29
Cɔjɔnaa sɔɔnzɩ labʋ tɔm
1 Pʋwayɩ lɛ, KƖPAƔLƲ tasɩ Mooyiizi heyuu se, sɔɔnzɩ nzɩ pʋwɛɛ se ɛla Aarɔɔnɩnɩnɩ nɛ ɛ-pɩyalaa nɛ pɛkɛ cɔjɔnaa nɛ pala ɛnʋ tʋmɩyɛ lɛ yɔ.
Se, ɛkpaɣ nɔ abalɩ ñɩnʋ nɛ ɛyaŋ naalɛ weyi pɩtacamɩ a-ɖoli yɔ. 2 Se, ɛkpaɣ bilee mʋlʋm nɛ ɛla sɔsɔɔna fɛyɩ tindine nɛ somtu ndʋ tɩ-taa pataɖʋ sɔsɔɔna yɔ sɩ-kakayɩsɩ, nɛ sɔsɔɔna fɛyɩ kakandɛɛʋ ŋgʋ kʋ-yɔɔ paɖʋ num yɔ. 3 Se, ɛɖʋ pɩ-tɩŋa ɖɔkʋ taa nɛ ɛkpɛndɩnɩ nɔ abalɩ ñɩnʋ nɛ ɛyaŋ ɛnʋ ɛ-naalɛ nɛ ewoni ɛsɔɖɩɣa taa.
4 Se, éwoni Aarɔɔnɩnɩnɩ nɛ ɛ́lɛ pɩyalaa kɩɖanɖʋʋ ŋgʋ pakatɩɣ kɩ-tɛɛ yɔ kʋ-nɔnɔɔ taa yɔ, nɛ ɛlabɩ-wɛ lɩmsɔʋ sɔɔnzɩ. 5 Se, pʋwayɩ esuu Aarɔɔnɩnɩnɩ ɛ-cɔjɔtʋ wondu tʋnɛ: toko sɔsɔʋ ŋgʋ cɔjɔnaa ñʋʋdʋ suu pɩ-tɛɛ yɔ, nɛ kʋ-yɔɔ ñɩŋgʋ kɩkpɛdʋʋ, nɛ toko cikpeluu ŋgʋ palʋ-kʋ nɛ tʋlɩm pɩsaatʋ ndɩ ndɩ nɛ pama kɩ-nɔsɩ yɔɔ kpaaloŋgo yɔ, nɛ pɩsaʋ hɔɔlaɣ ŋga kɔ-hɔɔlɩŋ naanza wɛ kɩmaŋ yɔ nɛ paɖʋ kɔ-yɔɔ ñɩɣlɩm pɛ hiu nɛ naalɛ nɛ cɔjɔnaa ñʋʋdʋ taŋ-kɛ toko ŋgʋ kʋ-yɔɔ ɛ-laŋɩyɛ taa yɔ, nɛ ɛtamsɩ kɩtamɩŋ weyi paɖʋ pʋ-yɔɔ toko cikpelu yɔɔ yɔ. 6 Se, ɛkpaɣ cɔjɔnaa ñʋʋdʋ hulaɣ sɔsɔɔ nɛ ɛpa ɛ́lɛ́ ñʋʋ taa nɛ ɛkpaɣ mbʋ pɩwɩlɩɣ se, ɛkɛ Ɛsɔ pʋyʋ yɔ nɛ ɛɖʋ hulaɣ ŋga kɔ-yɔɔ. 7 Se, pʋwayɩ lɛ, ɛ́kpaɣ num mbʋ palakɩnɩ sɔɔnzɩ yɔ nɛ ɛ́pɩyɩ ɛ-ñʋʋ taa nɛ ɛkpa-ɩ cɔjɔ. 8 Se, eheyi Aarɔɔnɩnɩnɩ pɩyalaa se pɔñɔtɩnɩ-ɩ. Se, pɔñɔtɩnɩ-ɩ lɛ, esuu-wɛ po-tokonaa. 9 Se, pʋwayɩ lɛ, ɛta Aarɔɔnɩnɩnɩ nɛ ɛ-pɩyalaa tambalanaa nɛ ɛpam-wɛ hulasɩ sɔsɔsɩ. Se, pɩkpaɣʋ nɛ alɩwaatʋ ndʋ lɛ, pɛkɛɣ cɔjɔnaa tam yɔɔ.
