1
Jaman alkaliya lardu Israyilaye canodilan,
lardudǝro kǝna kadio.
Daji kam laa bǝla Baitalamiye cidi Yahudayen cije ti-a kamunju-a tadawanju yindi-a lardu Mowabbero napturo leyera.
2 Kamdǝye cunju Yelimalak,
kamunjuye Naumi,
tadawanju yindiye Malon-a Kiliyon-a.
Fǝrdunja am Ifǝratariye cidi curonjulan bǝla Baitalamiye dǝganadǝ.
Curo lardu Mowabbelan kasarga duwon,
3 Yelimalak bawoyeno.
Kamunju Naumi runju tadawanju yindia napkeno.
4 Tadawa ani ferowa lardu Mowabbe ngoyera.
Kamu Kiliyonne cunju Worfa,
kamu Malonne cunju Rut.
Ngawo naptu kǝrwu mewu gai cadǝnalan,
5 Malon-a Kiliyon-a tayi yindi samma bawoyera.
Daji Naumi kwa ye bawo,
yallanju yindi ye bawo napkeno.
6-7 Naumi lardu Mowabben duwon,
lawar Ala Kǝma Israyilawuye jamanjua banajiye tayiro nema ngǝwu cinaye fangenniya,
ti-a kǝsaiyanju yindi-a sawǝra lardunjuro waldaye kedo.
Na kallo dasaanadǝlan cijane jawal lardu Yahudaye keda.
8 Amma kǝla jawallen Naumiye:
«To,
wundu yaye yanjuyero waldo!
Kǝmande nayia ngǝlaro njada,
jiɍi wu-a kwawando-a sadawwadǝ gairo.
9 Kǝmande wundundo yayero kwa co,
curo fanndoyen nayia njaɍiwo!»
Daji tayiro barga dǝpciye alakǝlewayeno.
Amma kamuwadǝ jauro cesire:
10 «Waniyena,
waniyena!
Ni-a kallo na jamanǝmbero leniye.»
11 «Wallowo,
ferowani.
Awiro kallo leniye?
Rangǝkke koro yaye tadawa kwandoro waljai yambǝkki wa?
12 Wallowo,
ferowani.
Lenowo wu jaumaro kǝmurjonǝkkǝna kwa fandoro.
Ko,
"Ku tǝmania!
Bune adǝ kwa fandǝkki,
tadawa yambǝkki!"
yekko yaye,
tadawa ania gurenuwe wurajai wa?
13 Kawudǝro kwawa gade diwwawo wa?
Ǝn,
ǝn,
ferowani!
Kuttu wua suwandǝnadǝ jaumaro dunondo kojǝna.
Kǝmande wuro gǝrgaseyeno.»
14 Kǝsaiya yindi cayemaa kojǝnaro kesiro.
Daji Worfa Naumia alakǝlewaje walyeno.
Amma Rut tia kolduro wayeno.
15 Naumiye:
«Rut,
akko keminǝm balballe na jamanju-a sǝnǝmbanju-ayero waldu cǝdi.
Ni ye ngawonju gai!»
16 «Bare wua jǝnsǝgǝme nia kolnjǝkkǝni!
Bare wua sakkǝme waldǝkke wu-a ni-a kattende kuruwujǝnni!
Na lenǝmmaro lekki,
na bonǝmmalan bokki.
Jamanǝm jamaniro walji,
koro Ala Kǝmanǝm ye Kǝmaniro walji.
17 Na ni nummalan wu ye nukki,
koro nadǝlan sanadi.
Karmo gǝni firsa duwon kolngekkoa,
Kǝmande bargani ngojo ajawu kura gǝnasuwo!»
18 Naumi Rut tia koljiwaworo kirunniya,
mana tia koljo lejoyedǝa dawaryeno.
19 Tayi yindi lejai lejai duwon,
bǝla Baitalamiyero kadira.
Kǝndenjan am bǝlaye tayia kerunniya,
hangalnja cije kamuwaye:
«Attǝ jiremaro Naumima?»
20 Naumiye tayiro:
«Bare wu Naumin bowosuwwi,
Maran bowosǝnowo,
Ala Martawama karwuni jaumaro kuttajǝgǝna.
21 Kwania-a yallania-a leyekko,
tok tiloni Kǝmande kalanseno.
Awiro wua karwukǝjiman bowosuwi,
wu duwon Kǝmande asǝrni kajǝne kuttuye wua suwandǝnadǝ?»
22 Mana Naumiye karwukǝjima,
Mara ye karwukuttama.
Adǝgaima Naumi ti-a kǝsainju Rut-a lardu Mowabbe koljane lardu Yahudayero walladara.
Sa bǝla Baitalamiyero isanadǝn,
kala sayirre ngǝssana.