Lawar dawari Balaambe
2
Israyilawu Shittimnin napkera.
Na adǝn kǝnjǝna kamuwa Mowabbuye-a kedo.
2 Kamuwadǝ sǝnǝmbanja nangaro bu fijaiya,
kongwawa Israyilawuyedǝa dojai.
3 Israyilawu kǝmbo adinne am aniye jawui,
koro sǝnǝmnja Ba'al Fuworre canidǝro daraja cadi.
4 Kǝmande tayiro gǝrgajiye Musaro:
«Karwuni fassoro,
fuwuwu jamaye sammaa ngone,
tayia yeje fǝkkanja kanji kǝngalle caruilan kǝskaro rogǝne!»
5 Musa alkaliya Israyilawu bowoje:
«Wundundo yaye kamnju sǝnǝm Ba'al Fuworrero daraja cinadǝa roro cejo!»
6 Sa adǝn Israyilama laa kamu Madiyanma laaa na kǝramiyanjuyero kiwudo.
Musa-a Israyilawu fuwu leima Ala-a tadoramben casiridǝ-a tayi yindia kero.
7 Daji Finas tada Yeliyasarre diwu ɍiman Harunaye dawu jama captanayen cije kajaa ngoje Israyilamaa curo leima sǝnǝmsǝnǝm cadidǝn nayeyeno.
Nadǝn tayi yindi sammaa kajaanin kǝlǝp jayeno.
Kajaadǝ ngawo kongwadǝyen koje curo kamudǝye sukce tayia kejo.
Sadǝn wowa Israyilawua cuwandǝnadǝ baworo walyeno.
9 Am wowa adǝ cejǝnadǝye nanngǝwunja dǝwu findi deri.
10 Kǝmandeye:
11 «Musa,
sa Israyilawuro jauro gǝrgakkǝnadǝn,
Finas tada Yeliyasarre diwu ɍiman Harunaye cakke faskekko.
Darajani namjanaye kuttunju fakkǝnadǝa ti ye fanje tayia kejo.
Tiramnin sa Israyilawu kǝrawoni lasuro cadane rukke gǝrgakkǝnaman,
tayi sammaa yejǝkkǝni.
12 Adǝ nangaro tiro wulgǝne,
aman nanlewaye yikki.
13 Aman adǝ cakke ti-a kaduwunju-adǝ nanjan nanɍiman bawojiwawo,
har abada.
Dalilnjudǝ tima kam wua wasǝnadǝro wowom gǝnajiye cakke Israyilawu afua cawandǝnadǝ wo.»
14 Israyilama ti-a kamu Madiyanma-a ceyesǝnadǝ cunju Jimri.
Ti curo jiɍi Simiyonnen rashidu kura.
15 Kamudǝye cunju Kosubi.
Bawanju fuwuma kura jiɍi laa Madiyanwuye.
16 Kǝmandeye:
17 «Musa,
Madiyanwuro kǝriwu yikkadowo,
tayia tuwumbo yejowo.
18 Dalilnjudǝ kǝla lamar sǝnǝm Ba'al Fuworreyen-a kǝla lamar Kosubi fero kuranja laayeyen-a nayiro nangalan awo nankǝladoye njaddǝna nangaro.»
Daji Israyilawu lejane Madiyanwua kǝriwun jawune ferowaro kajia,
tayi sammaa roro keyeso.
Balaam yea cadane keyeso,
dalilnjudǝ ti Balaamdǝ Madiyanwua galaje kamuwanja nangalan Israyilawua sǝnǝmguro cadǝna nangaro.