Se, mbʋʋ pʋwɛɛ se, ɛla nɛ pɩwɩlɩ se, Aarɔɔnɩnɩnɩ nɛ ɛ-pɩyalaa papazɩ pa-tʋmɩyɛ.
10 Se, pówoni nɔ abalɩ ñɩnʋ kɩɖanɖʋʋ ŋgʋ pakatɩɣ kɩ-tɛɛ yɔ kʋ-nɔnɔɔ taa yɔ, nɛ Aarɔɔnɩnɩnɩ nɛ ɛ-pɩyalaa patɩnɩ pe-nesi ɛ-ñʋʋdaa. 11 Se, ɛ́cɛ nɔ liu tɛɛ ɛnʋ ɛsɩndaa kɩɖanɖʋʋ ŋgʋ pakatɩɣ kɩ-tɛɛ yɔ, kʋ-nɔnɔɔ taa cɔlɔ. 12 Se, ecozi kpɩnɛ nɖɩ ɖɩ-calɩm nɛ elii niye pɩ-taa nɛ elizi kɩlaŋ ɖɩlayɛ kɩlɔmɩŋ taa. Se, pʋwayɩ lɛ, pɩkazɩ calɩm mbʋ yɔ, ɛkpaɣ-pʋ nɛ ɛpɩyɩ kɩlaŋ ɖɩlayɛ tɛɛ. 13 Se, ɛkɔlɩ num mbʋ pɩma kpɩnɛ nɖɩ ɖɩ-lotu yɔɔ yɔ, pɩ-tɩŋa nɛ ɛkpɛndɩnɩ hɔyɛ nɛ hudiyalaa ana a-naalɛ nɛ num mbʋ pɩma a-yɔɔ yɔ. Se, ɛ́hɔ pɩ-tɩŋa miŋ taa, kɩlaŋ ɖɩlayɛ taa, nɛ pɩñaɣ. 14 Se, mbʋ kɛɣna kɩlaʋ ŋgʋ pala-kʋ́ cɔjɔnaa yɔɔ se, pikpeɣ-wɛ pa-kɩwɛkɩm yɔ. Se, piyele tɔnɛ nɛ lotu nɛ nɔ nandʋ ndʋ tɩkazaa yɔ, palɩzɩ pɩ-tɩŋa nɛ ɖikpeɣliye nɛ wayɩ nɛ pɔ́hɔ miŋ nɛ pɩñaɣ.
15 Se, pʋwayɩ lɛ, ɛkpaɣ ɛyaʋ kajalaɣ ñɩŋgʋ nɛ Aarɔɔnɩnɩnɩ nɛ ɛ-pɩyalaa patɩnɩ pe-nesi kʋ-ñʋʋdaa. 16 Se, ɛ́cɛ ɛyaʋ ŋgʋ ki-liu tɛɛ nɛ eteɣzi kɩ-calɩm nɛ ɛkpaɣ-pʋ nɛ ɛmɩzɩ kɩlaŋ ɖɩlayɛ hɔɔlɩŋ tɩŋa yɔɔ. 17 Se, ɛ́sɛtɩ kpɩnɛ nɖɩ nanʋʋ nanʋʋ nɛ ɛñaalɩ ɖi-lotu nɛ ɖa-acɛyaa, nɛ ɛsɩɩ-wɛ nandʋ pilinzi nɛ ñʋʋ pɔ-yɔɔ, kɩlaŋ ɖɩlayɛ yɔɔ. 18 Se ɖɩnɛ lɛ, ɛ́hɔ kpɩnɛ tɩŋa miŋ nɛ ɛ́laa ɛnʋʋ, kɩlaʋ ŋgʋ pɔhɔkɩ nɛ pɩñakɩ yɔ. Se, kɩlaʋ ŋgʋ kɩkɛdɩɣnɩ ɛnʋʋ KƖPAƔLƲ, se kʋ-ñɔsɩ sɔzɩŋ kpaɣ nɛ pɩkɛdɩnɩ-ɩ. 19 Se, pʋwayɩ lɛ, eyele nɛ powoni ɛyaʋ naalɛ ñɩŋgʋ nɛ Aarɔɔnɩnɩnɩ nɛ ɛ-pɩyalaa patɩnɩ nesi kpɩnɛ nɖɩ ɖɩ-ñʋʋdaa. 