ꑳꀊꊆ/ꃰꃅ/ꌅꈌ/ꐩꋊꐩꍂ/ꌠ/ꈌꁧ/ꄊꃥ/ꁵ
7
1 ꄊꃥ/ꃰꃅ/ꑷꂿ/ꇬ/ꀀ/ꈭꐨꆏ，ꑳꀊꊆ/ꆹ/ꄊꃥ/ꀊꈫꀊꇋ/ꁮꐚ/ꈧꌠ/ꋌ/ꄝ/ꇫꋦꇫꑣ/ꇁ/ꀋ/ꎽ/ꄉ， ꄊꃥ/ꀀꌒꑌꌒ/ꀐ。 2 ꋍ/ꑍ/ꆏ，ꄊꃥ/ꆹ/ꌋꅇꄜꊿ/ꇂꄉ/ꏭ：“ꆏ/ꉜ/ꉏ！ꉡ/ꆹ/ꑷꂿ/ꌿꌩ/ꌊ/ꋉ/ꄉ/ꌠ/ꈐꏭ/ꀀ，ꄚ/ꏃꃅꌋ/ꏤꐪꇮꌺ/ꆏ/ꁁꑳ/ꇬ/ꎍ/ꑴꌦ”ꄷ。3 ꇂꄉ/ꆏ/ꃰꃅ/ꏭ：“ꆏ/ꁨ/ꅽ/ꉌꂵ/ꈁꉪꐨ/ꇬ/ꈴꄉ/ꃅ/ꄹꌶ，ꑞꃅꆏ，ꑳꀊꊆ/ꆏ/ꈽ/ꐥ”ꄷ。
4 ꀊꋨ/ꄹꉖ，ꑳꀊꊆ/ꆹ/ꇂꄉ/ꏭ： 5 “ꆏ/ꉠ/ꁏꐚ/ꄊꃥ/ꏭ/ꉉ/ꒉ，ꑳꀊꊆ/ꅽ/ꏯ：‘ꆏ/ꑷꂿ/ꂷ/ꋉ/ꉢ/ꏀ/ꂿꄷ/ꌠ/ꅀ？ 6 ꑱꌝꆀ/ꉹꁌ/ꉞꏹ/ꃅꄷ/ꄉ/ꉢ/ꏃ/ꀍꉀ/ꇀ/ꄮ/ꅑꅸ/ꀃꑍ/ꋋ/ꄮ/ꑟ/ꌠ，ꉢ/ꑷꂿ/ꂷ/ꇬ/ꀀ/ꀋ/ꋻ，ꅉꀕꃅ/ꁁꑳ/ꈐꏭ/ꀀa，ꁁꑳ/ꈽꄉ/ꐺ/ꇬꎷ。 7 ꉢ/ꑱꌝꆀ/ꉹꁌ/ꐊ/ꇿꐺ/ꄿꂿ，ꃣꉻ/ꌟꒉ/ꉢ/ꌊꄻ/ꌊ/ꉠ/ꉹꁌ/ꑱꌝꆀ/ꊿ/ꆫꉘ/ꎻ/ꈧꌠ/ꏭ：ꆍꊇ/ꑞꃅ/ꌿꌩ/ꌊ/ꑷꂿ/ꂷ/ꋉ/ꉢ/ꀋ/ꏀ/ꌠꉬ/ꃅ/ꉉ/ꋺ/ꑴꅀ？’ꄷ。
