1 Pétro i

Wasɩ́ɩ́ka kaɖaa ńga

1 Pétro

waaŋmáa kɛ nɛ́

Naanɩ́ na ɖɩbáázɩ nɛ́

Ɩsɔ́ɔ-dɛ́ɛ Tɔ́m Tákaraɖá-daá,

ɖánnáa wasɩ́ɩ́kawá nasɩ́lɛ baaɖʊ sɩsɩ tɩndʊ́ʊ Pétro waaŋmaa ná sɩ nɛ́.

Wasɩ́ɩ́ka kaɖaa ńga kana nɛ́,

Krísto ńba baavʊ́ńÿɛ́ɖɩ bɔgɔwɛ ɩgɔ́ńdɩ Azíi laadɔ́ɔ bánÿaá kɛ lɛlɛɛɖɔ́ sɩsɩ Turikíi nɛ́-dɛ́ɛ fáráńdɩ́wá rɩ́ŋa-daá nɛ́ gɛ Pétro waaŋmáa kɛ.

Ɖoo nɛ́,

baraavʊnvóo Ɖádʊ́ʊ Yeésu Krísto,

naanɩ́ balá túúbá babɩ́sɩ ɩdɛ́ɛ ńba.

Amá,

bogoobíya wenbá baawalɩ́ badalá túúbá nɛ́ ɩbá bánváa wɛ fúkúḿsi ɖabata.

Bʊrɔ gɛ Pétro waaŋmáa wɛ wánɖʊ́ʊ wɛ tɔ́m bɩka wángbaazɩ́ wɛ ɖóni sɩsɩ tííbí Ɖádʊ́ʊ Yeésu Krísto waagbɩ́ɩ́rɩ kɩ ɩkázɩ́ɩ ɩdɛ́ɛ ńba nɛ́ kɩrɔɔzɩ́,

bɔ́ɖɔkɩ toovonúm baava Krísto nɛ́ bɩcáárɩ.

Bɩlɛ́ bibaasí,

Pétro wɔ́nbɔɔzɩ́ wɛ sɩsɩ bɛ́bɛ́ɛ́ŋná Krísto ɩmʊ́ bɛdɛ́ɛ wahálawá bánnáa tɩ nɛ́ tɩdaá.

Bɩlɛ́ bʊwɔ́rɔ́ nɛ́,

Pétro wánwɩlɩ́ɩ koobíya wánŋmaá wɛ nɛ́ cɔwʊrɛ wenɖé bɩmɔɔ́na bɔcɔɔná ɖɛ na bɩwɩ́lɩ sɩsɩ bɛgɛ́ɛ Krísto ńba nɛ́.