह में बिशबास करले , कासु वै ठोकर दिले तेवा तेउ वै भला यह साहा कि तेऊरे गला चक्की र घरट लटकाऊण होर सह गाडा पाऊण । 43 अगर तेरअ हाथ ताह ठोकरे दिलअ तेउ काटी पाऊ ।तेडअ होई करे तेरा जिउणा ठीक साहा किबेकी तेरे दुए हाथ हुंदे होए भी तूह नरका री आगि में पाउणा ज़ोह कधी नांई हिशती । 44 जखे तेउ रे चिऊ नांई मरदे होर आग नांई हिश्ती 45 अगर तेरी टांग भी ताह वे ठोकरे दे तेसा काटे ।लेगडअ होई करे तेरा जिउणा ठीक साहा किबेकी तेरी दुहे टांग हूदे हूए भी तूह नरका वे नाहण । 46 जखे तेउ रे चिऊ नांई मरदे होर आग नांई हिश्ती । 47 अगर तेरी आछ ताह वै ठोकर दे तेसा काढे होर काणअ होई करे दईबा रे राज्य में नाहण ठीक साहा । किवेकी दुई आछी हूदे हूए भी तूह नरका री आगि में पाउणा । 48 जखे तेउ रे चिऊ नांई मरदअ होर आग नांई हिश्ती । 49 किबेकी हर एक मणश आगि का लुणअ करणअ । 50 लुण रामा्बडा साहा , पर अगर लूणा रा सुआद नाह्दा रहू सह कीजी करी लूणा करना ?आपु मेंजे लुण डाहा , होर आपु मेंजे मिली करे रहा ।”