8 ꆏ/ꀋꃅ/ꉠ/ꁏꐚ/ꄊꃥ/ꏭ：‘ꄙꀕꃪꀕ/ꂽꑼ/ꌊꁈ/-ꑳꀊꊆ/ꅽ/ꏯ：ꉢ/ꆏ/ꁳ/ꑿ/ꆫ/ꀋ/ꎽ/ꃅ，ꑿ/ꆫꁍ/ꇬꄉ/ꉢ/ꇳꍝ/ꌊ/ꇁ/ꇈ，ꉢ/ꇱ/ꌐꋉ/ꄉ/ꆏ/ꁳ/ꉠ/ꉹꁌ/ꑱꌝꆀ/ꃰꃅ/ꄻ/ꎻ。 9 ꆏ/ꇿꇬ/ꁧ/ꄿꂿ，ꉢ/ꅉꀕꃅ/ꆏ/ꈽ/ꐥ；ꉢ/ꀋꎪꃅ/ꅽ/ꂾ/ꄉ/ꅽ/ꁮꐚ/ꈀꐥꃅ/ꉢ/ꈔꋏ/ꇫꎭ/ꌠꉬ。ꉢ/ꀋꎪꃅ/ꆏ/ꁳ/ꐧꇁꃰꊿ/ꇰꀋꃀ/ꈧꌠ/ꌟꃅ/ꂓꅑ/ꎻ/ꌠꉬ。 10 ꉡ/ꆹ/ꀋꎪꃅ/ꃅꄷ/ꑠ/ꈚ/ꌊꄻ/ꉠ/ꑱꌝꆀ/ꉹꁌ/ꁵ/ꇈ，ꋀ/ꀨꎹꆽꃴ，ꁮꐚ/ꄝ/ꋀꊇ/ꉄꌎ/ꇁ/ꀋ/ꎽ/ꃅꄉ/ꀊꄶ/ꇬ/ꀀ/ꎽ；ꊿ/ꀋꂄ/ꃴꇉꀕ/ꈧꌠ/ꑌ/ꂴ/ꌟꃅ/ꄉ/ꋀ/ꄩ/ꇧꊋ/ꀋ/ꇁ/ꀐ。 11 ꀋꉊ/ꂴꏭ/ꉢ/ꅡꈭꏲꌋ/ꁳ/ꉠ/ꉹꁌ/ꑱꌝꆀ/ꊿ/ꏲꂠ/ꎻ/ꄮꇬ/ꌋꆀ/ꐯꀋꌡ/ꀐ。ꉢ/ꀋꎪꃅ/ꆏ/ꁳ/ꈏ/ꆹ/ꁮ/ꀋ/ꐥ、ꉇ/ꆹ/ꐚ/ꀋ/ꐥ/ꃅꄉ/ꋬꂻ/ꐼꇉꀕ/ꎻ，ꄷꀋꁧ，ꉢ/ꑳꀊꊆ/ꆹ/ꀋꎪꃅ/ꅽ/ꃰꃅ/ꑲꅉ/ꌆ/ꌠꉬ。
12 ꆏ/ꐥꍂꐤꆹꎴ/ꄉ/ꃀꐚ/ꇈ，ꊿ/ꌌ/ꅽ/ꁍꁈ/ꄃ/ꅉꇬ/ꄃ/ꈭꐨꆏ，ꉢ/ꀋꎪꃅ/ꅽ/ꌺꇖ/ꊂꋊ/ꁳ/ꊛꄉ/ꅽ/ꃰꃅ/ꑋꅉ/ꑌ/ꎻ；ꀋꎪꃅ/ꋍ/ꇩꏤ/ꁳ/ꑌ/ꈫꈈ/ꎻ/ꌠꉬ。 13 ꋋ/ꆹ/ꀋꎪꃅ/ꉠ/ꎁꃅ/ꑷꂿ/ꋈꄻ，ꉡ/ꑌ/ꀋꎪꃅ/ꋍ/ꃰꃅ/ꑲꅉ/ꁳ/ꐩꋊꐩꍂ/ꃅ/ꈫꈈ/ꎻ/ꌠꉬ。 14 ꉡ/ꆹ/ꋍ/ꀉꄉ/ꄻ，ꋋ/ꑌ/ꉠ/ꌺ/ꄻ；ꀋꄸꄷ/ꋌ/ꑽꃤ/ꆹ/ꐆ/ꑲꆏ，ꉢ/ꀋꎪꃅ/ꄯꁯ/ꌊ/ꅥ、ꂷꏦ/ꌊ/ꏶ/ꄉ/ꇫ/ꉙꂘ/ꌠꉬ。 