मरकुस 8

चऊ हज़ारा लोका वै खाणा खिलाऊणा

(मती 15 :32 -39 )

1 त्याह धिहाडी में जेबा खासे लोका इकठै होई होर त्याह ज़ेहे खाणे वे किच्छे नांई , तेवा तेउये आपणे चेले आपु सेटा शायादी करे त्याह वै बोलू , 2 “मांह याह खासे लोका पेंदे दया आई किबेकी या मांई संघे चिई धिहाडी ओरी मांईं संघे बराबर साहा दे , 3 होर या सेटा खाणे बे किछे नांई आंदा जेबा हांऊं याह भोछे घरा बे भेजे तेवा यह बाता थकणे ;किबेकी या दूरा का आएदे । 4 तेऊरे चेले तेऊबे उतारे दीना , “अखे बूणे ऐतरी रोटी कासु कंधा का कड्णी कि या सभे रजे ?” 5 तेउ त्याह का पुछु , तमा ज़ेह केतरी रोटी ?”त्याह ये बोलू , "सात"। 6 तेवा तयूए लोका वै जमीना पेंदे वैष्णे री आज्ञा दिनी , होर त्याह सात रोटी आंणी होर धन्याबाद करी करे चोडी , होर आपणे चेले फेरे दिनी कि त्याह वै देया होर त्याह हे त्याह लोका वै दिनी । 7 त्याह सेटा थोड़ी होच्छी माच्छी भी , ;तेयूए त्याह रा भी धन्याबाद करी करे त्याह भी लोका सेटा ढाहणे री आज्ञा दिनी । 8 त्याह हे खाई करे रज़ी होर चेले बची दे टुकड़े रे सात टोकरी में भरी करे चुआकी । 9 होर लोका लगभग चारा हज़ार , ;तेवा तेयूए त्याह का बादा करू , 10 होर सह तेवरी तखा का आपणे चेले संघे किशती पेंदे नाशी करे री दलमनुता देशा वै नाठअ ।

फरीसीयो रे जरिये स्वर्गा र चिन्ह माँगणअं

11 तेउकी फरीसी तेउ संघे गला बाता करदे लागे , होर तेउ परखणे वै तेउ का स्बर्ग रा चिन्ह मांगू । 12 तेउ आपांणी आत्मा का बोलू , "एउ टइमा रे लोका तमे चिन्ह किवै लोड ?हांऊं तमा वै सची बोला कि एउ टईमा रे लोका वै किछे चिन्ह नांइ दीणअं ।” 13 होर सह त्याह छाडी करे किशती पेंदे वैशी करे पारा वै नाठअ ।

फरीसियो होर हेरोदेसा रा खमीर

(मती 16:1 -4 )

14 चेले रोटी आणणी बिसरी , किस्ती में त्याह सेटा एके रोटी , । 15 तेऊए त्याह वै बोलू , ''हेरा फरीसियो रे खमीरा होर हेरोदेस रे खमारा का बचदे रहे ।” 16 त्याह आपु मेंजे बिचारा करी करे बोलदे लागे , ''हामा सेटा रोटी नांई आंधी ।” 17 ऐत जाणी करे यीशु त्याह वै बोलू , '' तमे आपु मेंजे किबे ऐउ विचारा करदे लागेदे कि हामा सेटा रोटी नांई आन्धी ?कै तमे एब्रे तणी तमे नांई जाणदे होर नांई समझदे ?कैह थारा मना कठोर होऊ ? 18 कैह आछी हूदे भी नांई भालू , होर कनेट हुंदे भी नांई शुणु ? होर कै तमा याद नांई 19 कि जेव्रे मांई पांजा हज़ाराा वै पांज रोटी चोडी , तेवरे तमे टुकड़े री केतरी टोकरी भरी करे चुआकी ?”त्याह ये तेउ वै बोलू , ''बारह टोकरी । ” 20 “ होर जेव्रे चारा हज़ारा वै सात रोटी , तेवा तमे टुकड़े रे केतारे टोकरे भरी करे चुआकी , ?”त्याह ये तेउ का बोलू , "सात टोकरे ।” 21 तेउ त्याह का बोलू , '' कैह ऐवरे तणी भी तमे नांई समाझदे ?”

