Lawar kǝndo am jiɍi gadegade yindiye jama Alayero
13
8 Amalakwu isane Israyilawuro Refidimnin kǝriwu kekkudo.
9 Daji Musaye:
« Yushawu,
am kǝrene,
baɍi lene Amalakwuro kǝriwu cundelan yikkade!
Wu ka Alaye mukkonna toɍi kau kuruwudǝyero bakke dakki.»
10 Musa tiro wuljǝgǝnadǝ gai,
Yushawu leje Amalakwuro kǝriwu kikkado.
Musa-a Haruna-a Fur-a tayi ye toɍi kau kuruwudǝyero gewa.
11 Musa mukkowanju Alaa kororo sapciya,
Israyilawu kǝriwudǝn fuwu jawui.
Amma mukkowanjudǝa cǝsayiya,
Amalakwu fuwu jawui.
12 Mukkowa Musaye casambarǝnadǝ,
Haruna-a Fur-a kau ngojane fǝrdu Musayen gǝnajane kǝladǝn napkeno.
Wundu ye kanjinjun mukko fal Musaye kida.
Ngainin mukkowa Musaye ngǝlaro sapkada,
har kǝngal kikkuro.
13 Yushawu ye kǝriwun Amalakwua tǝgǝmbo giwo.
14 Kǝmandeye:
«Musa,
awo adǝa bare ngessuwwiro,
curo kitawuyen ruwune!
Koro Yushawuro wulgǝne:
"Tǝgǝmbo Amalakwua baworo dikke,
har wunduma dunianin tayia takciwawo."»
15 Musa laya duwaduram cǝdande nadǝa Kǝmandedǝma alammi kǝriwuye wolan bowoyeno.
16 Koro Musaye:
«Amalakwudǝ jama Kǝmande cunodidǝro kǝriwu cakkudǝna nangaro,
Kǝmande ye jaman fi yayen kǝriwu tayiro cǝkkadi.»
21 Shi'itu adinma kura Madiyanwuye koro kǝsai Musaye awo Ala Musa-a jamanju Israyilawu-aro cǝddǝna sammaa fanjǝna.
Lawar Kǝmande tayia Masarnin cuttuluwuna ye fanjǝna.
22 Fado Shi'ituyen Siforatu kamu Musaye mbeji.
Calan Musa ti-a tadawanju yindi-aa juwajiye isana.
23 Cu tada kuradǝye Gorshem,
maana Gorshembedǝ sikudo,
dalilnjudǝ Musa lardu amben nansikudo cǝdi cǝnnadǝ nangaro.
24 Tǝngǝɍidǝye cunju Yeliyejer,
maananju Ala bananiro isi,
dalilnjudǝ Musa Ala bawanjuye tia banajiye mukko Fira'aunayen cǝmoye karmoro cǝkkaana cǝnnadǝ nangaro.
25 Daji Shi'itu Siforatu kamu Musaye-a tadawanju yindi-aa ngoje dawu karaa na kau kuruwu Alaye kǝsainju dǝganayero leyeno.
26 Kam cunode:
«Mai Musa,
kusotto isǝnadǝ,
tima kǝsainǝm wo.
Ti-a kamunǝm-a tadawanǝm yindi-a nanǝmbo kadira.»
27 Musa culuwe kǝsainju kapciye fuwunjun nguje tiro lewa darajaye kiddo.
Ngawo nanlewanja caworǝnayen curo leima Musayero kasargawo.
28 Musa kǝsainjuro awo Kǝmande Fira'auna-a Masarwu-aro kǝla Israyilawuyen cǝddǝna sammaa wulyeyeno.
Koro tiro leiya kǝla jawallen casana-a jiɍi Kǝmande cǝde tayia leiya adǝn cuttuluwuna-a sammaa wulyeyeno.
29 Shi'itu awo ngǝla Kǝmande Israyilawuro cǝdde tayia mukko Masarwuyen cǝmowonaye kǝji fanje:
30 «Kǝmando nayia mukko Fira'auna-a Masarwu-ayen njamowonadǝa yungorǝkki.
Sǝnǝmba Masarwuye gǝrgajanama,
jama Alayea roduro tiyerǝnadǝ,
31 kǝrma Kǝmando sǝnǝmbanja sammaa kǝrmainin kojǝnaro nokkǝna.»
32 Daji Shi'itu lǝmanna ngoje layaro Ala nangaro duwayeno.
Falnjaa rǝmǝsso warje buwuro walyeno.
Gapcǝnadǝa laya jamamewurambo duwayeno.
Haruna-a amwurawa Israyilawuye samma-a isane tayi-a kǝsai Musaye-a kǝmbodǝa fuwu Alayen gewo.
33 Wajǝnanjua Musa jamaro shara kamdaaro napkeno.
Suwan tamiya kajiriro yade,
am fuwunjun daada sharadǝa gurejai.
Jama nangaro Musa leiya caidǝa
34 Shi'itu kirunniya:
«Nawi Musa,
awi jama adǝro yiddǝmi?
Awiro ni runǝm tok tayiro shara kamgǝgǝmi,
am ani nga suwan tai kajiriro kude fuwunǝmnin daada gurenjaidǝ?»
35 «Jamadǝma diye gala Alaye madaro naniro isai.
36 Kattenjan wusǝr laa mbejia,
wuma shara yiddǝkki.
Tayiro wada Alaye isanogǝkki.»
37 «Awonǝm dimi adǝ ngǝlamadǝ gǝni.
38 Ni-a am nanǝmbe-a samma tǝlǝs yimbaruwi,
kida adǝ dunonǝm kojǝna nangaro.
Ni runǝm rangǝmbawo.
39 Kǝrma manani fane,
galanjǝkke Ala niro bananjuwo.
Ni wakkil jamayero na Alayen walle.
Awo tayia wujǝna sammaa tiro yikkade.
40 Koro tayiro wada Alaye wulgǝne,
jawal gaye fǝlegǝne,
naptu jiɍi cadidǝa yikkǝrai.
41 Ngawo adǝyen curo jamayen am darajaa Alaa rijana,
jirewu bas,
risuwan tawandiwawo kǝrene.
Tayia fuwuwu jamayero kǝla kǝwu rashiduwa dǝwuye,
miaye,
fiwuye bi mewu mewuyero galane.
42 Sawi yaye jamaa sharaja.
Awowa kura kura ngaa nanǝmbo cawudiya,
sananadǝa tayima sharaja.
Ngainin kurwowunǝm fulune.
Tayi ye kida cada.
43 Galania fanǝme koro Alaye kasatkenoa,
kidanǝm ngǝlaro dimi,
koro am ani samma kǝlewa salainin fannjaro waldai.»
44 Musa gala kǝsainjuye sammaa ngoyeno.
45 Curo Israyilawuyen am darajaa kǝreje,
tayia fuwuwu jamayero kǝla kǝwu rashiduwa dǝwuye,
miaye,
fiwuye bi mewu mewuyero galayeno.
46 Tayi ani sawi yaye jamaa sharajai.
Shara dunonja kojǝnadǝa Musaro cakkadi,
sananadǝa tayima cadi.
47 Daji kǝsaidǝ Musa-a alakǝlewadane lardunjuro wallada.