ꑸꇱ/ꆹ/ꂁꄉ/ꁈꁧ
31
1 ꑸꇱ/ꆹ/ꇁꀠ/ꌺ/ꈧꌠ/ꑠꃅ/ꉉ/ꌠ/ꋌ/ꈨ/ꇁ：“ꑸꇱ/ꉪ/ꀉꄉ/ꁨꇐꄉꇐ/ꈧꌠ/ꃅ/ꋌ/ꇑꌊ/ꁧ/ꌐ/ꀐ； ꋍ/ꁨꇐꄉꇐ/ꈀꐥꌠ/ꃅ/ꉪ/ꀉꄉ/ꄷꄉ/ꊌ/ꌠꉬ” ꄷ。 2 ꇁꀠ/ꑸꇱ/ꊝꇬ/ꂴ/ꌟꃅ/ꀋ/ꐛ/ꃅ/ꑊꑍ/ꁏ/ꀐ，ꋍ/ꑠ/ꑌ/ꑸꇱ/ꊌꂿ/ꀐ。3 ꑳꀊꊆ/ꑸꇱ/ꏭ：“ꆏ/ꀱ/ꅽ/ꁍꁈ/ꀀꅉ/ꇬ/ꅽ/ꏣꃀꏣꑟ/ꈧꌠ/ꄷ/ꁧ，ꉢ/ꀋꎪꃅ/ꆏ/ꈽ/ꐥꄉ/ꆎ/ꀧꌋꃅ/ꌠꉬ” ꄷ。
4 ꄚꄉ，ꑸꇱ/ꆹ/ꊿ/ꋌ/ꇤꅷ/ꇁꏣ/ꌋꆀ/ꆺꑸ/ꑋ/ꇴꌊ/ꇈꈬ/ꎆ/ꆫ/ꅉ/ꇬ/ꇁ/ꎻ。 5 ꋌ/ꋍꑊ/ꏯ：“ꆍ/ꀉꄉ/ꉡ/ꂿ/ꇬ/ꂴ/ꌟꃅ/ꀋ/ꐛ/ꃅ/ꑊꑍ/ꁏ/ꀐ； ꄚ，ꏃꃅꌋ/ꉠ/ꀉꄉ/ꇬ/ꏭ/ꇗꅉꃅ/ꂶꌠ/ꆹ/ꉢ/ꈽ/ꐥꄉ/ꉡ/ꀧꌋꃅ/ꅷꇁ/ꇬꎷ。 6 ꉢ/ꈏꇤꊋꇤꄉ/ꆍ/ꀉꄉ/ꎁꃅ/ꑘꃅꃤꑽ/ꀐ，ꋍ/ꑠ/ꆐꑊ/ꅉꐚ； 7 ꄚ，ꆍ/ꀉꄉ/ꆏ/ꀱꌊ/ꉡ/ꊏ/ꇁ，ꉠ/ꊋꃅ/ꁌ/ꈧꌠ/ꋌ/ꌌ/ꊰ/ꃢ/ꄺꀱ/ꀐ； ꑠꃅ/ꑴꇬ，ꏃꃅꌋ/ꉠ/ꀉꄉ/ꇬ/ꏭ/ꇗꅉꃅ/ꂶꌠ/ꆹ/ꋌ/ꄛ/ꉢ/ꉮ/ꀋꎽ。 8 ꀋꄸꄷ/ꇁꀠ：‘ꆈꁱ/ꈧꌠ/ꆏ/ꅽ/ꃄꁌ’ꃅ/ꉉ/ꑲꆏ，ꎆ/ꊇ/ꌠ/ꇬ/ꌺ/ꈁꏃ/ꈧꌠ/ꃅ/ꆈꁱ/ꌐ； ꀋꄸꄷ/ꋌ：‘ꆈꋓ/ꈧꌠ/ꆏ/ꅽ/ꃄꁌ’ꃅ/ꉉ/ꑲꆏ，ꎆ/ꊇ/ꌠ/ꇬ/ꌺ/ꈁꏃ/ꈧꌠ/ꃅ/ꆈꋓ/ꌐ。 9 ꑠꃅꄉ，ꆍ/ꀉꄉ/ꎆ/ꈧꌠ/ꏃꃅꌋ/ꇱ/ꇑꌊ/ꇁ/ꇈ，ꋌ/ꄻ/ꉢ/ꁳ/ꀐ。
