Lawar aman tabbattaaye
12
Kǝmandeye:
«Musa,
naniro tadde are.
Haruna-a tadawanju Nadab-a Abifu-a amwurawa jama Israyilawuye fitulur-a arowo.
Isuwiya,
wun kuruwunin danowo ngǝlaro cidin ngunowo.
2 Musa,
ni runǝm tok karǝnniro are.
Tayi gadedǝ kuruwunin daja,
koro bare jama kǝla kau kuruwudǝyero nayia njaane jawanni.»
3 Musa leje jamaro mana-a wada-a Kǝmandeye sammaa wulyeyeno.
Jamma samma kǝla tilonnaro:
«Awo Kǝmande wuljǝna sammaa diye.»
4 Musa mana Kǝmandeye ania ruwuyeno.
Wajǝnanjua suwa lǝp cije fǝrdu kau kuruwudǝyen na laya duwaduram kidando.
Koro kau mewun yindin ngoje jiɍi gadegade Israyilawuye fi yayeyero fal fal kokkeyeno.
5 Jairowa Israyilawuye laaa cakke Kǝmande nangaro lǝmannaye bu fijane tayia rǝmǝs warjane buwuro walyera,
koro Kǝmande nangaro aman tabbattuwuro dalowa duwayera.
6 Musa bu fidǝnadǝye redadǝa curo kalwowayero fiyeyeno,
reda gapcǝnadǝa na laya duwadurambo jǝjǝryeyeno.
7 Kitawu aman katte Ala-a Israyilawu-ayedǝa ngoje kowo cǝsange jamaro kǝrayeyenniya,
Israyilawuye:
«Awo Kǝmande wuljǝna sammaa diye,
tia gaiye.»
8 Daji Musa kalwowa curon buadǝa ngoje Israyilawuro jǝjǝrjiye:
«Kǝla mana kǝrakke fanuwwa sammayen Kǝmande kasacce andi-a aman ndǝmmiyena.
Bu adǝ amandǝa tabbacciyi.»