ꌒꃆꇓ/ꄯꒉ/ꂴ/ꁬꌠ
ꉳꇂ/ꑳꀊꊆ/ꏭ/ꌹ/ꍈ/ꇖꂟ
1
1 ꑱꃔꆃ/ꉘꁌ/ꌙꃏ/ꃅꄷ/ꇁꂸ/ꇓꈓ/ꇬ，ꊿ/ꑱꆀꏦꇂ/ꂓ/ꑠ/ꂷ/ꐥ，ꊿ/ꋋ/ꂷ/ꆹ/ꑱꇊꉴ/ꌺ、ꑱꆀꉻ/ꇖ、ꄧꉼ/ꆜ、ꌙꃛ/ꃱ/ꉬ。 2 ꑱꆀꏦꇂ/ꆹ/ꑮꃀ/ꑍ/ꂷ/ꐥ，ꋍ/ꂷ/ꆏ/ꉳꇂ/ꂓ，ꉈꑴ/ꋍ/ꂷ/ꆏ/ꀺꆀꇂ/ꂓ。ꀺꆀꇂ/ꆏ/ꌳꃈꅮ/ꐥ，ꄚ/ꉳꇂ/ꆹ/ꌳꃈꅭ/ꍈ/ꏃ/ꀋ/ꐺ。3 ꑱꆀꏦꇂ/ꆹ/ꋍ/ꈓ/ꋑꀋꋒ/ꋀ/ꇓꈓ/ꂶꌠ/ꇬꄉ/ꏂꇊ/ꃅꄷ/ꆹ，ꀊꄶ/ꄉ/ꄙꀕꃪꀕ/ꂽꑼ/ꌊꁈ-/ꑳꀊꊆ/ꏭ/ꇗꅉꃅ/ꇈ/ꆦꑝ/ꇬꎷa。ꀊꋨ/ꄮꇬ，ꑱꆀ/ꄰ/ꌺ/ꉼꃛꆀ/ꌋꆀ/ꃏꆀꉐ/ꑋ/ꑳꀊꊆ/ꎁꃅ/ꆦꑝꊿ/ꄻ/ꀊꄶ/ꐥ。 4 ꑱꆀꏦꇂ/ꆹ/ꋍ/ꃢ/ꋑꀋꋒ/ꆦꑝ/ꌐ/ꈭꐨꆏ，ꆦꑝꎸ/ꈧꌠ/ꋌ/ꁸ/ꀺꆀꇂ/ꌋꆀ/ꀺꆀꇂ/ꌳꃈꅮ/ꈧꌠ/ꍈ/ꇬꎷ。 5 ꉳꇂ/ꆏ/ꑍ/ꁧ/ꋌ/ꁸ/ꇬ/ꁳ，ꑞꃅꆏ，ꋋ/ꆹ/ꉳꇂ/ꉂ，ꄚ/ꑳꀊꊆ/ꆹ/ꉳꇂ/ꁳ/ꌺꒆꇖꉘ/ꀋ/ꎽ。 6 ꑳꀊꊆ/ꉳꇂ/ꁳ/ꌺꒆꇖꉘ/ꀋ/ꎽ/ꐛꅹ，ꀺꆀꇂ/ꆹ/ꅉꀕꃅ/ꉳꇂ/ꐔꏼ/ꇬꎷ/ꄉ，ꉳꇂ/ꇨꇅꃃ/ꌦꄉꏽ。 7 ꋍ/ꈓ/ꋑꀋꋒ/ꉳꇂ/ꑳꀊꊆ/ꑷꂿ/ꇬ/ꆹ/ꑲꆏ，ꀺꆀꇂ/ꇫ/ꐔꏼ/ꄉ，ꉳꇂ/ꆹ/ꉈꃚꑓꄜ/ꌊ/ꋚ/ꀋ/ꋠ/ꃅ/ꑓꁴꑰꀕꇤ/ꇬꎷ。 8 ꑠꃅꄉ，ꋍ/ꌐꃶ/ꑱꆀꏦꇂ/ꆏ/ꇬ/ꏭ：“ꉳꇂ/ꀋ！ꆏ/ꑞꃅ/ꑳꉨ/ꌠꉬ？ ꑞꃅ/ꋚ/ꀋ/ꋠ/ꌠꉬ？ ꆏ/ꑞꃅ/ꉌꐒꇁꎭ/ꌠꉬ？ ꉢ/ꇫ/ꐥ/ꑲꆏ，ꆏ/ꌺ/ꊯ/ꑻ/ꁨ/ꌠ/ꏭꀋꋌ/ꌠ/ꀋ/ꉬ/ꅀ？”ꄷ。
