ꄊꃥ/ꑱꌝꆀ/ꇩꏤ/ꃰꃅ/ꄻ
5
1 ꊁꆏ，ꑱꌝꆀ/ꃣꉻ/ꈧꌠ/ꈀꐥꃅ/ꑝꀨꇍ/ꇓꈓ/ꄉ/ꄊꃥ/ꂿ/ꇁ/ꇈ，ꇬ/ꏭ：“ꆏ/ꉜ/ꉏ！ꉪꊇ/ꆹ/ꅽ/ꃷꅍꆊꅿ/ꉬ。 2 ꀋꉊ/ꂴꏭ/ꌙꇊ/ꉪ/ꃰꃅ/ꄺ/ꄮꇬ，ꑱꌝꆀ/ꉹꁌ/ꏃꂠ/ꄉ/ꌉꈿ/ꂶꌠ/ꆹ/ꆏ/ꉬ/ꀐ；ꑳꀊꊆ/ꑌ/ꅽ/ꏯ：‘ꆏ/ꀋꎪꃅ/ꑱꌝꆀ/ꏲꌋ/ꄻ/ꄉ，ꉠ/ꉹꁌ/ꑱꌝꆀ/ꊿ/ꏃꂠ、ꀧꌋꃅ/ꇁ/ꌠꉬ’ꄷ/ꉉ/ꄉ/ꋺ”ꄷ。3 ꄚꄉ，ꑱꌝꆀ/ꅡꈭ/ꌟꒉ/ꈧꌠ/ꐯꇯ/ꑝꀨꇍ/ꇓꈓ/ꄉ/ꄊꃥ/ꂿ/ꇁ/ꌐ/ꀐ。ꄊꃥ/ꆹ/ꑝꀨꇍ/ꇓꈓ/ꑳꀊꊆ/ꂾ/ꄉ/ꋀꊇ/ꌋꆀ/ꅇꏤ/ꒃ/ꇈ，ꄊꃥ/ꋀ/ꇱ/ꌐꋉ/ꌊ/ꑱꌝꆀ/ꃰꃅ/ꄻ/ꄉ/ꀐ。 4 ꄊꃥ/ꆹ/ꌕꊰ/ꈎ/ꃅꄉ/ꃰꃅ/ꄻ，ꋌ/ꃰꃅ/ꌅꈌ/ꇖꊰ/ꈎ/ꌬ。 5 ꄊꃥ/ꆹ/ꑝꀨꇍ/ꇓꈓ/ꄉ/ꒀꄊ/ꃰꃅ/ꏃ/ꈓ/ꌋꆀ/ꃘ/ꁮꆪ/ꄻ，ꑳꇊꌒꇌ/ꇓꈓ/ꄉ/ꑱꌝꆀ/ꃅꄷ/ꌋꆀ/ꒀꄊ/ꃅꄷ/ꌕꊯꌕ/ꈎ/ꏲ。
ꄊꃥ/ꑳꇊꌒꇌ/ꇓꈓ/ꋌ/ꇑ/ꅜ
6 ꄊꃥ/ꆹ/ꋍ/ꊿ/ꈧꌠ/ꐯꇯ/ꋌ/ꏃ/ꑳꇊꌒꇌ/ꇓꈓ/ꑟ/ꇈ，ꄐꏤ/ꄉ/ꀊꄶ/ꇬ/ꀀꌠ/ꑳꀯꌦ/ꊿ/ꈧꌠ/ꌉ/ꂿꄷ。ꄚ/ꑳꀯꌦ/ꊿ/ꈧꌠ/ꆏ/ꄊꃥ/ꏭ：“ꅽ/ꑠ/ꈍꃅꑌ/ꁨ/ꇓꈓ/ꈐꏭ/ꃹꇁ/ꀋ/ꄐ/ꌠꄹ！ꉪꊇ/ꄚꇬ/ꊿ/ꑓꁖ/ꐂꀜ/ꈧꌠ/ꀉꄂ/ꂯ/ꆎ/ꄙ/ꄎ/ꌠꉬ”ꄷ。