31 Musa na Kǝmandeyero walde:

«Kǝmande,

jama adǝ sǝnǝm dinarnin cade jauro biwu ngojana.

32 Kǝrma marne,

biwunjadǝa cinne!

Kasaddǝmmia,

cuni curo bam jirewuyen ruwunǝmbadǝa cinne!»

33 «Kam wuro biwu sǝddǝnaye cunju bammin cinnǝkki.

34 Kǝrma lene jamadǝa na wulnjǝgǝkkǝnadǝro yade!

Malaiyani fuwunǝmnin leji,

amma yim tayia sharanǝkkidǝn,

wowom biwunja adǝye tayia cǝdai.»

35 Jamadǝ casakke Haruna sǝnǝm daloye cǝgarǝna nangaro,

Kǝmande tayiro ajawu gǝnayeyeno.

41 Kǝmandeye:

«Musa,

cine,

ni-a jama Masarnin tuluwumba-a na adǝa kollowo.

Lardu Ibrahim-a Isaku-a Yakuba-aro kansi yibbukke kaduwunjaro yikki nǝkkǝnadǝro lenowo.

42 Malaiya fuwundoro juwagǝkke am larduye sammaa dukki.

43 Lenowo lardu larasua adǝro,

amma nayi ansi nangaro,

wu kǝlani curondon lekkiwawo,

bare nayi sammaa jawallan njeyesǝkkǝniro.»

44 Jama mana jau adǝa fangeranniya,

karwunja jauro kuttayeno.

Wunduma kare adoye cakkǝnni.

45 Caman Kǝmandeye:

«Musa,

Israyilawuro ngai wulgǝne,

tayi jama ansi,

dawunjan ganaro duwon lekki yaye,

tayi sammaa yejǝkki.

Awowanja adoye cattuluwo duwon,

awo tayiro yiddǝkkidǝa rukke,

wulle!»

Israyilawu ngai kedo.

46 Tǝn kau kuruwu Foreb ti yero Sinai canidǝn cijanadǝn,

kare adoye njakko kolyera.

52 Musaye:

«Kǝmande fane,

wuro jama adǝa yadǝkko nǝmma,

amma kam nodǝme wua sadduwe banasiyidǝa wulsǝgǝmmi.

53 Koro ni ye taganasso wumaa kǝresǝme kasansǝmma nǝmma.

Jiremaro ngaimaa,

awo karwunǝmbedǝa wulsǝgǝne!

Ngainin nia ngǝlaro nonjǝkke,

koro wua kasansǝmi.

Koro jama kura adǝ kaanǝmbo none!»

54 «Wu kǝlanima isǝkke nayia na tustuyero njaadǝkki.»

55 «Ni kǝlanǝm isǝme kallo leniyewawoa,

bare andia sasakkǝme na adǝn ciniyende!

56 Andia sasadduwumbawoa,

ndayilan wu-a jamanǝm-a kasansammaro am nojai?

Andi-a jamawa gade duniaye-a awo gayirsai mennaa,

dawunden kǝndǝgainǝmdǝma!»

57 «Awo wulsǝgǝmma adǝ yea dikki,

nia kasannjǝkkǝna,

koro nimaa kǝrenjǝkko nangaro.»

58 «Kasadde darajanǝm rukke!»

59 «Fuwunǝmnin kokke nanngǝlani sammaa fǝlekki,

koro cuni wullǝkke wu wunduro nosǝmi.

Afua kam raakkǝnaro yikki,

koro kam raakkǝnaa njunokki.

60 Amma wua fǝkkayen surumbawo,

kam wua fǝkkayen surune roa dǝgai bawo nangaro.

Akko karǝnnin kau laa mbeji,

bai dane!

Sa darajani fǝlekkiaro kokkidǝn,

curo cuwuɍi kaudǝyero nia njakkǝkke mukkonin jannjǝkki.

Kokkiya,

mukkoni ngokke wua ngawoyen surumi.

Amma wunduma wua fuwuyen rakce suruiwawo.»

61 «Allowa kauye yindi burwoyedǝ gai sǝrange.

Ruwu allowa burwoye nanammǝmmadǝ gai kǝlanjan dikki.

Baɍi suwaro dabbardǝne.

62 Suwa lǝpnin kǝla kau kuruwu Sinaiyero tadde,

toɍidǝn dane,

wua guresǝne.

63 Bare wunduma nia njǝgane kaudǝro taccǝnni.

Koro kǝla kau adǝyen ndaranjuyeman bare wunduma turunni!

Bare koro lǝman fima,

dimi,

kani,

bi fe ci kau kuruwu adǝyero neworo isǝnni!»

