ꂘꅇꇐꀳ 22

ꏃꃅꌋꁌꒉꏦꃪꌠꆹꊌꐨꀉꑌꃅꐥ

1 ꂓꂂꌗꎔꐥꇬꆹ，ꎆꄙꎆꉐꏭꀋꋌ，

ꁌꒉꄣꅼꊌꇬꆹ，ꐎꃅꏂꄣꏭꀋꋌ。

2 ꌣꈚꌢꎭꈁꉬꆏꐯꌟ，

ꐯꇯꑳꀊꊆꄻꄉꌐꌠꉬ。

3 ꊿꀑꁮꉌꑳꌠꆹꉮꃤꋑꆏꂁꇬꀀ；

ꌺꇰꑴꅑꌠꆏꉮꃤꈬꇬꉜꄉꑇ。

4 ꆺꀋꒉꄇꀋꒉꃅꑳꀊꊆꁌꒉꏦꃪꌠꆹ，

ꎆꋚ、ꀑꑊꌋꆀꀑꇬꋍꑠꊌꌠꉬ。

5 ꊿꄸꈝꃀꇬꆹꍲꇓꌋꆀꐱꂦꎍ，

ꊨꏦꀑꇬꀧꌋꃅꌠꆏꀋꎪꃅꋍꑠꂾꀋꒉ。

6 ꌺꇖꉙꂘꄉꈝꃀꍬꋭꌠꍬꎻꑲꆏ，

ꋌꃀꌠꄮꇬꑌꈜꑽꀋꁧꌠꉬ。