20 Se, ɛ́cɛ ɛyaʋ ŋgʋ ki-liu tɛɛ nɛ ɛkpaɣ kɩ-calɩm nɛ ɛtaa Aarɔɔnɩnɩnɩ nɛ ɛ-pɩyalaa pa-nɩwaŋ nɩŋgbaaŋ yɔɔ, nɛ pa-nɩwaŋ nesi nimbiye sɔsɔyɛ yɔɔ nɛ pa-nɩwaŋ nɩŋgbaŋaɣ naabiye sɔsɔyɛ yɔɔ. Se, pʋwayɩ lɛ, ɛkpaɣ calɩm mbʋ pɩkazaa yɔ, nɛ ɛmɩzɩ kɩlaŋ ɖɩlayɛ kolonzi yɔɔ. 21 Se, ecozi calɩm kɩlaŋ ɖɩlayɛ yɔɔ nɛ num mbʋ papɩyɩɣ cɔjɔnaa ñʋʋdaa yɔ, nɛ ɛmɩzɩ Aarɔɔnɩnɩnɩ nɛ e-wondu pɔ-yɔɔ, nɛ pʋwayɩ lɛ, ɛ-pɩyalaa nɛ po-wondu pɔ-yɔɔ. Se, pɩkpaɣʋnɩ nɛ alɩwaatʋ ndʋ yɔ, Aarɔɔnɩnɩnɩ nɛ ɛ-pɩyalaa nɛ po-wondu, papɩsɩ KƖPAƔLƲ pʋyʋ. 22 Se, pákpaɣ ɛyaʋ naalɛ ñɩŋgʋ nɛ pálaa kɩlaʋ. Se, mbʋ pɩwɩlɩɣna se, cɔjɔnaa pazɩ pɔ-cɔjɔtʋ tʋmɩyɛ. Se, ɛkpaɣ kpɩnɛ nɖɩ ɖi-suu a, num mbʋ pɩma lotu yɔɔ yɔ nɛ hɔyɛ nɛ hudiyalaa ana a-naalɛ pɩkpɛndɩnɩ num mbʋ pɩma a-yɔɔ yɔ, nɛ nɩwaŋ yuye. 23 Se, ɛlɩzɩ sɔsɔɔna fɛyɩ tindine ɖɔkʋ ŋgʋ pazɩ ɛnʋ ɛsɩndaa yɔ kɩ-taa tindine kʋɖʋmɖɩyɛ nɛ kakayaɣ kʋɖʋmaɣ nɛ kakandɛyʋʋ kʋɖʋmʋʋ. 24 Se, ɛ́kpaɣ pɩ-tɩŋa nɛ ɛ́sɩɩ Aarɔɔnɩnɩnɩ nɛ ɛ-pɩyalaa pe-nesi taa nɛ eheyi-wɛ se, pɛcɛlɩ ɛnʋʋ-wɛ ɛzɩ palakʋʋ cɛlʋʋ sɔnzɩ yɔ. 25 Se, pʋwayɩ lɛ, ɛɖaɣnɩmʋʋ haɖɛ ndɩ ndɩ pe-nesi taa, nɛ ɛhɔbɩ-ɖɩ kɩlaŋ ɖɩlayɛ yɔɔ, kɩlaʋ ŋgʋ pɔhɔkɩ nɛ pɩñaɣ yɔ, kɩ-ñʋʋ yɔɔ. Se, pɩkɛnɩ kɩlaŋ weyi palaɣ ɛnʋʋ KƖPAƔLƲ nɛ ɛ-ñɔsɩ sɔzɩŋ kɛdɩɣnɩ-ɩ pɩtɩɩfɛyɩ yɔ. 26 Se, ɛ́kpaɣ ɛyaʋ naalɛ ñɩŋgʋ ŋgʋ palabɩnɩ Aarɔɔnɩnɩnɩ sɔnzɩ yɔ kɩ-laŋɩyɛ, nɛ ɛ-maɣmaɣ ɛha ɛnʋʋ, cɛlʋʋ sɔnzɩ taa. Se, pʋwayɩ lɛ, kpɩnɛ hɔɔlʋʋ ŋgʋ, kɩkɛ ɛ-ñɩŋgʋ.
