Lawar Ala Nawi Yakubaro barga dǝptuwuye
8
Alaye:
«Yakuba,
cine lene,
Baitelnin dǝgai.
Na todǝn laya duwaduram wuro sǝttande,
wuma Ala niro sa yeiyanǝm Yesawuyen ngǝrǝmmǝmi duwon fǝledǝgǝkkǝnadǝ wo.»
2 Yakuba am fannjuye-a am tia rokko-a sammaro:
«Sǝnǝmba tawwa sammaa gǝmmowo!
Kasaldǝnowo tayirro wallowo,
kajǝmu kadawu bawoa yakkowo!
3 Arowo Baitello leniyo,
Alaro laya duwaduram yittandǝkko!
Tima sawi yaye soni fanje curo kuttuyen wua suttuluwi wo.
Curo bǝlawuroniyen wua sǝɍiwuna.»
4 Daji tiro sǝnǝmbanja samma-a sǝmolanja kǝrdikǝrdi samma-a cadǝne fǝrdu kǝska kura karǝn Sikemben kinado.
5 Sa cijanadǝn,
Ala am bǝlawa karǝnnea karwukambo kekko,
bare tadawa Yakubayea kadujanniro.
6 Yakuba-a am ngawonjuye-a samma lardu Kan'anayero Baitello kadira.
7 Nadǝn kau capcane na laya duwaduram kidando.
Sa yeiyanjuyen ngǝrǝmjidǝ,
Ala nadǝman tiro fǝledǝgǝna nangaro,
nadǝa Ala Baitellenin bowoyeno.
9 Lardu yalayen waldǝnalan Ala koro tiro fǝlediye tiro barga dǝpciye:
10 «Cunǝm Yakuba,
amma kua adǝn fuwun nia Yakuban bowonjaiwawo.
Cunǝm Israyila.»
Ngailan cu Israyila keno.
11 «Wu Ala Martawama,
jauro kǝnjambimaro walle!
Nia kaari jama kadayero dikke,
har kaduwuwanǝm kǝwu jama ngǝwuyero waljai.
Kaduwuwanǝm laa mairo waljai.
12 Lardu Ibrahim-a Isaku-aro yikkǝnadǝa ni yero njikkǝna.
Ngawo niyen kaduwuwanǝmbo tia yikki.»
13 Daji Ala na Yakubaro jandejǝgǝnadǝa kolje samero wallada.
14 Yakuba na adǝn Kǝmande nangaro kau taktuwuram kokce kǝladǝro kǝndawu jaitunne-a diben-a fiyeyeno.
15 Na Ala tiro jandejǝgǝnadǝa Baitelnin bowoyeno,
maananju fado Alaye.
16 Yakuba-a jamanju-a cijana Ifǝrataro ledu cadi duwon,
Rahila kǝnjambi jau fit kido.
17 Njambo adǝ tia jauro leiyajidǝ,
ngosomaye:
«Bare rinǝmmi,
tada kongwa koro fandǝm!»
18 Rahila karmo cǝdi sa ronju culuwilan tadadǝa Bin-Onilan bowoyeno,
maananju tada boneye.
Amma bawanju tia Biniyaminilan bowoyeno,
maananju tada bargaa.
19 Rahila bawoje tia ci jawal Ifǝrataye kǝrma Baitalami canidǝyen kenado.
20 Yakuba kǝla kaurinjuyen kau noduram kokkeno.
Kun kundenno kau adǝ mbeji.
21 Yakuba Israyila canidǝ leje Migdal-Yeder koje leimawanju kokkeno.
22 Nadǝn dasaana duwon,
Yakuba Ruben-a Bilhatu kir Rahilaye-a bojana cane fangeno.
Tadawa Yakubaye tayi mewun yindin.
23 Tadawa Lehaye tayima Ruben karu Yakubaye-a Simiyon-a Lewi-a Yahuda-a Issakar-a Jebulon-a wo.
24 Tadawa Rahilaye ye Isuwu-a Biniyamini-a.
25 Tadawa Bilhatu kir Rahilaye tayima Dan-a Naptali-a wo.
26 Tadawa Jilfatu kir Lehaye ye Gad-a Asher-a.
Sammanja tadawa Yakubaye lardu yalayen tasambǝnadǝ wo.