64 Musa allowa kauye yindi jiɍi cayedǝ gai sǝrakkeno.

Wajǝnanjua suwa lǝp Kǝmande wuljǝnadǝ gai,

allowa yindi mukkonna kǝla kau kuruwudǝyero tatkeno.

65 Kǝmande curo keyerayen jǝpce gǝre Musayen daje cunju wulyeno.

66 Fuwu Musayen koje:

«Wu Kǝmandodǝ,

wu Ala serma ye,

kanjimaɍima ye,

jauro kanadia ye,

jamania jauro rawoma ye,

koro amanma ye.

67 Kaduwu am jaman tiloa har ci gadegade dǝwuro kǝrawoni fǝlegǝkke,

biwu so,

ganambu so,

danau so gawurnǝkki.

Amma jirenambumaa jiremaro ngokkiwawo.

Wowommi tayi-a kaduwuwanja-aro diwun diwurinno gǝnagǝkki.»

68 Gangadaro Musa cidin nguje tungurumje:

«Jiremaro Kǝmande kasansǝmmaa,

marne are dawunden leniyo!

Nokkǝna jama adǝ ansi,

amma danaunde so,

biwunde so gawurne,

andia jamanǝmbo ngosane!»

70 «Katte wu-a nayi-ayen aman ndǝmmiye.

Fuwu jamanǝm sammayen awowa ajabba ajabba ngaltema dawu jama gadeyen dunia ngaman tǝdǝnni dikki.

Israyilawu dawunjan dǝgamma samma awo wu Kǝmando njakkǝkke dimidǝa ngǝlaro carune ajapcai.

71 «Mana ku nayiro njaddǝkkidǝa ngǝlaro ngonowo!

Fuwundon am jiɍi gadegade arakku dukki.

72 Hangal gǝnanowo,

am lardu lenuwiyedǝ-a nayi-aye katten bare aman ndǝmmuwwi!

Aman ndǝpkewwa,

bǝlaa kǝlandoro laawi.

73 Bu fidaramso sǝnǝmbanjaro cattandǝnaa wurnowo,

kauso sǝnǝmsǝnǝm kokcanaa nanammowo,

kaɍaujiso kǝrdikǝrdi kokcanaa cacallowo!

74 «Wu Kǝmando kemi falma kasaddǝkkiwawodǝro,

bare fuwu awo gadeyen Ala nuwe tungurummuwwi.

Adǝa wakkǝna.

75 Bare am lardu adǝye-a nayi-aye katten aman falma ndǝmmuwwi.

Adǝ gǝnia,

sa awonja sǝnǝmsǝnǝm cadiya,

nayia donjane lǝman sǝnǝmbanja nangaro bu fijanadǝa njadǝne ngǝruwi.

76 Koro ferowanjaa tadawandoro kamuro ngonuwe yiwi.

Ngainin casakke kwawanja sǝnǝmguro waljai.»

77 Koro Kǝmandeye:

«Musa,

mana ania ruwune,

kǝla mana aniyeman wu-a ni-a jama Israyilawuye-a aman ndǝpkeiye nangaro.»

78 Musa na Kǝmandeyen kawu fidewuro bune-a kausu-a awima juwunni ye,

canni ye napkeno.

Kǝla allowa kauyen mana aman ndǝptaye wada mewudǝa ruwuyeno.

79 Musa allo kauye yindi kǝlan bam wada amannedǝa mukkon ngoje kǝla kau kuruwu Sinaiyen jǝpkeno.

Kǝmande-a jandejana nangaro,

fǝkkanju yiyilji,

amma nojǝnni.

80 Haruna-a Israyilawu samma-a fǝkka Musaye jauro yiyiljiro kerunniya,

tia karǝnduro riyera.

81 Musa tayia bowoje,

Haruna-a amwurawa jamaye-a nanjuro isane tayiro jandeyeyeno.

82 Ngawo adǝyen Israyilawu samma nanjuro isane tayiro wada Kǝmande kǝla kau kuruwu Sinaiyen tiro wuljǝgǝna sammaa wulyeyeno.

83 Musa tayiro jandejiye kerǝnniya,

fǝkkanju aɍiawunin kǝleyeyeno.

84 Na adǝn fuwun,

sawi yaye na Kǝmandeyero jandero lejiya,

aɍiawunjudǝa kaji.

Waldiya,

awo Kǝmande tiro wuljǝnadǝa Israyilawuro isanojiyi.

85 Israyilawu fǝkka Musaye yiyilji carui.

Daji Musa fǝkkanju aɍiawunin kǝlejiyi,

sai sa fuwu Kǝmandeyero jandero lejiya duwon kaji.