27 Se, ɛyɔɔdɩ kpayɩ se laŋɩyɛ nɛ nɩwaŋ yuye mba palɩzɩ ɛyaʋ ŋgʋ kʋ-yɔɔ nɛ pɛcɛlɩ cɛlʋʋ sɔnzɩ taa yɔ, pɛkɛ ɛnʋ pʋyʋ. 28 Se, pɩ-yɔɔ pʋwɛɛ se, paa ɛzɩmtaa Izirɛɛlɩ ñɩma ɛlaɣ ɛnʋʋ ceyuu kɩlaŋ lɛ, palɩzɩ hɔɔlɩŋ ɛnʋ kpɩna wena pala-ɩ yɔ a-yɔɔ, nɛ pɛcɛlɩ-ɩ Aarɔɔnɩnɩnɩ nɛ ɛ-sɛyɩnaa.
29 Se, Aarɔɔnɩnɩnɩ sɩm wayɩ lɛ, paakpaɣ ɛ-cɔjɔtʋ tokonaa nɛ pɛcɛlɩ ɛ-pɩyalaa nɛ paba suu-wɛ kɩyakʋ ŋgʋ palakɩ-wɛ sɔnzɩ nɛ papazɩ pɔ-cɔjɔtʋ tʋmɩyɛ yɔ. 30 Se, Aarɔɔnɩnɩnɩ pɩyalaa taa weyi ɛkɛɣ cɔjɔ nɛ ɛlɛɣzɩ Aarɔɔnɩnɩnɩ lone taa yɔ, ɛkaɣ-tʋ suu kɩyakɩŋ lʋbɛ alɩwaatʋ ndʋ ɛsʋʋ kɩɖanɖʋʋ ŋgʋ pakatɩɣ kɩ-tɛɛ yɔ se ɛla ɛ-tʋmɩyɛ lone kaɖɛ ñɩnɖɛ taa yɔ.
31 Se, pakpaɣ ɛyaʋ naalɛ ñɩŋgʋ, ŋgʋ kɩ-kɩlaʋ haɣ cɔjɔnaa waɖɛ se papazɩ pɔ-cɔjɔtʋ tʋmɩyɛ yɔ, nɛ patɩzɩ kɩ-nandʋ kɩjaʋ yɔɔ lone naɖɩyɛ taa, ɛsɔɖɩɣa taa peeye. 32 Se, Aarɔɔnɩnɩnɩ nɛ ɛ-pɩyalaa, pɔtɔɔ nandʋ ndʋ nɛ tindine ɖɩ ɖɩkazɩ ɖɔkʋ taa yɔ, kɩɖanɖʋʋ ŋgʋ pakatɩɣ kɩ-tɛɛ yɔ, kʋ-nɔnɔɔ taa. 33 Se, Aarɔɔnɩnɩnɩ nɛ ɛ-pɩyalaa pe-ɖeke koŋ pɔtɔkɩnɩ mbʋ mbʋ palabɩ sɔnzɩ se Ɛsɔ ekpeɣ-wɛ pa-kʋwɛkɩm nɛ pɩha-wɛ waɖɛ nɛ papazɩ pɔ-cɔjɔtʋ tʋmɩyɛ. Se, nɔɔyʋ ɛɛtɔkɩ nɛ pɩtasɩnɩ-wɛ, mbʋ pʋyɔɔ yɔ, tɔɔnasɩ nzɩ sɩkɛ Ɛsɔ pʋyʋ. 34 Se, ye nandʋ yaa tindine ɛkazaa nɛ kife tanaŋ yɔ, pʋwɛɛ se, pakpaɣ mbʋ pɩkazaa yɔ nɛ pɔ́sɔ miŋ. Se, pɩfɛyɩ se patasɩ tɔɔʋ mbʋ pɩkazaa yɔ, mbʋ pʋyɔɔ yɔ, tɔɔnasɩ nzɩ sɩkɛ Ɛsɔ pʋyʋ.
35 Se, ɛ́la Aarɔɔnɩnɩnɩ nɛ ɛ-pɩyalaa ɖeyiɖeyi ɛzɩ ndʋ ɛnʋ heyi-i yɔ. Se, pakpaɣkɩɣ kɩyakɩŋ lʋbɛ nɛ palabɩnɩ sɔnzɩ nzɩ waɖɛ se, papazɩ pa-tʋmɩyɛ yɔ.