15 ꄚ/ꉠ/ꀋꑍꀋꈤ/ꌠ/ꉂꐪ/ꆹ/ꋋ/ꐞ/ꀋ/ꁧ，ꂴꏭ/ꅽ/ꂾ/ꄉ/ꌙꇊ/ꉢ/ꇤ/ꇫꎭ/ꌠ/ꌟꃅ/ꋌ/ꀋ/ꊝ/ꀐ。 16 ꅽ/ꃰꃅ/ꑲꅉ/ꌋꆀ/ꅽ/ꇩꏤ/ꆹ/ꀋꎪꃅ/ꉠ/ꂾ/ꄉ/ꐩꋊꐩꍂ/ꈫꈈ/ꃅ/ꇫꋦ/ꌠꉬ。ꅽ/ꃰꃅ/ꑋꅉ/ꑌ/ꀋꎪꃅ/ꐩꋊꐩꍂ/ꃅ/ꈫꈈ/ꌠꉬ’ꄷ/ꉉ/ꒉ”ꄷ。
17 ꄚꄉ，ꇂꄉ/ꆹ/ꅇꂷ/ꑳꀊꊆ/ꐛꒌ/ꇣꋲ/ꌠ/ꇬꄉ/ꋍ/ꏭ/ꈁꉉ/ꈧꌠ，ꈀꐥꃅ/ꋌ/ꄜ/ꄊꃥ/ꇰ/ꌐ/ꀐ。
ꄊꃥ/ꈼꂟ/ꄉ/ꑳꀊꊆ/ꏭ/ꈀꎭꀕ
18 ꄚꄉ，ꄊꃥ/ꃰꃅ/ꆏ/ꆹꌊ/ꑳꀊꊆ/ꂾ/ꑌ/ꄉ，ꑠꃅꈼꂟ：“ꌋ/ꑳꀊꊆ/ꀋ！ꉠ/ꑠꀕꍈ/ꑞ/ꂷ/ꌗ/ꂯ？ ꉪ/ꏤ/ꋋ/ꑷ/ꄇꀋꉆꅍ/ꑞ/ꐥ/ꀌ，ꆏ/ꑆꊋ/ꑠ/ꄕ/ꄗ/ꃅ/ꄻ/ꉢ/ꁳ/ꌠꉬ？ 19 ꌋ/ꑳꀊꊆ/ꀋ！ꄚ/ꋍ/ꑠ/ꆹ/ꆏ/ꉜꇬ/ꊵꑵꍈ/ꀋ/ꉬ/ꑴꌦ，ꆏ/ꉈꑴ/ꅽ/ꁏꐚ/ꄰ/ꌺꇖ/ꊂꋊ/ꁳ/ꐩꋊꐩꍂ/ꃅ/ꃰꃅ/ꑋꅉ/ꑌ/ꎻ/ꌠꑌ/ꈌꁧ/ꄉ/ꀐ。ꌋ/ꑳꀊꊆ/ꀋ！ꋍꑠ/ꆹ/ꎃꀕ/ꇬ/ꊊ/ꄎ/ꑵꉬ/ꑴꅀ？
20 ꌋ/ꑳꀊꊆ/ꀋ！ꉢ/ꀉꁁ/ꅽ/ꏯ/ꑞꈨ/ꉉꅍꐥ/ꑴꌦ/ꂯ？ ꆎ/ꆹ/ꅽ/ꁏꐚ/ꋋ/ꂷ/ꃆꂮ/ꑞꑌ/ꆏ/ꅉꐚ/ꌐ/ꈨ/ꉬ/ꀐ。 21 ꆎ/ꆹ/ꌤꆿ/ꇰꀋꃀ/ꑠ/ꃅ/ꄉ，ꅽ/ꁏꐚ/ꁳ/ꌤꆿ/ꑞꑌ/ꅽ/ꈌꁧ/ꐨ/ꌋꆀ/ꉪꐨ/ꇬ/ꈴꄉ/ꃅꐛ/ꇬꎷ/ꌠꉬ/ꌠ/ꅉꐚ/ꎻ。