9 ꋍ/ꃢ/ꋀꊇ/ꏂꇊ/ꄉ/ꆦꑝꋚ/ꋠ/ꌐ/ꈭꐨꆏ，ꉳꇂ/ꆹ/ꋌ/ꄓꌊ/ꈼꂟ/ꁧ。ꀊꋨ/ꇅꇬ，ꆦꑝꊿ/ꑱꆀ/ꆹ/ꑳꀊꊆ/ꑷꂿ/ꀃꈈ/ꁭꑭ/ꆦꑝꊿ/ꑋꅉ/ꈚ/ꌠ/ꇬ/ꑌ。 10 ꉳꇂ/ꐒꉩ/ꏽ/ꄉ/ꑳꀊꊆ/ꏭ/ꈼꂟ/ꐺ。 11 ꋌ/ꑠ/ꃅ/ꅇꏤ/ꒃ/ꄉ/ꇖꂟ：“ꄙꀕꃪꀕ/ꂽꑼ/ꌊꁈ-/ꑳꀊꊆ/ꀋ！ ꀋꄸꄷ/ꆏ/ꅽ/ꁏꃀ/ꎭꐨꅦꑌ/ꐥ/ꋋ/ꂷ/ꉜꅲ/ꇁ/ꄉ，ꌹ/ꍈ/ꄻ/ꉢ/ꁳ/ꑲꆏ，ꉡ/ꆹ/ꀋꎪꃅ/ꋌ/ꁳ/ꋍ/ꐥꍂꃅ/ꀂꏾ/ꀋ/ꐑ/ꃅꄉ/ꅽ/ꎁꃅ/ꌤꃅ/ꎻ/ꌠꉬ”ꄷ。
12 ꉳꇂ/ꆹ/ꑳꀊꊆ/ꂾꄉ/ꀋꆏꃅ/ꈼꂟ/ꇬꎷ/ꇬꆏ，ꑱꆀ/ꑓꌬꃅ/ꏮ/ꋍ/ꂱꀯ/ꇬ/ꉜ/ꄉ。 13 ꉳꇂ/ꆏ/ꈌ/ꀋ/ꋊ/ꃅ/ꄉ/ꈼꂟ，ꂱꀯ/ꀉꄂ/ꂱꋍꈂꑑ/ꃅ/ꑇ/ꇈ，ꃚꋒ/ꆏ/ꊌ/ꀋ/ꈨ，ꋍ/ꑠ/ꑱꆀ/ꊌꂿ/ꇬꆏ，ꋍ/ꉂ/ꆏ/ꌋꅪ/ꎧꑱ/ꂷ/ꉬ/ꎻ/ꈁ。 14 ꄚꄉ，ꑱꆀ/ꆏ/ꇬ/ꏭ：“ꆏ/ꎧꑱ/ꅷ/ꈍꄮ/ꑟ/ꂿꄷ/ꌠꉬ？ ꎧ/ꄡ/ꅝ/ꀐ”ꄷ。