36 Se, paa kayakʋ ŋgʋ lɛ, ɛkpaɣ nɔ abalɩñɩnʋ nɛ pálaa kɩlaʋ nɛ pekpeɣ-wɛ pa-kʋwɛkɩm. Se, mbʋʋ palakɩ kɩlaŋ ɖɩlayɛ cɩɖɩcɩɖɩ wɛtʋ sɔnzɩ, nɛ pʋwayɩ lɛ, ɛpɩyɩ ɖɩ-yɔɔ num nɛ ɖɩkɛ Ɛsɔ pʋyʋ. 37 Se, sɔnzɩ nzɩ, palakɩ-sɩ ɖɔɖɔ nɛ kɩyakɩŋ lʋbɛ. Se, pʋwayɩ lɛ, kɩlaŋ ɖɩlayɛ nɖɩ ɖɩkɛɣ e-ɖeke koŋ ɛ-ñɩnɖɛ, nɛ ye nɔɔyʋ yaa napʋyʋ etukini-ɖɩ yɔ yɔ, pɩtɔɔ-ɩ.
Paa evemiye nɖɩ lɛ, ɖɩ-kɩlaŋ weyi pɔhɔkɩ nɛ pɩñakɩ yɔ, a-tɔm
38 Se, paa evemiye nɖɩ lɛ, pálaa kɩlaŋ ɖɩlayɛ yɔɔ, heyisi naalɛ nzɩ sɩwɛnɩ pɩnaɣ kʋɖʋmaɣ yɔ, se palakɩ mbʋʋ tam. 39 Se, pálaa heyaɣ kajalaɣ ñɩŋga tanaŋ tɛɛ, nɛ naalɛ ñɩŋga ɖanaɣ, wɩsɩ woki se sɩɖʋʋ lɛ. 40-41 Se, ye pálaɣ heyisi nzɩ sɩ-taa nakɛyɛ yɔ, paa tanaŋ ñɩŋga yaa ɖanaɣ ñɩŋga yɔ, pɛkpɛndɩnɩ mʋlʋm ɛzɩ kilonaa naadozo yɔ, nɛ num liitiri nɛ hɔɔlʋʋ mbʋ yɔ, nɛ sʋlʋm mbʋ payaɣ se vɛɛ yɔ, ɛzɩ liitiri nɛ hɔɔlʋʋ. Se, pɩkɛnɩ kɩlaŋ weyi palaɣ ɛnʋʋ KƖPAƔLƲ nɛ ɛ-ñɔsɩ sɔzɩŋ kɛdɩɣnɩ-ɩ pɩtɩɩfɛyɩ yɔ. 42 Se, mbʋʋ pakaɣ ɛnʋʋ laʋ kɩlaŋ, kɩɖanɖʋʋ ŋgʋ pakatɩɣ kɩ-tɛɛ yɔ kʋ-nɔnɔɔ taa, tam yɔɔ, kpaɖɩŋ tɩŋa taa. Se, toovenim lɛ, lone nɖɩ ɖɩ-taa ɛnʋ ɖʋwa se ɛ nɛ wɛ pakatɩ ɖama nɛ ɛnʋ yɔɔdɩnɩ-ɩ.
43 Se, lone nɖɩ ɖɩ-taa ɛnʋ nɛ Izirɛɛlɩ ñɩma pakaɣ ɖama katʋʋ, se ɛnʋ wɛɣ lone nɖɩ ɖɩ-taa nɛ ɛnʋ yele ɖɩwɛɛ cɩɖɩcɩɖɩ. 44 Se, ɛnʋ maɣmaɣ ɛnʋ yeki nɛ kɩɖanɖʋʋ ŋgʋ pakatɩɣ kɩ-tɛɛ yɔ nɛ kɩlaŋ ɖɩlayɛ, pɛkɛ ɛnʋ ñɩma, ɛzɩ ɛnʋ yebu nɛ Aarɔɔnɩnɩnɩ nɛ ɛ-pɩyalaa pɛkɛ cɔjɔnaa nɛ palakɩ ɛnʋ tʋmɩyɛ yɔ. 45 Se, ɛnʋ wɛɣ Izirɛɛlɩ ñɩma hɛkʋ taa nɛ ɛnʋ kɛ pɛ-Ɛsɔ. 46 Se, ɖɩnɛɛ lɛ, panaɣ se ɛnʋʋ lɛ KƖPAƔLƲ pɛ-Ɛsɔ, ɛnʋ weyi ɛlɩzɩ-wɛ Ejipiti ɛjaɖɛ taa se ɛpɩzɩ nɛ ɛwɛɛ pɛ-hɛkʋ taa yɔ.
Se, ɛnʋʋ lɛ KƖPAƔLƲ pɛ-Ɛsɔ.