मत्ती 4

यीशु री परीक्षा

1 तेबा आत्मा यीशु बूणा बे नीऊं ताकि इबलीसा का तेउरी परीक्षा हो । 2 सह चाहल़ी धिहाड़ी , होर चाहल़ी राची , भोछ रहू , तेबा तेऊ भोछ लागी । 3 तेबा परेखण आलेए सेटा इछी करे तेऊ बे बोलू , “अगर तूह दईबा रअ शोहरू साहा , तेबा बोल , कि या पाथर रोटी बणे ।” 4 तेबा परेखण आलेए सेटा इछी करे तेऊ बे बोलू , “अगर तूह दईबा र शोहरू साहा , तेबा बोल , कि या पाथर रोटी बणे ।” 5 तेबा इबलीसे सह पवित्र नगरा बे नीऊं होर देहुरे रे कंगूरे में खढ़अ करू , 6 होर तेऊ वै बोलू , “ अगर तूह दईबा रअ शोहरू साहा , तेबा आपणे आपा उंधे शोटअ ; किबे कि लिखुदा साहा : 'तेबा तेरे बिषय में आपणे स्वर्गदूत बे आज्ञा दीणी , होर तया तूह हाथो हाथ चुआकणअं ;कंईं एडा ना होए कि तेरी ज़ांघा पाथरे संघा लागे ।'” 7 यीशु तेऊ बे बोलू , “यह भी लिखूदा साहा : तूह दईबा आपणे दईबा री परीक्षा नांई लए ।'” 8 ‌तेबा इबलीसे सह एकु बहू बड़ेे पहाडा (बड़ेी ज़ोह ता ) बे निऊं होर एकी घड़ी में सारीे बैभब रिहाई करे 9 तेऊ वै बोलू , “अगर तूह पड़ी करे मांह बे नमस्ते करल़ , तेबा मांह यह सब कुछ ताह बे दीणा ।” 10 तेबा यीशु तेऊ बे बोलू , “हे राकसा दूर हो , किबे कि लिखूदा साहा : 'तूह दईबा आपणे दईबा वै नमस्ते करे , होर सीधी तेउ री ही उपासना (पूजा )कर ।'” 11 तेबा राकस तेऊ सेटा का नाठअ , होर हेरा , स्वर्गदूत तेऊ री सेबा करदे लागे । यीशु रे सेबा कामा री शुरुआत 12 जेबा तेऊ यह शुणु कि यहुना बन्दी बणाउंदअ साहा , तेबा सह गलीला वै नाठअ । 13 होर सह नासरता छाडी करे कफरनूहम में , ज़ोह झीला रे कनारे ज़बूलून होर नप्ताली रे देशा में साहा , नाहीं करे तखे रहंदअ लागअ ; 14 ताकि ज़ोह यशायाह ज़ोह द्शी रे साबे बोलूदा , सह पूरा हो : 15 “ज़ेबूलून होर नप्ताली रे देश , झीला री बाता का यरदन रे पार , अन्यजाति (अन्यजाति ) रा गलील - 16 ज़ोह लोका निहारे में बैठेए , तयाहे बड़ेी ज्योति हेरी ;होर ज़ोह मऊती रे देशे होर छाईंटा में बेठेदे , तया पैंदे ज्योति चमकी ।” 17 तेऊ टाइमा का यीशु प्रचार करना होर बोलना शुरू करू , “मन फेरा किबे कि सरगा रा राझ नेड आउआ ।” पहिलअ च़ेलअ शादणअं 18 गलीला री झीला रे कनारे फिरदे तेऊ दुई भाई अर्थात शमौन , होर पतरस जासू बे बोला , होर तेऊ र भाई अन्दियास झीला में जाल़े पाऊंदअ हेरू , किबेकि तया मछुये , । 19 यीशु तेऊ वै बोलू , “मांह पीछे इच्छा , तेबा मांह तमे मणशा ढाकण आल़े बणाऊणे ।” 20 तयाहे तेभरी जाल़े छाडी करे तेऊ पीछे नाठेए । 21 तखा का जेंह नाहीं करे , यीशु होरा दुई भाई अर्थात ज़ेबाूदी रे शोहरू याकूब होर तेऊ र भाई यहुना हेरी ।तया आपने बापू ज़ेबाूदी संघा किस्ती में आपने ज़ाल़े सुधारदे , । तेऊ तया भी शादी । 22 तया तेभरी किस्ती होर आपणे बापू छाढ़ी करे तेऊ पीछे नाठेए । यीशु रे रोगी ठीक करने 23 यीशु सरग लीला में फिरदे - फिरदे तया रे आराधनालय में उपदेशा दींदअ , होर राज्य रा सुसमाचार प्रचारा करदअ , होर लोका री बमारी होर दुर्बलता (गरीबी) दूर करदअ रहू । 24 होर सारीे सीरिया देशा में तेऊ रा यश फैलु ;होर लोका सभी बमारी , ज़ोह कि प्रकार री बमारी होर दुखा का जकड़ी दे , होर जासू में दुष्टात्मा , होर मिर्गी आल़ेए , दरांगा रे रोगी , तेऊ सेटा बे आंणी होर तेऊ तया ठीक करी । 25 गलील होर दिकपुलिस , यरुशलेम , यहूदिया होर यरदन गाडा रे परा का भिड़ा री भीड़ तेऊ पीछे चलीइ ।