ఇన్ని తేడః సిల్లెద్‌
58
పల్లవి: ఇన్ని తేడః సిల్లెదు విజెటె పాపము కితాటువిజెటె దేవుణు సీని ఇనాయం నెక్త పొక్తాటు(2)
ఎమెణి కులం ఆతిఙ్‌బా-ఎమెణి మతం ఆతిఙ్‌బా
ఎమెణి జాతి ఆతిఙ్‌బా - ఇన్ని రంగు ఆతిఙ్‌బా
విజెటె దేవుణు ఎద్రు తప్పు కితాటు(2) “ఇన్ని తేడః”
1 ఎసో ఆస్తిపాస్తి మహిఙ్‌బా-ఎల్లకాలం నఙి బత్కు సిఉలె
ఎసొడ్ః సద్‌వుఙు మహిఙ్‌బా-ఎల్లకాలం సర్ద బత్కు సిఉలె(2)
ఎద్రు సుడ్ఃజిని యా బూమి-నీ ముస్కు నేరం మొప్‌నాద్‌లె
సాజి సొన్సిని యా లోకుర్‌- యా లోకం మర్‌జి రెఎర్‌లె(2)“ఇన్ని తేడః”
2 నాను ఎయెన్‌ ఆతిఙ్‌బా-నఙి ఎసొ మహిఙ్‌బా
నఙి ఎయెర్‌ మహిఙ్‌బా-నఙి ఎయెర్‌ సిల్లిఙ్‌బా(2)
నఙి బత్తిమాల్‌జి కూక్తాను యేసు దాదనె
నఙి యేసు సిల్లిఙ-నఙి మనికెఙ్‌ విజు మాయనె(2) “ఇన్ని తేడః”
3 పూజెఙ్‌ పురస్కారమ్‌కు కితిఙ్‌బా-నఙి నెగ్గి బత్కు దొహ్క్‌ఎదు
దేసెమ్‌ది గురుగుణియర్‌బాన్‌ సొహిఙ్‌బా-నఙి మని పాపం సొన్‌ఎదు(2)
పరలోకమ్‌దాన్‌ డిగ్జి వాతి యేసునె -నా వందిఙ్‌ పాణం సితాను
నఙి గత్తి సిల్లిఙ్‌బా- యేసు ప్రబు ఒరెండ్రె గత్తి మనాను(2)“ఇన్ని తేడః”