मत्ती 2

ज्योद्शी रा ईहंणा

1 हेरोदेस राजा रे धियाड़े में जेबा यहूदिया रे बैतलहमा में यीशु रा जन्म होऊ , तेता बाद पुरवा का कई ज्योद्शी यरुशलेमा में इच्छी करे पूछते लागे । 2 “यहूदी रअ राजा जासका जन्म होऊ साहा कंईं साहा ?किबे कि हामे पुर्बा में तेऊ रअ तारअ हेरू होर तेऊ बे प्रणामा करदे आउदे साहा ।? 3 यह शूणी करे हेरोदेस राजा होर तेऊ संघा सारीा यरुश्लेम घबराऊ । 4 होर तेऊ लोका रे सभे प्रधान याजक होर शास्त्री कठे करी करे तया का पुछु , “मसीहा रा जन्म कंईं होऊ लोढी ?” 5 तयाहे तेऊ बे बोलू , “ यहूदी रे बैतलहमा में ;किबेकि ज़ोह ज्योद्शी रे दुआरा लिखू दा साहा : 6 हे बैतलहम , तूह ज़ोह यहूदा रे प्रदेशा में साहा , तूह कासु भी रीती में यहूदा रअ धिकारी का होछअ नाईं आंधअ ;किबे कि ताह मेज़ा का एक अधिपति निखल़णं , जासू मेरी प्रजा इस्राएला री रखबाली करणी ।” 7 तेबा हेरोदेसे ज्योद्शी चुप चारे शादी करे तया का पुछु कि तारअ ठीक कासु टाईमें हेरू , 8 होर तेऊ यह बोली करे तया बैतलहमा बे भेजी , “नाहाँ , तेऊ बालका रे बारे में ठीक - ठीक पता करा , अगर सह भेटलअ तेबा मांह बे समाचार (पता) दे ताकि हाँऊं भी इछी करे तेऊ बे प्रणाम करू ।” 9 तया राजा री गला शुणी करे नाठे , होर ज़ोह तारअ तयाहे पुर्बा में हेरू , सह तया का जेंह -2 चलू ; होर ज़खे बालक , तेसा ज़ाघा पेंदे पूजी क्रुसा ह ठहरू । 10 तेऊ तारे हेरी करे तया बहू खुश होई । 11 तयाहे तेऊ घरे पूजी करे बालक तेऊ री आमा मरियमा संघा हेरू , होर ऊटे पढ़ी करे बालका बे प्रणाम करू , आपांणी -आपांणी झोल़ी खोली करे तेऊ बे सुना होर लोबान , होर गन्धरसा री भेंट चढ़ाई । 12 तेबा सुपने में यह चेताबनी पाई करे कि हेरोदेसा सेटा बे भी नाईं नाहें , तया दूजी बाता में आपणे देशा बे नाठे । मिस्र देशा बे नाहंणा 13 तया नाहंणे बाद दईबा रे एकु दूते सुपने में युसुफा बे हेरी करे तेऊ बे बोलू , “उठ , तेऊ बालका होर तेऊ री आमा नि करे मिस्रा देशा बे नाहाँ , होर जेबरे तणी हाँऊं ताह बे नाईं बोले , तेबरे तणी तखी रहे , किबे कि हेरोदेस एउ बालका लोढ़अ लागदअ साहा कि तेऊ मारी सके ।” 14 तया नाहंणे बाद दईबा रे एकु दुते सुपने में युसुफा बे हेरी करे तेऊ बे बोलू , “उठ , तेऊ बालका होर तेऊ री आमा नि करे मिस्रा देशा बे नाहाँ , होर जेबरे तणी हाँऊं ताह बे नाईं बोले , तेबरे तणी तखी रहे , किबे कि हेरोदेस एउ बालका लोढ़अ लागदअ साहा कि तेऊ मारी सके ।” 15 होर हेरोदेशा रे मरने तणी तखी रहू इतकी तणी कि सह बचन ज़ोह दईबा भबिष्यद्क्ता रे दुआरा बोलू , पूरा हो : “ माँईं आपण शोहरू मिस्र देशा का शादू ।” 16 जेबा हेरोदेशे यह हेरू , ज़ोह कि ज़ोह द्शी तेऊ संघा धोखा करू , तेबा तेऊ बहू रोश आउआ , होर लोका भेजी करे ज़ोह द्शी रे ठीक - ठीक खोजी दे टाईमा रे साबे बैतलहम होर तेऊ रे नेड़े तेडे री ज़ाघा रे सभे शोहरू ज़ोह दुई साला रे या तया का होछे , मारी पाई । 17 तेबा ज़ोह बचन यिर्मयाह भबिष्यद्क्ता रे दुआरा बोलू , सह पूरा होऊ : 18 “रामाह में एक करुण -नाद शुणु , लेरना होर बडा बिलाप ; राहेल आपणे शोहरू री तणी लेरदी लागी दी , होर शांत हूँणा नाईं चांहदी , किबेकि एबा तया नाईं रही ।” मिस्र देशा का बापस ईहंणा 19 युसुफा बे सुहेरोदेशा रे मरने रे बाद , स्वर्गदूत मिस्रा में सुपने में रिहाई करे बोलू , 20 “उठ , बालक होर तेऊ री आमा नि करे इस्राएला देशा बे नाह , किबेकि ज़ोह बालका रे प्राण लउणा चांहदा , तया मुएँ ।” 21 सह उठू होर बालक होर तेउरी आमा संघा नि करे इस्राएला रे देशा बे आउअ । 22 पर यह शूणी कर कि अरखिलाउस आपणे बापू हेरोदेसा री ज़ाघा यहूदिया री में राज करदअ लागअद , तखे नाहंणे बे डरू ।तेहुकी सुपने में दईबा का सुपने में चताबनी पाई करे गलीला प्रदेशा बे नाठअ , 23 होर नासरता ना रे नगरा में बसु , ताकि सह बचन पूरा हो , ज़ोह भबिष्यद्क्ते बोलू दा :जासू बे नासरी बोलणाा ।”