10 ꋍ/ꃢ，ꎆꈹ/ꇗꇱ/ꄮꐰ，ꉢ/ꀄꂼ/ꑠꂷ/ꂻ： ꉢ/ꀑ/ꐕ/ꄉ/ꉜ/ꇬꆏ，ꍶꃀ/ꅂ/ꐺꌠ/ꍶꁮ/ꈧꌠ/ꉬꇮꃅ/ꑴꈜ/ꅑ/ꇈ/ꆈꁱꆈꋓ/ꑠ/ꀉꄂ/ꌐ。 11 ꏃꃅꌋ/ꊩꌺ/ꀄꂼ/ꇬꄉ/ꉠ/ꏯ：‘ꑸꇱ！’ꃅ/ꇴ。ꉡ/ꆏ：‘ꉢ/ꄚꇬ’ꄷ。 12 ꋌ/ꉠ/ꏯ：‘ꆏ/ꉜ/ꉏ！ ꍶꃀ/ꒀꃀ/ꅂ/ꐺꌠ/ꍶꁮ/ꑻꇅ/ꈧꌠ/ꉬꇮꃅ/ꑴꈜ/ꅑ/ꌠ、ꆈꁱꆈꋓꌠ/ꉬ/ꌐ； ꋍ/ꑠ/ꆹ/ꉢ/ꄻ/ꇫ/ꅐ/ꎻ/ꌠꉬ，ꑞꃅꆏ，ꇁꀠ/ꈍꃅ/ꆎ/ꊝ/ꌠ，ꉢ/ꂿ/ꌐ/ꀐ。 13 ꉡ/ꆹ/ꀨꄯꆀ/ꄉ/ꅽ/ꂾ/ꅐ/ꇁ/ꌠ/ꏃꃅꌋ/ꉬ。ꆏ/ꀊꄶꇬ/ꄉ/ꏝꃴꀋꍰ/ꒀꒉ/ꌌ/ꇓꌬ/ꂶꌠ/ꇬ/ꎭ/ꋺ，ꄷꀋꁧ/ꆏ/ꀊꄶꇬ/ꄉ/ꉠ/ꏯ/ꅇꏤ/ꒃ/ꀐ。ꆏ/ꀋꃅ/ꄐꏤ/ꌊ/ꄉ/ꄚ/ꋌ/ꈚ/ꐞ/ꑲꆀ，ꀱ/ꅽ/ꃅꄷ/ꉜꄉ/ꁧ’ꄷ” ꄷ。
14 ꇁꏣ/ꌋꆀ/ꆺꑸ/ꑋ/ꑠꃅ/ꑸꇱ/ꏭ/ꅇꀱ：“ꉪ/ꀉꄉ/ꄰ/ꁨꇐ/ꉣꑊ/ꃤ/ꋍ/ꁧ/ꇫꐊ/ꈨ/ꀋ/ꉬ/ꀐ/ꃅꄉ，ꍸꇐ/ꈨ/ꑌ/ꉣꑊ/ꋌ/ꊊ/ꀋ/ꇁ/ꀐ/ꌠꄹ。 15 ꉣꑊ/ꋌ/ꌌ/ꉇꉻ/ꊿ/ꃅ/ꀋ/ꄉ/ꅀ？ ꑞꃅꆏ，ꉣꑊ/ꋌ/ꃷ/ꇫꎭ/ꇈ，ꃷꁌ/ꈧꌠ/ꋌ/ꑍ/ꈌ/ꊎ/ꀐ。 16 ꎆꋚ/ꉪ/ꀉꄉ/ꄷꄉ/ꏃꃅꌋ/ꇑꌊ/ꈀꇁ/ꌠꃅ，ꐯꇯ/ꉣꑊ/ꌋꆀ/ꉣꑊ/ꀉꑳ/ꈧꌠ/ꃤ/ꉬ/ꀐ。ꀋꃅ/ꏃꃅꌋ/ꅽ/ꏯ/ꑞ/ꄹ/ꆏ，ꆏ/ꑞ/ꃅ/ꄹ/ꌶ” ꄷ。