ꋀ/ꉌꂵ/ꈐꇬ/ꆹ/ꄊꃥ/ꈍꃅꑌ/ꅥ/ꇓꈓ/ꈐꏭ/ꃹꇁ/ꀋ/ꄐ/ꉂ/ꃅ/ꉪ。 7 ꄚ/ꄊꃥ/ꆹ/ꑭꉢ/ꇓꈓ/ꁾꇓ/ꈫꈄ/ꋋ/ꂷ/ꋌ/ꇱ/ꍆ/ꅞ/ꀐ；ꊁꆏ/ꋌ/ꈚ/ꆹ/ꊿ/ꌌ/ꄊꃥ/ꇓꈓ/ꂓ/ꄉ。
8 ꀊꋨ/ꄹꉇ，ꄊꃥ/ꆹ/ꋍ/ꊿ/ꈧꌠ/ꏭ：“ꆍ/ꈀꄸ/ꑱꀯꌦ/ꊿ/ꑓꁖ/ꐂꀜ/ꉢ/ꋋ/ꌂ/ꋋ/ꈨ/ꌉ/ꆹ/ꌠ，ꄚ/ꃅꐬ/ꒉꁦ/ꇬ/ꍬ/ꄉ/ꆹ”ꄷ。ꑠꅹ，ꊁꏭ“ꑓꁖ/ꐂꀜ/ꌠꆏ/ꑷꂿ/ꈐꏭ/ꃹ/ꆹ/ꀋ/ꉆ！”ꄷ/ꅇꂷ/ꑠ/ꇬ/ꐥ。 9 ꄊꃥ/ꆹ/ꇓꈓ/ꁾꇓ/ꋋ/ꂷ/ꈐꏭ/ꀀ/ꇈ，ꋌ/ꄻ‘ꄊꃥ/ꇓꈓ’ꂓ/ꄉ。ꄊꃥ/ꆏ/ꇓꉻ/ꏭꌠ/ꋌ/ꊈꌊ/ꉈꏭ/ꁾꇓ/ꏭꌠ/ꇬꄉ/ꃛ/ꎼꆹa。 10 ꄊꃥ/ꏲꄸꂠꉻ/ꆹ/ꐤꅉꇧꅉꑟ/ꀐ，ꑞꃅꆏ，ꄙꀕꃪꀕ/ꂽꑼ/ꌊꁈ/ꏃꃅꌋ/-ꑳꀊꊆ/ꋌ/ꈽ/ꐥ。
11 ꄫꇊ/ꇓꈓ/ꃰꃅ/ꑭꇁ/ꂶꌠ/ꆹ/ꊩꌺ/ꈨ/ꋌ/ꇱ/ꁆ/ꌌ，ꌿꌩ/ꎞꎭ/ꌊ/ꄊꃥ/ꁵ/ꆹ/ꎻ/ꇈ，ꌩꊨꇔꇷ/ꌋꆀ/ꇓꁶꇔꇷ/ꑠ/ꋌ/ꁆꄻ/ꌊ/ꄊꃥ/ꃰꃅ/ꑷꂿ/ꋉ/ꆹ/ꎻ。 12 ꄊꃥ/ꆹ/ꑳꀊꊆ/ꋌ/ꁳ/ꈫꈈ/ꃅ/ꑱꌝꆀ/ꃰꃅ/ꄻ/ꎻ/ꀐ/ꌠ/ꋌ/ꅉꐚ；ꉈꑴ/ꑳꀊꊆ/ꋍ/ꊨꏦ/ꉹꁌ/ꐛꅹ/ꃅ，ꋍ/ꇩꏤ/ꂶꌠ/ꁳ/ꌄꆣ/ꎻ/ꌠꑌ/ꋌ/ꅉꐚ。