15 ꉳꇂ/ꆏ：“ꉠ/ꌌꁈ/ꀋ！ꑠꀋꉬ。ꉡ/ꆹ/ꌋꅪ/ꉌꐒꇁꎭ/ꂷ，ꉢ/ꎧꐎ/ꑌ/ꀋ/ꅝ，ꎦꆈ/ꑌ/ꀋ/ꅝ，ꄚ/ꇬ/ꄉ/ꉠ/ꇬꇉ/ꎭꐨꅦꑌ/ꈧꌠ/ꀖ/ꑳꀊꊆ/ꇰ/ꌠ/ꄹ。 16 ꆏ/ꉜ/ꇬ/ꅽ/ꁏꃀ/ꋋ/ꂷ/ꃆꅿ/ꇗꀋꁨꀸꀋꁨ/ꂷ/ꉬ/ꎻ/ꈁ/ꂵ。ꉢ/ꉌꂵ/ꎭ/ꌦꄉꏽ，ꐒ/ꑌ/ꐒꊀ/ꇧꁠ，ꑠꅹ，ꈼꂟ/ꅷ/ꀋꃅ/ꑟ/ꌠ”ꄷ/ꅇꀱ。
17 ꑱꆀ/ꆏ/ꇬꏭ：“ꆏ/ꄡꐒꄡꊀ/ꃅ/ꀁꇬ/ꁧ/ꌶ！ ꑱꌝꆀ/ꏃꃅꌋ/ꆹ/ꆏ/ꈀꇖ/ꌠ/ꇬ/ꈴꄉ/ꋬꂻ/ꄻ/ꆏ/ꁳ/ꅊꇈ”ꄷ。
18 ꉳꇂ/ꆏ/ꑱꆀ/ꏭ：“ꌌꁈ/ꀋ！ꈀꎭꀕ/ꀐ！ꆏ/ꑠ/ꃅ/ꅽ/ꁏꃀ/ꋋ/ꂷ/ꎭꃅꉈ”ꄷ/ꈭꐨꆏ，ꀱ/ꁧ/ꇈ，ꋙ/ꑌꋠ/，ꑊꆹꐓꉩ/ꃄ/ꑌ/ꀋ/ꐛ/ꀐ。
ꌒꃆꇓ/ꒆ/ꇈ/ꌞ/ꑳꀊꊆ/ꁵ
19 ꊁ/ꄹꉇ/ꃅꄜꀕ/ꆏ，ꋀꊇ/ꋋ/ꑷ/ꃅ/ꄓꌊ/ꑳꀊꊆ/ꏭ/ꇗꅉꃅ/ꇈ，ꀱ/ꋀ/ꀀꅉ/ꇁꂸ/ꇓꈓ/ꁧ/ꀐ。ꑱꆀꏦꇂ/ꋍ/ꑮꃀ/ꉳꇂ/ꈿ/ꀀ/ꇈ，ꑳꀊꊆ/ꑌ/ꉳꇂ/ꈼꅇꂟꅇ/ꅲ/ꀐ。 20 ꄚꄉ，ꉳꇂ/ꆹ/ꃴꑌ/ꇈ，ꊁ/ꃅꑍ/ꇎ/ꄮꇬ/ꆏ，ꌹ/ꍈ/ꒆ/ꀐ；ꌺ/ꋋ/ꍈ/ꋌ/ꄻ/ꌒꃆꇓ/ꂓ/ꄉ，ꑞꃅꆏ，ꋌ/ꄹꇬ：“ꀉꑳ/ꋋ/ꍈ/ꆹ/ꑳꀊꊆ/ꄷꄉ/ꉢ/ꇖꂟ/ꌊ/ꇁ/ꌠꉬ”ꄷb。
21 ꊁ/ꄹꈎ/ꆦꑝ/ꃅꑍ/ꑟ/ꇀ/ꄮꇬ/ꆏ，ꑱꆀꏦꇂ/ꄰ/ꆹ/ꇖꊊꂟꊌ/ꄉ，ꋋ/ꑷ/ꃅ/ꆦꑝꅍ/ꌞ/ꑳꀊꊆ/ꁵ/ꄉ/ꇬ/ꏭ/ꈀꎭꀕ/ꆹ/ꂿꄷ。 22 ꄚ/ꉳꇂ/ꆹ/ꇬ/ꀋ/ꆹ，ꋌ/ꋍ/ꌐꃶ/ꏭ：“ꀉꑳ/ꀉꆂ/ꅜ/ꄻꀋꅐ/ꄮꇬ/ꆏ，ꉢ/ꋌ/ꏁ/ꌊ/ꑳꀊꊆ/ꑷꂿ/ꇬ/ꆹ/ꑲꆀ，ꋌ/ꁳ/ꋍ/ꐥꍂ/ꃅ/ꀊꄶ/ꇬ/ꐥ/ꁧ/ꎻ/ꂿ”ꄷ。