17 ꄚꄉ，ꑸꇱ/ꆹ/ꋍ/ꀋꃀ/ꀉꑳ/ꈧꌠ/ꐯꇯ/ꋌ/ꄻ/ꁖꅖꉼꃀ/ꋩꄉ/ꎻ/ꇈ， 18 ꊿ/ꁳ/ꎆ/ꈧꌠ/ꅸ/ꂴ/ꁧ/ꎻ； ꋍꈭꐨꆏ，ꋍ/ꁨꇐꄉꇐ/ꀠꄊꑸꇂ/ꄉ/ꈁꊌ/ꈧꌠ/ꃅ/ꋌ/ꏣꏑ/ꌊ/ꏦꇂ/ꃅꄷ/ꋍ/ꀉꄉ/ꑱꌒ/ꄷ/ꉜꄉ/ꁧ/ꀐ。
19 ꀊꋨ/ꄮꇬ，ꇁꀠ/ꆹ/ꑾꎭ/ꋍ/ꁧ/ꄉ/ꀁꇬ/ꀋ/ꐥ，ꑠꅹ，ꇁꏣ/ꆏ/ꋍ/ꀉꄉ/ꄰ/ꌦꁱꌊꁱ/ꈨ/ꋌ/ꈐꌊ/ꁧ/ꀐ。 20 ꑸꇱ/ꆹ/ꑸꇂ/ꊿ/ꇁꀠ/ꏭ/ꀋ/ꉉ/ꃅ，ꋍ/ꂾ/ꂁꄉ/ꁈ/ꁧ/ꀐ。 21 ꋌ/ꋍ/ꈁꁨꈀꄉ/ꈧꌠ/ꃅ/ꋌ/ꏣꏑ/ꌊ/ꁈ/ꏭꃅ/ꁈ/ꁧ，ꋍꈭꐨꆏ，ꋀꊇ/ꒀꃔꇁꄂ/ꒊꃀ/ꂠꌠ/ꐂ/ꇈ，ꏸꆺ/ꃅꄷ/ꉘꁌ/ꏭ/ꉜꄉ/ꆹ/ꀐ。
ꇁꀠ/ꊁꄉ/ꑸꇱ/ꈹ/ꁧ
22 ꊁ/ꌕ/ꑍ/ꐛ/ꄹꉇ/ꌠꆏ，ꊿ/ꇁꀠ/ꏭ：“ꑸꇱ/ꁈꁧ/ꀐ”ꃅ/ꉉ/ꇁꌠ/ꐥ。 23 ꄚꄉ/ꇁꀠ/ꆏ/ꋍ/ꏣꑟ/ꈧꌠ/ꋌ/ꄏꌊ/ꑸꇱ/ꈹ/ꁧ。ꏃ/ꑍ/ꈹ/ꈭꐨ/ꑲꆀ，ꏸꆺ/ꉘꁌ/ꇬꄉ/ꑸꇱ/ꋀ/ꈹ/ꅞ。 24 ꀊꋨ/ꄹꉖ/ꈊꃀ/ꆏ，ꇁꀠ/ꀄꂼ/ꂻ/ꇈ，ꏃꃅꌋ/ꇁ/ꋍ/ꏭ：“ꆏ/ꋓꉪꁨꄉ！ ꑸꇱ/ꏭ/ꇷꇋ/ꀋ/ꉆ” ꄷ。
25 ꇁꀠ/ꈹ/ꅞ/ꊁ/ꂥ/ꄮꇬ，ꑸꇱ/ꄰ/ꆹ/ꏸꆺ/ꃅꄷ/ꉘꁌ/ꇬꄉ/ꁁꑳ/ꋉ/ꀊꄶ/ꀀ； ꄚꄉ，ꇁꀠ/ꌋꆀ/ꋍ/ꏣꑟ/ꈧꌠ/ꑌ/ꁁꑳ/ꋀ/ꋉꄉ/ꀊꄶꇬ/ꀀ/ꀐ。 26 ꇁꀠ/ꆏ/ꑸꇱ/ꏭ：“ꆏ/ꑞꃅ/ꌤ/ꑠ/ꃅ/ꌠꉬ？ ꆏ/ꉠ/ꃀ/ꂁꄉ/ꇈ，ꂗꍵ/ꑱꃀ/ꌊ/ꊾꇬ/ꇑ/ꌠ/ꌟꃅ/ꉠ/ꀋꃋ/ꆏ/ꏃ/ꁧ。 