Lawar karmo-a sittǝra-a Nawi Yakubaye
11
29 Yakuba tadawanjua bowoje:
«Ngǝlaro kǝrnowo!
Nukke amwurawandea nagǝkki.
Wua gǝrenjan kul kauye curo kulo Ifuronnen sittǝrasǝnowo!
30 Kauridǝ karǝn bǝla Mamǝreyen lardu Kan'anayen.
Ibrahim na Ifuronnen kulodǝ-a kul kauyedǝ-a kaurilanjuro waljoro kaiwo.
31 Na adǝman Ibrahim-a kamunju Saratu-a sittǝrayera.
Na adǝman koro Isaku-a kamunju Rabeka-a sittǝrayera.
Na adǝman kamuni Lehaa sittǝrayekko.»
33 Yakuba tadawanjuro jandejiye kerǝnniya,
kǝla dǝgǝlnjuyen boje bawoje amnju faccaanaa nayeyeno.
41 Isuwu dǝgalje na bawanjuyero leje fǝkkanjudǝro kikkiro.
42 Daji karwunguso nanjuyero kamin bawanjuyero kissaa bare njǝpcǝnni yeno.
43 Karwungudǝ kawu fidewuro kidanja kedo.
Adǝma sardu kaminno ngistuwuye wo.
Masarwu ye kawu fitulurro lagaran kedo.
44 Lagaran kerǝnniya,
Isuwu kowonawa Fira'aunayero:
«Serni rawuwwaa,
lenowo Fira'aunaro:
45 Bawani kawu bawojiro tia lardu Kan'anayen kaurinju lajǝnalan nadǝkkoro wua sakke kansi bukkǝna.
Kolso wua lekke tia sittǝranǝkke isǝkko,
wulgǝnowo!»
46 Daji lejane Fira'aunaro wulyeranniya:
«Lejo bawanjua jiɍi kansi tiro jǝkkǝbbunadǝ gai sittǝrajo!»
47 Isuwu bawanju sittǝraduro leyeno.
Kowonawa Fira'aunaye samma-a am wurawa fado Fira'aunaye-a am darajaa Masarre-a tia kesadduwo.
48 Koro am fannjuye-a kǝramiyanju-a am fado bawanjuye-a samma tia kesadduwo.
Cidi Goshennen tadawa-a lǝmanna-aro kajia,
wunduma dajǝnni.
49 Sojiya fǝrra-a amalankewu-a Isuwuro kǝldagane jeɍe kuruwu fet cade leyera.
50 Adinnam ci ingi Jordaniyero kadiranniya,
adanja kam nadoye dama baworo kedo.
Kawu tulurro Isuwu bawanjuro lagaran kiddo.
51 Kan'anawu lardudǝn dasaanadǝ lagaran adǝa carune:
«Kai,
lagaran adǝ jauro Masarwuro kurwowu!»
52 Tadawa Yakubaye awo bawanja tayiro wuljǝgǝnadǝa kedo.
53 Kaminnjua ngojane lardu Kan'anayero caadǝne kul kauyen karǝn bǝla Mamǝreyen tia sittǝrayera.
Ibrahim na Ifuronnen kulo adǝa kaurilanjuro waljoro caman kaiwo.
54 Bawanja sittǝrajane kerǝnniya,
Isuwu-a kǝramiyanju-a am tia casadduwuna-a samma Masarro walladara.
55 Ngawo bawanja bawojǝnayen,
yeiyawa Isuwuye kattenjan:
«Isuwu andia karwun sadane diwi tiro yiddiyena sammaa seddoa,
nda?»
56 Daji kam Isuwuro juwajagane:
«Kawu bawando bawojiro,
kǝramiyanǝmbo:
57 "Isuwuro wulgǝnowo:
Lowokkǝna awo diwi yeiyawanju caddǝnadǝa ngesso!
Tayia gawurjo!"
cǝnna.
To,
Ala bawandoyea jaana,
marne biwu niro njaddǝnadǝa tayiro gawurgǝgǝne yera.»
Isuwu mananja adǝa fangenniya,
so ngǝskeno.
58 Yeiyawanju tayi kǝlanja isane sinjuro kǝrdagane:
«Akkonde,
andi kaɍeanǝm!»
59 «Bare rinuwwi!
Wu wa Ala wo?
60 Nayi wuro awo diwi njǝddo rawuw,
amma Alayedǝ gade,
awo ngǝlaro kalakkeno.
Awo wakkajǝnadǝa kǝrma ruwwadǝ gai,
Ala ro am kadaye njǝkkawo kirawo.
61 Awima bawo,
bare rinuwwi,
nayi-a yallando-aa ambanjakki.»
Daji tayiro mana kǝji kǝji cǝdde ronja isaboyeyeno.