22 ꑠꅹ，ꌋ/ꑳꀊꊆ/ꀋ！ꆎ/ꆹ/ꊇꅉ/ꇯꆐ/ꇰꀋꃀ/ꌠꉬ。ꉪꊇ/ꈀꈨ/ꌠꆹ，ꆏ/ꌟ/ꂷ/ꀋ/ꐥ；ꆏ/ꀉꄂ/ꑲꆏ，ꀉꁁ/ꏃꃅꌋ/ꂷ/ꀋ/ꐥ。 23 ꋧꃅꇣꄧ/ꊿꋅ/ꀉꁁ/ꅽ/ꉹꁌ/ꑱꌝꆀ/ꊿ/ꌡ/ꑠ/ꁯ/ꇿꐥ/ꂯ？ꋀꊇ/ꆹ/ꉞꏹ/ꄉ/ꆏ/ꈭꋏ/ꌊ/ꅽ/ꊨꏦ/ꉹꁌ/ꄻꄉ/ꇈ，ꅽ/ꊨꏦ/ꁳ/ꂓꒉꌗꒉ/ꊌ/ꎻ/ꀐ。ꉈꑴ/ꆏ，ꑱꌝꆀ/ꊿ/ꆏ/ꈭꋏ/ꌊꇁ/ꋋ/ꈨ/ꂾ/ꄉ/ꌤ/ꆿꂵꌦꂵꌋ/ꊽ/ꃪꉬ/ꑠ/ꃅ/ꈭꐨꆏ，ꌞ/ꊿꋅ/ꀉꁁ/ꌋꆀ/ꋀ/ꌦꌋ/ꑠ/ꑱꌝꆀ/ꊿ/ꂾ/ꄉ/ꆏ/ꈹ/ꇫꎭ/ꌐ。 24 ꆏ/ꀋꎪꀋꎙ/ꃅ/ꑱꌝꆀ/ꊿ/ꁳ/ꅽ/ꉹꁌ/ꄻ/ꎻ，ꅑꅸ/ꐩꋊꐩꍂ/ꄮꇬ/ꑟ；ꆏ/-ꑳꀊꊆ/ꆹ/ꋀ/ꏃꃅꌋ/ꉬ。
25 ꑳꀊꊆ/ꏃꃅꌋ/ꀋ！ꆏ/ꑴꌠ/ꆏ/ꈌꁧ/ꅽ/ꁏꐚ/ꌋꆀ/ꅽ/ꁏꐚ/ꄰ/ꑭꊂ/ꈁꁵꄉ/ꈧꌠ/ꁳ/ꀋꎪꀋꎙ/ꎻ，ꅑꅸ/ꐩꋊꐩꍂ/ꄮꇬ/ꑟ/ꎻ/ꅊꇈ；ꆏ/ꈀꎭꀕ/ꃅ/ꆏ/ꈁꉉꌠ/ꇬ/ꈴꄉ/ꃅ/ꇬꎷ/ꅊꇈ。 26 ꐧꇁꃰꊿ/ꆹ/ꐩꋊꐩꍂ/ꃅ/ꅽ/ꂓ/ꌌ/ꇰꀋꃀ/ꃅꄉ/ꇈ：‘ꄙꀕꃪꀕ/ꂽꑼ/ꌊꁈ/-ꑳꀊꊆ/ꆹ/ꑱꌝꆀ/ꏲꂠ/ꌠ/ꏃꃅꌋ/ꉬ’ꃅ/ꉉ/ꇬꎷ/ꅊꇈ。ꑠꃅ/ꑲꆏ，ꅽ/ꁏꐚ/ꄊꃥ/ꄰ/ꃰꃅ/ꑲꅉ/ꑌ/ꀋꎪꃅ/ꅽ/ꂾ/ꄉ/ꈫꈈ/ꌠꉬ。