ꂘꅇꇐꀳ 24

ꊿꄸꂿꇬꉈꈻꃴꄡꆅ

1 ꆏꊿꄸꂿꇬꉈꈻꃴꆅꌋꀋꌸ，

ꋀꌋꆀꐮꑌꐯꑲꏾꃅꑌꄡꐛ。

2 ꑞꃅꆏ，ꋀꉌꂵꆹꊋꃷꇱꄉꊾꊝꌠꌤꆿꏂꇫ，

ꋀꈂꀸꆹꄸꃅꅠꑽꌠꃆꂮꉉꍣ。

3 ꑳꇤꆹꌧꅍꂿꅍꇇꄧꈴꄉꋈꄻꄉꌠ，

ꀑꁮꅺꐳꐛꅹꃅꋦꈬꋦꈈꄎ。

4 ꉈꑴꌧꇐꂿꇐꐛꅹꃅ，

ꑷꈓꇬꁨꇐꁌꇐꈤꌠꌋꆀꂄꎔꌠꋍꑞꋍꑵꈌꊱꀕ。

5 ꊿꉪꑌꌧꋬꌠꆹꊋꃤꈀꇨꀕꃅꑌ，

ꊿꌧꇐꂿꇐꐥꌠꆹꊋꎹꊋꄩꄅ。

6 ꆏꌉꈿꁧꇬꆹ，ꁈꏂꁈꇭꈁ；

ꇖꊩꄟꃀꀉꑌꆏ，ꀋꎪꃅꄉꊋꐛꄎ。

17 ꅽꁮꐚꈩꐛꇬꅜꇬ，ꆏꉌꂵꇿꀋꉆ，

ꋌꃪꐛꇬꄚꇬ，ꆏꈐꇿꏿꀋꉆ。

18 ꋍꑠꑳꀊꊆꊌꂿꄉꋍꉌꀋꃹꃅ，

ꋌꇨꇅꃃꁮꐚꀋꊝꃅꀱꆎꊝꇁꂵ。

19 ꊿꄸꃅꅠꑽꈧꌠꐛꅹꃅꉌꂵꃃꋩꀕꌋꀋꌸ，

ꊿꄸꈧꌠꂿꇬꑌꉈꈻꃴꆅꃅꄡꐛ。

20 ꑞꃅꆏ，ꊿꄸꆹꊫꂫꀊꀋꎴ，

ꊿꄸꂷꇭꑌꀋꎪꃅꌦꁧꌠꉬ。