27 ꆏ/ꑞꃅ/ꉠ/ꏯ/ꀋ/ꉉ/ꃅ/ꂁꄉ/ꁈꁧ/ꌠꉬ？ ꆏ/ꉉ/ꉡ/ꇰ/ꑲꆀ，ꉢ/ꁳ/ꑵꉙ/ꑵ、ꇬꋒ/ꅥ、ꁀꁻ/ꈷ/ꄉ/ꇈ，ꉌꇿꑓꇿꃅ/ꆏꏁꆎꎭ/ꎻ/ꀋ/ꉆ/ꅀ？ 28 ꆏ/ꉈꑴ/ꉢ/ꁳ/ꉠ/ꇖꑳꇖꂵ/ꈧꌠ/ꌋꆀ/ꀋꃋ/ꁧꇉ/ꑌ/ꁬ/ꀋꎽꃅ/ꁧ，ꆏ/ꑞꃅ/ꑠꃅ/ꇰ/ꌠꉬ！ 29 ꆏ/ꉢ/ꌌ/ꇧꁠ/ꄎ/ꌠꉬ，ꄚ，ꀋꅝꉖ/ꈊꃀ，ꅽ/ꀉꄉ/ꇬ/ꏭ/ꇗꅉꃅꌠ/ꏃꃅꌋ/ꉠ/ꏯ：‘ꆏ/ꋓꉪꁨꄉ！ ꑸꇱ/ꏭ/ꇷꇋ/ꀋ/ꉆ’ꃅ/ꉉ。 30 ꆏ/ꅽ/ꀉꄉ/ꏤꅍ/ꁧꏾꐯꁧꏾꌠ/ꉢ/ꅉꐚ，ꄚ/ꑠꃅ/ꑴꇬ，ꆏ/ꉠ/ꌦꁱꌊꁱ/ꈧꌠ/ꆏ/ꈐꌊ/ꁧ/ꑵꀋꉬ/ꀐ/ꃅꄉ？” ꄷ。
31 ꑸꇱ/ꆏ/ꇁꀠ/ꏭ：“ꉡ/ꆹ/ꆏ/ꉠ/ꇇꈐ/ꇬꄉ/ꅽ/ꀋꃋ/ꆏ/ꇑꌊ/ꁧ/ꏦ/ꄉ，ꁈ/ꇁ/ꌠꉬ。 32 ꅽ/ꌦꁱꌊꁱ/ꃅꄉꇬꆏ，ꆏ/ꈀꄸ/ꇭꀧ/ꇬꄉ/ꀧꅜ/ꆏ，ꈀꄸ/ꇫꐥ/ꀋꋭ/ꀐ/ꌠꉬ； ꆏ/ꉠ/ꑭꊂ/ꊿ/ꈧꌠ/ꂾ/ꄉ/ꀧ/ꉚ，ꀋꄸꄷ/ꎊꈬꂷꇁ/ꅽ/ꃤ/ꆹ/ꇫꐊ/ꑲꆏ，ꆏ/ꁨ/ꌌꁧ/ꄹꌶ” ꄷ。ꑸꇱ/ꆹ/ꊇꅉꇬ/ꌦꁱꌊꁱ/ꈨ/ꇁꏣ/ꈐꌊ/ꇁ/ꀐꌠ/ꋌ/ꇫ/ꅉꀋꐚ。
33 ꇁꀠ/ꂴꆏ/ꇁ/ꑸꇱ/ꁁꑳ/ꇬ/ꀧ/ꉚ，ꊁꆏ/ꇁ/ꆺꑸ/ꌋꆀ/ꁏꃀ/ꑍ/ꂷ/ꌠ/ꁁꑳ/ꇬ/ꀧ/ꉚ，ꄚ/ꑡ/ꍈ/ꑌ/ꋌ/ꋋ/ꀧꀋꊌ； ꄚꄉ/ꅐ/ꇁ/ꇈ，ꋌ/ꆹꌊ/ꇁꏣ/ꁁꑳ/ꇬ/ꀧ/ꉚ。 34 ꇁꏣ/ꆹ/ꌦꁱꌊꁱ/ꋌ/ꂁ/ꁖꅖꉼꃀ/ꃅꊀ/ꇂꃴ/ꊐꄉ/ꇈ，ꋍ/ꄩ/ꄸꋩ/ꑌ。ꁁꑳ/ꈐꏭꃅ/ꇁꀠ/ꀧ/ꈴ/ꌐ/ꀐ，ꄚ/ꑞ/ꑌ/ꋌ/ꋋ/ꀧꀋꊌ。