13 ꄊꃥ/ꑝꀨꇍ/ꇓꈓ/ꄉ/ꊈꌊ/ꑳꇊꌒꇌ/ꇓꈓ/ꀀ/ꁧ/ꈭꐨꆏ，ꑮꃀ/ꀊꏀ/ꈨ/ꒃ/ꄉ，ꉈꑴ/ꌳꃈꅭ/ꈨ/ꐤ/ꌦ/ꀐ。 14 ꄊꃥ/ꄰ/ꌺ/ꑳꇊꌒꇌ/ꄉ/ꒆ/ꈧꌠ/ꆹ/ꄚꐰ/ꋋ/ꈨ： ꎭꃆꑸ、ꎴꀠ、ꇂꄉ、ꌙꇊꂱ、 15 ꑱꑤ、ꑱꆀꎺꑸ、ꆀꃏ、ꑸꃏꑸ、 16 ꑱꆀꎭꂷ、ꑱꆀꑸꄊ、ꑱꆀꃔꆺ。
ꄊꃥ/ꃏꆺꌧ/ꊿ/ꄩ/ꊋ
17 ꃏꆺꌧ/ꊿ/ꆹ/ꄊꃥ/ꂶꌠ/ꊿ/ꇱ/ꌐꋉ/ꌊ/ꑱꌝꆀ/ꃰꃅ/ꄻ/ꎻ/ꀐ/ꃅ/ꑠ/ꋀ/ꈨ/ꇬꆏ，ꂽ/ꈀꐥꃅ/ꋀ/ꄏꌊ/ꄊꃥ/ꎹꈹ/ꇁ/ꀐ。ꋍ/ꑠ/ꄊꃥ/ꈨ/ꇈ，ꋌ/ꆈ/ꁾꇓ/ꂶꌠ/ꇬ/ꀀ/ꄉꒉ。 18 ꃏꆺꌧ/ꂽ/ꄓ/ꇁ/ꌐ/ꄉ，ꆺꃔꑱ/ꇁꄿ/ꏡꌠ/ꇬ/ꃅ/ꂽ/ꏁꏪꀕ/ꀐ。 19 ꄊꃥ/ꆏ/ꑳꀊꊆ/ꏭ：“ꉢ/ꃏꆺꌧ/ꊿ/ꋋ/ꈨ/ꌉ/ꆹ/ꉆꀕ？ ꋀꊇ/ꆏ/ꏮ/ꉠ/ꇇꈐ/ꇬ/ꊐꀕ？”ꄷ/ꅲ。
ꑳꀊꊆ/ꆏ/ꇬ/ꏭ：“ꆏ/ꁨ/ꌉ/ꆹ！ ꋀꊇ/ꆹ/ꀋꎪꃅ/ꉢ/ꏮ/ꅽ/ꇇꈐ/ꇬ/ꊐ/ꌠꉬ”ꄷ。
20 ꄚꄉ，ꄊꃥ/ꇁꌊ/ꀠꆀ.ꀘꇁꑝ/ꑟ/ꇈ，ꀊꄶ/ꇬꄉ/ꃏꆺꌧ/ꊿ/ꋌ/ꌉ/ꇧꁠ/ꄉ/ꊋꐛ/ꀐ，ꋌ：“ꒉꋮ/ꄹꇭ/ꒉꂨ/ꇫꎭ/ꌠ/ꌟꃅ，ꑳꀊꊆ/ꉠ/ꃀ/ꐊꄉ/ꁮꐚ/ꋌ/ꂨ/ꇫꎭ/ꀐ”ꄷ/ꉉ。ꑠꅹ，ꃅꄷ/ꀊꋩ/ꈚ/ꆹ/ꌌ/ꀠꆀ.ꀘꇁꑝ/ꂓꄉ/ꌠꉬb。 21 ꃏꆺꌧ/ꂽ/ꆹ/ꋀ/ꌦꁱꌊꁱ/ꈧꌠ/ꋀ/ꍞ/ꇫꎭ/ꌐ/ꄉ，ꋋ/ꈨ/ꐯꇯ/ꄊꃥ/ꌋꆀ/ꋍ/ꂽ/ꈧꌠ/ꇱ/ꄌꌊ/ꁧ/ꌐ/ꀐ。