3 Yohanes i

Yohanes ni surat ketiga

Ngribatin luryanir

Na surat ketiga ye Yohanes to narengi ngarany a nbal. I narengi lan feti surat ye nof yakw ma kweluk mangnrur gereja. I narengi surat ketiga ye ber tbwanir sa ngaran Gayus. Yohanes ndangin Gayus fali ntulung soranyar ma ralele Yesus rof ain walyetar ma rafwibar Ibar Ngamone na ni pnue, boloka to nafai sir. Ma Yohanes ndangin i a nbal fali ni karya ngamonar ma nmorip a nlarat anftutw botunar.

Na surat dalam ye, Yohanes nbangal Dioterfes. I npeang desar ma neluk mangnrure ber soranyar ma neluk contoh ma to nangafel. Mpa Yohanes ntak Gayus ma kete nose nlarat kabain yatkar ma Diotrefes nose ne, nempa ka nose nlarat safe ma nangafel (3 Yohanes 11).

Surat isin farye:

1-4 Salam

5-8 Ka tlangun sir ma rafwibar Ibar Ngamone

9-12 Ka kete tlarat Diotrefes ni wewelmpampane, nempa ka tlarat Demetrius ni wewelmpampane

13-15 Penutup