35 ꇁꏣ/ꆏ/ꋍ/ꀉꄉ/ꏭ：“ꉢ/ꀋꃅ/ꋋꇅꇬ/ꇭꀧ/ꐛꀋꌒꀕ/ꃅꐙ/ꄉ，ꅽ/ꂾ/ꄓ/ꇁ/ꀋ/ꉆ/ꀐ，ꀉꄉ/ꀋ！ ꆏ/ꑴꌠ/ꇨꇅꄡꃃ/ꅊꇈ！” ꄷ。ꑠꃅꄉ，ꇁꀠ/ꈍꃅ/ꀧ/ꉚ/ꄿꂿ，ꋍ/ꏤ/ꑭꊂ/ꌦꁱꌊꁱ/ꋌ/ꋋ/ꀧꀋꅞ。
36 ꄚꄉ，ꑸꇱ/ꇨꇅꃃꌌ/ꇁꀠ/ꏭ/ꑠꃅ/ꊨ：“ꉢ/ꑡ/ꃅꑽꏿꑽꅍ/ꐥ？ ꑞ/ꑽꃤ/ꈨ/ꉢ/ꐆ/ꇫꄉ/ꀌ，ꆏ/ꑠꃅꄉ/ꉢ/ꈹ/ꇁ/ꌠꉬ？ 37 ꉠ/ꎊꈬꂷꇁ/ꈧꌠꃅ/ꆏ/ꀧ/ꈴ/ꌐ/ꀐ，ꊵꑵ/ꆏ/ꀧꅜ/ꅍ/ꐤꀕ？ ꐥ/ꑲꆏ，ꄻ/ꄚ/ꊿ/ꈧꌠ/ꂾ/ꐕꄉ/ꇁ/ꑲꆀ，ꋀꊇ/ꁵ/ꅽꉣꑊ/ꇢꊭ/ꇬ/ꉬ/ꀋ/ꉬ/ꌠ/ꉉ/ꇁ/ꎻ。 38 ꉢ/ꅽ/ꅍ/ꐥ/ꋋ/ꑍꊏ/ꈎ/ꇬ，ꅽ/ꍶꃀ/ꒀꃀ/ꂷ/ꉢ/ꄝ/ꌺꇗ/ꀋ/ꋻ； ꅽ/ꍶꁮ/ꑻꇅ/ꑠ/ꋍ/ꂷ/ꂯ/ꉢ/ꌌ/ꌉ/ꋠ/ꀋꋻ； 39 ꎆ/ꑋꁮꉆꁮ/ꑝ/ꌦꌠ/ꑌ，ꉢ/ꈻꌊ/ꆏ/ꀦ/ꀋꇁ/ꃅꄉ，ꉠ/ꊨꏦ/ꀵ； ꂵꆧ/ꉬ/ꄿꂿ，ꈊꃀ/ꉬ/ꄿꂿ，ꅽ/ꎆ/ꊿ/ꈐꌊ/ꁧ/ꑲꆏ，ꆏ/ꄻ/ꉢ/ꁳ/ꀵ/ꎻ/ꇬꎷ； 40 ꉢ/ꂵꆧ/ꃅꊸ/ꆗ，ꀑꃶꑓꈹꊐ； ꈊꃀ/ꉈꐎ/ꆽ，ꑭꃺꇇꏵ/ꏽ，ꀀ/ꌒ/ꑠ/ꉔ/ꀀ/ꀋꋻ。 41 ꉢ/ꃅ/ꌡ/ꇌ/ꌡ/ꃅ/ꅽ/ꅍ/ꑍꊏ/ꈎ/ꐥ，ꅽ/ꀋꃋ/ꑍ/ꂷ/ꌠ/ꐛꅹ/ꃅꄉ/ꅽ/ꎁꃅ/ꊯꇖ/ꈎ/ꑘꃅꃤꑽ，ꉈꑴ/ꅽ/ꍶ/ꑿ/ꃘ/ꈓ/ꂷ/ꆫꉘ/ꀐ，ꄚ/ꑠꃅ/ꑴꇬ，ꉠ/ꊋꃅ/ꁌ/ꍇꌠ/ꇯꆏ，ꆏ/ꌌ/ꊰ/ꃢ/ꄺ/ꀱ。 