मत्ती 16

स्बर्गीय निशाणा री माँग

1 फरीसी होर सदूकी सेटा इच्छी करे तेऊ परेखणे री तणी तेउबे बोलू , “ हामा सरग ा रा कोई निशान रिहा ।” 2 तेऊ तया बे उतर दिंना , “ ब्याल्के(साँझ) तमे बोला , ' मोसम ठीक रहंणा , किबेकि सरग लाल साहा ' , 3 होर भोरा बे बोला , 'आज आँधी इहंणी , किबेकि सरग लाल होर धूमिल साहा । तमे सरग ा रे लक्षणा हेरी करे तेऊ रा भेद खोजी सका , पर टाइमा रे भेद किबे नाईं खोजी सकते ? 4 एउ जुगा रे बुरे होर भयभीचारी इहंणी , निशाँ लोडा किबेकी पर युनुस छाड़ीकरे तया होर कोहे भी निशान नाइ भेटण , होर श त्या छाड़ी करे नाठअ । 5 चेले झिला रे पार पूजी , पर तया रोटी आंणण बिसरी , । 6 तयाबे यीशु बोलू , “हेरा फरीसी होर सदुकी रे खमीरा का साबधान रहे ।” 7 तया आपु में गला करदे लागे , “ हमें रोटी नाईं आँणी एतकी यह एढा बोला ।” 8 यह ज़ाणी करे , यीशु तयाबे बोलू , “हे अल्पविश्वासी , तमे आपु में बिचार किबे करा की हामा सेटा रोटी नाईं आंन्धी ? 9 कैह तमे एबरे तणी नाईं समझी ? कैह तमा तया पांज़ हज़ारा री पांज़ रोटी याद नाईं , होर यह कि तमे केतरी टोकरी चुआकी , ? 10 कैह तमे एबरे तणी नाईं समझी ? कैह तमा तया पांज़ हज़ारा री पांज़ रोटी याद नाईं , होर यह कि तमे केतरी टोकरी चुआकी , ? 11 तमे किबे नाईं समझदे कि माँईं तमा बे रोटी रे बिषय में नाईं बोलू , पर यह कि तमे फरीसी होर सदुकी रे खमीरा का साबधान रहे ।” 12 तेबा तया समझ आउआ कि तेऊ रोटी रे खमीरा का नाईं , पर फरीसी होर सदुकी री शिक्षा का साबधान रहंणे बे बोलू , । पतरसा र यीशु ' मसीह ' मनणअं 13 यीशु कैसरिया फलिप्पी रे प्रदेशे आउअ , होर आपणे चेले का पूछतअ लागअ , “ लोका मणशा रे शोहरू बे कैह बोला ?” 14 तयाहे बोलू , “ कुछ त युहन्ना बपतिस्मा दिहंण आल़अ बोला , होर कुछ एलिय्याह , होर कुछ यिमर्याह या ज़ोह द्शी मेज़ा का कोई एक बोला ।” 15 तेऊ तया बे बोलू , “ पर तमे मांह बे कैह बोला ?” 16 शमौन पतरसे उतर दिंना , “ तूह जीबते दईबा र शोहरू मसीह साहा ।” 17 यीशु टू बे उतर दिंना , “हे शमौन , योना रे शोहरू , तूह धनी साहा ; किबे कि मासे होर लोहू नाईं , पर मेरे बापू ज़ोह सरगे साहा , यह गल ताह में प्रगट करी । 18 पर हाँऊं भी ताह बे बोला की तुह पतरस साहा , होर मांह एउ पाथरा पैंदे आपांणी कलीसिया बणाउंणी , होर अधोलोका रे फाटक तेता में प्रबल नाईं हूँणे । 19 मांह ताह बे स्बर्गा रे राज्य री कुंजी देलअ : होर ज़ोह कुछ तूह पृथ्वी में बानलअ , सह सरगे बानणा , होर ज़ोह कुछ तूह पृथ्वी में खोल्लअ , सह सरगे खुलणा ।” 20 तेबा तेऊ चेले बे बोलू कि कासी बे नाईं खोजे की हाँऊं मसीह साहा । आपांणी मऊती रे बिषय यीशु री भबिष्यदाणी 21 तेऊ टाइमा का यीशु आपणे चेले बे खोज़दअ लागअ , “ ज़रुरी साहा कि हाँऊं यरूशलेमा बे नाहूँ होर पुरनिया , होर प्रधान याजका , होर शास्त्री रे हाथा का भू दुख चुआकू ; होर मारी पाए ;होर चिउंणे ध्याड़े जिऊ।” 22 एता में पतरसे सह अलग नीकरे झिडकतअ लागअ , “हे दईबा , दईब ना करे कि तांईं संघा कधी भी एढा होए ।” 23 तेऊ मुढ़ी करे पतरसा बे बोलू , ' हे राकस , मेरे सामने का दूर हो ! तूह मांह बे ठोकरा रा कारण साहा ;किबेकि तूह दईबा री गला में नाईं , पर मणशा री गला में मन लाउंदा यीशु रे पीछे चलणे रा अर्थ 24 तेबा यीशु आपणे चेले बे बोलू , “ अगर कोई मांह पीछे इहंणा चाहे , त आपणे आपा रा नाईं करे होर आपणा क्रुस चुआके , होर मांह पीछे इच्छे । 25 किबे की ज़ोह कोई आपणा प्राण बचाऊणा चाहे , तेऊ तया खोऊणे ;होर ज़ोह कोई मेरी तणी आपणे प्राण खोऊलअ , तेऊ तया पाउणे । 26 अगर मणश सारीे जगता प्राप्त करे , होर आपणे प्राणा री हानि चुआके , तेबा तेऊ कैह लाभ हूँणा याह मणशा आपणे प्राणा रे बदले कैह दींणा ।? 27 मणशा र शोहरू आपणे स्वर्गदूते संघा आपणे बापू ऋ महिमा में इहंणा , होर तेऊ टाइमे ' तेऊ हर एकु बे तेउरे कामा रे साबे प्रतिफल दींणा ।' 28 हाँऊं तमा बे सच बोला की ज़ोह ज़खे खड़े साहा , तया मेज़ा का कुछ एढे साहा कि जेबरे तणी मणशा रे शोहरू तेउरे राज्य में इहंदे नाईं हेरे , तेबरे तणी मऊती रा सुआद कधी नाईं चखणा ।”