Lawar sawǝra kǝriwuye Israyilawuye
1
Sa Israyilawu karaa Sinai canilan dasaanadǝn,
kǝndawu yindiye yim burwoyea saa yindiye Masarnin caluwunaye,
Kǝmande Musaro curo leima Ala-a tadoramben jandejiye:
2 «Musa,
ni-a Haruna-a curo jama Israyilawuyen kongwa sammaa jiɍinjan fannjanno ruwunowo.
3 Kongwa kǝrwu findin tamiya kǝla samennaro yade rakce soji Israyilayero walji sammaa kǝwunja kǝriwuyen ruwunowo.
4 Curo jiɍi fi yayen kam kura fal cunju wulnjagakkidǝa ngonowo kida njattambo.»
17-19 Daji yimdǝman Musa-a Haruna-a wurawa mewun yindin Kǝmande kǝrejǝnadǝa kamgǝnawanjaro ngojane jama sammaa capkera.
Israyilawu kǝrwu findin tamiya kǝla samennaro yade sammaa tilo tiloyen jiɍinjan fannjanno ruwuyera.
45-46 Am rakcane nansoji cadi ruwujanadǝ dǝwu yer arakkun lukko yakkun yer uwun fiwunin.
47 Kaduwu Lewiyedǝa jiɍiya gade Israyilawuyero kǝljagane ruwujanni.
48 Caman Kǝmandeye:
49 «Musa,
bare jiɍi Lewiyedǝa jiɍiya gade Israyilawuyero kǝlgǝgǝme ruwunǝmmi.
50 Leima Alaye curonjun bam amannea-a kareya gade dasaana samma-a mukkonjaro yakke.
Sa bǝrduwiya,
tayima leima Alaye-a awo curonjuye-a sammaa ngoduwu wo.
Tayima kida curo leima adǝyen diowu wo,
koro leimadǝa dawuro casakke kaanjaa kokcane dirijane kǝljai wo.
51 Yim na dǝgawwalan cinuwiya,
tayima leima adǝa wuiduwu wo.
Koro yim na gaden nammuwiya,
tayima leimadǝa koktuwu wo.
Kam jiɍi Lewiyero kajia,
kam gade leimadǝa gǝreyenoa,
wowom karmoye tia cǝda.»
52 Koro Ala walde:
«Musa,
Israyilawu na kǝwunja kǝriwuyen karǝn alamnjayen napca.
53 Kaduwuwa Lewiye runjama gǝre leima Alaye curonjun bam amanneayen napca tiro kissaa,
bare jama Israyilawuyero gǝrgaakkǝni nangaro.»
54 Israyilawu awo Kǝmande Musaro wuljǝgǝnadǝa kalkallo kedo.
61 Kǝmande Musa-a Haruna-aro:
62 «Israyilama nguson na alam kǝwunju kǝriwuye kokcanalan karǝn noduwuram jiɍinjuyen napco.
Leima Ala-a tadoramben gana kuruwun napca.
63-69 Adinnam na alam Yahudaye kokcanalan kǝwu sojiya jiɍi Yahudaye-a Issakarre-a Jebulonne-a napca.
Ledu wakkajiya,
tayima fuwu jamayero koduwu wo.
70-76 Anǝm na alam Rubenne kokcanalan kǝwu sojiya jiɍi Rubenne-a Simiyonne-a Gadde-a napca.
Ledu wakkajiya,
tayima kǝwu yindiyen leduwu wo.
77 Daji kaduwu Lewiye leima Ala-a tadoramdǝa ngojane tayia jagai.
Tayi dawu kǝwu dewu sojiyayedǝn lejai,
fuwunja yen kǝwu yindi,
ngawonja yen yindi.
78-84 «Fǝde na alam Ifǝrayimbe kokcanalan kǝwu sojiya jiɍi Ifǝrayimbe-a Manaseye-a Biniyaminiye-a napca.
Ledu wakkajiya,
tayima kǝwu yakkuyen leduwu wo.
85-91 Yala na alam Danne kokcanalan kǝwu sojiya jiɍi Danne-a Asherre-a Naptaliye-a napca.
Tayima daryen leduwu wo.»
94 Israyilawu awo Kǝmande Musaro wuljǝgǝna sammaa kedo.
Sojiya kǝwu kǝwunin napcai ye,
koro jiɍinjan fannjanno lejai ye.
115 [Caman kǝndawu burwoye yim burwoyea saa fal ngawo Masarra koljanayen,]
yim leima Alaye kokcanadǝman fofou ise leimadǝa jakkeno.
Yim adǝ magariwunjua fofou same leimadǝyedǝ kannu gairo walje har wayeno.
116 Kullum fofou leimadǝa jakci,
koro bunejiya kannu gairo walji.
117 Sa duwon fofoudǝ kǝla leimadǝyen cijiya,
Israyilawu ye na dasaanalan cijai.
Na fofou daje jǝpcǝnadǝn tayi ye napcai.
118 Adǝgainin Israyilawu wada Kǝmandeyen lejai,
koro wadanjun napcai.
Fofoudǝ cijǝnnia,
tayi ye nadǝa koljaiwawo.
Nadǝro casambarǝnama mana Kǝmandeye ngojana nangaro,
fofoudǝ gǝni cijoa,
tayi nadǝn saptaiwawo.
122 Kawu yindi,
bi kǝndawu fal,
bi kojiman,
Israyilawu na dasaanadǝa kawu fofou cijiro koljaiwawo.
131 Daji Masarnin caluwunaye saa yindiye kǝndawu yindiye kawu findiadǝ fofou kǝla leimadǝyen ciyeno.
132 Israyilawu karaa Sinaiyea koljane,
lejai napcai ngai duwon,
har fofoudǝ karaa Farannen leje dayeno.
139 Musaye Fobab tada kǝsainjuyero:
«Andi sawǝra lardu Kǝmande sadi cǝnnaro leduye diye.
Are kallo leniyo!
Ser andi Israyilawuro Kǝmande sadi cǝnnadǝn ni ye nuwanǝm fande!»
140 «Wu lekkiwawo.
Larduniro na jamaniyero waldǝkki.»
141 «Marne,
bare andia kolsammi.
Karaa adǝ-a na leniye jǝmmiyeso-a ngǝlamaro nonǝmma.
Nima njukkoldomandero wallǝmi.
142 Kallo leyeiyea,
ser Kǝmande sadi ngan nuwanǝm fandǝmi.»
Daji Fobab kasatkeno.
143 Ngainin Israyilawu kau kura Kǝmandeyedǝa kolyera.
Sanduwu bam amannea naptu kuris Kǝmandeye cǝdidǝ jaman fuwunno tia ngojane,
Kǝmande na jǝptuye tayiro majiyi.
144 Sa na dasaanadǝn cijaiya,
dunia kausua,
fofou Alaye samenjan mariaji.
145 Sa duwon sanduwu bam amannea ngojane cijaiya,
Musaye:
«Kǝmande cine!
Kǝladowanǝm tatarda,
waduwunǝm fuwunǝmnin ngǝrǝmja!»
146 Sa duwon sanduwu naptu kuris Kǝmandeye cǝdidǝa gǝnajaiya,
Musaye:
«Kǝmande,
na kǝwuwa tǝrǝm Israyilawuyero waldǝne!»