42 ꀋꄸꄷ/ꏃꃅꌋ/ꉠ/ꀉꁌ/ꑸꀨꇁꉴ/ꇬ/ꏭ/ꇗꅉꃅ、ꉠ/ꀉꄉ/ꑱꌒ/ꑌ/ꇬ/ꏭ/ꇗꅉꃅ/ꂶꌠ/ꉢ/ꈽ/ꐥꄉ/ꉡ/ꀧꌋꀋꃅ/ꑲꆏ，ꀃꑍ/ꋋ/ꄮ/ꉡ/ꆹ/ꈍꃅꑌ/ꇇ/ꆹ/ꈥꇤꀕꃅ/ꆏ/ꇤꅷ/ꇫꎭ/ꌠꉬ，ꄚ，ꉠ/ꎭꅌꅦꑌ/ꌋꆀ/ꃅꐨꑽꑌ/ꑠ/ꏃꃅꌋ/ꂿ/ꀐ/ꐛꅹ，ꀋꅝꉖ/ꈊꃀ/ꋌ/ꇁꌊ/ꅽ/ꏯ/ꊨ/ꌠꉬ” ꄷ。
ꑸꇱ/ꌋꆀ/ꇁꀠ/ꑋ/ꏤꐪ/ꒃ
43 ꇁꀠ/ꆏ/ꑸꇱ/ꏭ/ꑠꃅ/ꅇꀱ：“ꀋꃋ/ꑌ/ꉠ/ꀋꃋ，ꀉꑳ/ꋋ/ꈨ/ꑌ/ꉠ/ꇖꑳ/ꇖꂵ，ꎆ/ꋋ/ꊈ/ꇯꆎ/ꉠ/ꃤ/ꉬ； ꅽ/ꂴꆽ/ꆏ/ꈀꂿ/ꈧꌠ/ꃅ/ꉠ/ꃤ/ꉬ/ꌐ。ꄚ，ꀃꑍ/ꉠ/ꀋꃋ/ꌋꆀ/ꉠ/ꇖꑳ/ꇖꂵ/ꋋ/ꈨ/ꉢ/ꋋ/ꇬ/ꉠ/ꄹ/ꎼꄉ/ꇈ/ꀋ/ꄐ/ꑲꆏ，ꉢ/ꈍꃅ/ꑴꌦ/ꂯ？ 44 ꁨ/ꇁ！ ꅽ/ꉣꑊ/ꏤꐪ/ꒃꄉ/ꑲꆀ，ꄻ/ꉣꑊ/ꇢꊭ/ꇬ/ꊫꄲꌐꂷ/ꃅꄉ/ꂿ” ꄷ。
45 ꄚꄉ/ꑸꇱ/ꆏ/ꇓꂵ/ꂷ/ꋌ/ꄌꌊ/ꇁ/ꇈ，ꋌ/ꄖ/ꇓꌬ/ꃅ/ꀍꉀ/ꋉꄉ。 46 ꑸꇱ/ꋍ/ꑭꊂ/ꊿ/ꈧꌠ/ꏭ：“ꇓꂵ/ꉅꌊ/ꐮꁧ/ꇁ” ꄷ。ꄚꄉ/ꇓꂵ/ꈨ/ꋀꊇ/ꉅꌊ/ꇓꌬ/ꂶꌠ/ꈭꇍ/ꁧꄉ/ꇈ，ꈀꄸ/ꑌ/ꇓꂵ/ꁦꌠ/ꏢꁮ/ꇬ/ꑌꄉ/ꋙꋠꒉꅝ。 47 ꇁꀠ/ꇓꂵ/ꀊꋨ/ꁧ/ꏭ/ꑱꏦꇓ.ꌒꉐꄗꄣ/ꄷa，ꑸꇱ/ꆏ/ꇓꂵ/ꀊꋨ/ꁧ/ꏭ/ꏦꆺꄓ/ꄷb。