बैत्सैदि में एक काणअ ठीक कर्णअ

22 त्याह तेउकी बैत्सैदा वै आउए ; होर लोके एक काणअ तेउ सेटा वै आणु होर तेउ का अर्ज करी कि तेउ छू 23 तयूये तेउ काणे हाथ ढाकी सह ग्रा बागे निऊ होर तेऊरे आछी में फूकरी करे तेउ पेंदे हाथ ढाहू , होर तेउ का पुछु , “ताह दख हेरदा लागा ?” 24 तेउ हेरी करे बोलू , “ माह लागे मणश हेरदे त्याह हाँडदे बूटे साही लागे हेरदे ।” 25 तेहुकी तेऊ भिआ का तेऊरे री आछी पेंदे हाथ डाही । होर कांणऐ ढंगे संघे नाईं हेरु । सह रामडअ होऊ होर तेउ रामडअ हेरदा लागा 26 तेऊए सह यह बोली करे घरा वै भेजू , “एउ ग्राये मीतर टांग भी नांई डाहे ।”

पतरस रा यीशु को मसीह मनणा

(मती 16:13-20; लुका 9:18-21)

27 यीशु होर तयूरे चेले केसरीया फिलीपि रे ग्रा वै नाठे । बाता तेऊए आपणे चेले का पुछु , “लोका माह वै कैह बोला ?” 28 त्याह हे उतर दिना , “यूहन्ना बपतिस्मा दिंणा आल़अ ;पर कोई एलियाह होरे कोई भविष्यवाणी करणे आल़अ में एक जह बोला ।” 29 तेऊ त्याह ह का पुछु , “पर तमे माहे वै केह बोला ?”पतरसे तेउ वै बोलू , “तूह मसीह साहा ।” 30 तेवा तेऊए त्याह वै बोलू मेरे बारे में ऐता कासी जेंह नांईं बोला ।

आपांणी माऊता रे बारे में भविष्यवाणी

(मती 16:21-23; लुका 9:22)

31 तेवा सह त्याह ह सिखउंदअ लागअ कि मणशा शोहरु वै जरुरी साहा कि सह दुख चुआकी , होर पुरनिए प्रधान , याजक होर शशत्री तेउ नीच समाज़ी करे मारी पाए , होर सह चीउणे धिहाडे ज़िउंदअ हूणअ । 32 तेउये याह गला तेउ संघे पाकी करी । ऐता गला पेंदे पतरस त्तेऊ अलग नी करे बोलदअ लागअ , 33 पर तेऊए पीछे फिरी करे आपणे चेले फेरा वे हेरु , होर पतरसे क्रेरी करे बोलू , “ शेतान मेरे मुँहा का दूर नाह ; कवैकि तूह दईबा री गला पर नांई , पर मणशा री गला पेंदे मन लाऊदा ।''

यीशु रे पीछे हाड़णे रा मातलब

(मती 16:24-28; लुका 9:23-28)

34 तेऊए खासे लोका होर आपणे चेले आपु सेटा शादी करे तेयाबे बोलू , “ज़ोह कोई मेरे पीछे ईहणा चाहदा , पहिले आपणे आपू का नांई करे होर आपणे करुसा चूआकी करे मेरा पीछे चले 35 किबेकी ज़ोह कोई आपणा प्राण बचाऊणा चाहंदा सह तेऊ खोऊणे , पर ज़ोह कोई माह वे होर सुसमाचारा रे पीछे आपणे प्राण खोउले , तेया बचाऊणे । 36 अगर मणश सारीे संसारी प्राप्त करे होर आपणे प्राणा नाश करे तो तेउ कैह फायदा ? 37 मणश आपणे प्राण रे बदले कैह देई सका ? 38 ज़ोह कोई एसा व्यभिचारी होर पापी जाति मेंज़ा काा होर मेरी गला री शर्म करले , तो मणशा रो शोहरु भी जेब्रे सह पवित्र दूता संघे आपणे बाबा री महिमा संघे ईले , तेवरे सह भी शरमाऊण।”