23 ꋍ/ꌐꃶ/ꑱꆀꏦꇂ/ꆏ/ꇬ/ꏭ：“ꍑ！ ꆏ/ꉜ/ꇬ/ꉾꃪ/ꈧꌠ/ꇬ/ꈴꄉ/ꃅ/ꇬꎷ！ ꆏ/ꀁꇬ/ꐥ/ꄉ/ꊁ/ꀉꑳ/ꀉꆂ/ꅜ/ꄻꀋꅐ/ꄮꇬ/ꑲꆀ/ꆹ。ꑳꀊꊆ/ꅽ/ꇇꀤ/ꄉ，ꋍ/ꏤꅇ/ꈧꌠ/ꁳ/ꇫ/ꅐ/ꇁ/ꎻ/ꅊꇈ”ꄷ。ꄚꄉ，ꉳꇂ/ꆹ/ꀁꇬ/ꐥ/ꄉ/ꀉꑳ/ꀨꎹ/ꅷ/ꊁ/ꀉꑳ/ꀉꆂ/ꅜ/ꄻꀋꅐ/ꄮꇬ/ꑟ。
24 ꀉꑳ/ꀉꆂ/ꅜ/ꄻꀋꅐ/ꄮꇬ/ꆏ，ꌒꃆꇓ/ꀄꊭ/ꑴꌦ/ꑴꇬ，ꄚ/ꉳꇂ/ꆹ/ꀉꑳ/ꍇꌠ/ꋌ/ꏃ/ꁧ/ꇈ，ꇌꉘꌺ/ꌙꑌ/ꏢ、ꋚꂾ/ꌤꐯꌤ/ꌠ/ꇖꊰ/ꏡ、ꎧ/ꋍ/ꀱꆱ/ꃅ/ꑠ/ꈨ/ꋌ/ꄐꏤ/ꌊ/ꏂꇊ/ꃅꄷ/ꑳꀊꊆ/ꑷꂿ/ꇬ/ꉜꄉ/ꆹ。 25 ꇌꉘꌺ/ꏡꌠ/ꌉ/ꄉ/ꈭꐨꆏ，ꀉꑳ/ꍇꌠ/ꋀ/ꏃ/ꑱꆀ/ꂾ/ꑟ。 26 ꉳꇂ/ꆏ/ꑱꆀ/ꏭ：“ꌌꁈ/ꀋ！ꉢ/ꇯꍝꃅ/ꅽ/ꏯ/ꅇꏤꒃ，ꉡ/ꆹ/ꀋꉊ/ꅽ/ꂾ/ꉆ/ꄉ/ꑳꀊꊆ/ꏭ/ꇖꂟ/ꌠ/ꌋꅪ/ꀊꋨ/ꂷ/ꉬ。 27 ꉡ/ꆹ/ꑳꀊꊆ/ꏭ/ꀉꑳ/ꍈ/ꄻ/ꉢ/ꁳ/ꄷ/ꈼꂟꇈ，ꑳꀊꊆ/ꉠ/ꇖꅇꂟꅇ/ꅲ/ꄉ/ꀉꑳ/ꍈ/ꄻ/ꉢ/ꁳ/ꀐ。 28 ꑠꅹ，ꉡ/ꆹ/ꀋꃅ/ꀉꑳ/ꋋ/ꍈ/ꌞ/ꑳꀊꊆ/ꁵ/ꄉ，ꋌ/ꁳ/ꐥꋊꐥꍂ/ꃅ/ꑳꀊꊆ/ꎁꃅ/ꌤꃅ/ꎻ/ꂿꄷ/ꌠ”ꄷ。
ꋍꈭꐨꆏ，ꋀꊇ/ꐯꇯ/ꀊꄶ/ꇬꄉ/ꑳꀊꊆ/ꏭ/ꇗꅉꃅ/ꀐ。