48 ꋍꈭꐨꆏ，ꇁꀠ/ꆹ：“ꀃꑍ/ꇓꂵ/ꋋ/ꁧ/ꄻ/ꅽꉣꑊ/ꇢꊭ/ꇬ/ꊫꄲꌐꂷ/ꃅꄉ” ꄷꉉ，ꑠꅹ，ꀊꋩ/ꈚ/ꋀ/ꄻ/ꏦꆺꄓ/ꂓꄉ。 49 ꀊꋩ/ꈚ/ꉈꑴ/ꂰꌦꁁ/ꄷ/ꑌ/ꄹc，ꑞꃅꆏ，ꇁꀠ/ꆹ：“ꉣꑊ/ꐮꐞ/ꁧ/ꈭꐨꆏ，ꑳꀊꊆ/ꑓ/ꅑ/ꅽꉣꑊ/ꇢꊭ/ꉜ/ꅊꇈ” ꄷꉉ。 50 ꇁꀠ/ꊛꄉ/ꇬꏭ：“ꀋꄸꄷ/ꆏ/ꄸ/ꃅ/ꉠ/ꀋꃋ/ꊝ，ꅀ/ꉠ/ꀋꃋ/ꀉꄂ/ꀋ/ꉬ/ꃅ，ꑮꃀ/ꀉꁁ/ꑠ/ꑌ/ꒃ/ꇬꆹ，ꊿ/ꅇꊪꌬꌠ/ꀋ/ꐥ/ꑴꇬ，ꆏ/ꎺꄉ！ ꅽ/ꉣꑊ/ꇢꊭ/ꇬ/ꏃꃅꌋ/ꑓ/ꅑ/ꇬꉚꄉ/ꌠꉬ” ꄷ。
51 ꇁꀠ/ꉈꑴ/ꑸꇱ/ꏭ：“ꆏ/ꇬ/ꉚ！ꇓꂵ/ꌋꆀ/ꇓꌬ/ꁧ/ꉢ/ꄻ/ꉣꑊ/ꇢꊭ/ꇬ/ꄉ/ꀐ。 52 ꇓꂵ/ꋋ/ꁧ/ꆹ/ꊫꄲꌐꂷ/ꉬ，ꇓꌬ/ꋋ/ꁧ/ꑌ/ꊫꄲꌐꂷ/ꉬ； ꉢ/ꈍꃅꑌ/ꇓꂵ/ꋋ/ꁧ/ꈋꉈ/ꐂ/ꄉ/ꅽ/ꏯ/ꀋ/ꒉ，ꆎ/ꑌ/ꇓꂵ/ꌋꆀ/ꇓꌬ/ꋋ/ꁧ/ꈋꉈ/ꐂ/ꄉ/ꉢ/ꉮ/ꇁ/ꀋ/ꉆ。 53 ꅽ/ꀉꁌ/ꑸꀨꇁꉴ/ꏃꃅꌋ/ꌋꆀ/ꉠ/ꀉꁌ/ꆿꉼ/ꌋ/ꂶꌠ，ꐯꇯ/ꅽꉣꑊ/ꇢꊭ/ꇬ/ꉬ/ꀋ/ꉬ/ꌠ/ꊨꄅ/ꇁ/ꅊꇈ” ꄷ。
ꄚꄉ，ꑸꇱ/ꆹ/ꋍ/ꀉꄉ/ꑱꌒ/ꇬ/ꏭ/ꇗꅉꃅ/ꌠ/ꏃꃅꌋ/ꏭ/ꄐꄉ/ꅇꏤ/ꒃ/ꀐ。 54 ꋍꈭꐨꆏ，ꑸꇱ/ꉈꑴ/ꉘꁌ/ꇬ/ꄉ/ꎆ/ꌉ/ꄉ/ꆦꑝ/ꇈ，ꋍ/ꑭꊂ/ꊿ/ꈧꌠ/ꃅ/ꋌ/ꇴꌊ/ꋙꋠ/ꇁ； ꋀꊇ/ꋠ/ꈭꐨꆏ，ꋋ/ꄹꉖ/ꄚ/ꉘꁌ/ꋋ/ꂷ/ꇬ/ꈿ。
55 ꊁ/ꄹꉇ/ꃅꄜꆏ，ꇁꀠ/ꄓꌊ/ꄉ/ꋍ/ꇖꑳ/ꇖꂵ/ꈧꌠ/ꌋꆀ/ꀋꃋ/ꁧꇉ/ꇬ/ꁬ/ꇈ，ꋬꂻ/ꄻ/ꋀꊇ/ꁵ。ꋍꈭꐨꆏ，ꋌ/ꀱ/ꉈꑴ/ꋍ/ꃅꄷ/ꁧ/ꀐ。