30
1 ꇁꏣ/ꆹ/ꋍ/ꊨꏦ/ꑸꇱ/ꄷ/ꄉ/ꌹ/ꍈ/ꀋ/ꊌ/ꇬꆏ，ꋌ/ꋍ/ꃺꃀ/ꂶꌠ/ꊂ/ꉈꈻꃴꆅ/ꇁ/ꄉ，ꑸꇱ/ꏭ：“ꆏ/ꀉꑳ/ꍈ/ꄻ/ꉢ/ꁳ，ꑠ/ꀋꉬ/ꑲꆏ，ꉢ/ꌦ/ꀐ” ꄷ。2 ꑸꇱ/ꇨꇅꃃ/ꄉ/ꇁꏣ/ꏭ：“ꆏ/ꁳ/ꌺꒆꇖꉘ/ꀋ/ꄐ/ꎻ/ꌠ/ꆹ/ꏃꃅꌋ/ꉬ，ꉢ/ꋍ/ꎃꊐꄉ/ꃅ/ꄎ/ꑴꅀ？” ꄷ。
3 ꇁꏣ/ꆏ：“ꉠ/ꁏꃀ/ꀺꇁ/ꄚꇬ/ꍨ！ ꆏ/ꋌ/ꈽ/ꀀ/ꑲꆀ，ꋌ/ꁳ/ꉠ/ꎁꃅ/ꀉꑳ/ꍈ/ꊌ/ꎻ，ꑠꃅ/ꑲꆏ，ꋍ/ꇇꄧ/ꈴ/ꄉ/ꉡ/ꑌ/ꌺꇖ/ꊂꋊ/ꈨ/ꐥ/ꇁ/ꌠꉬ/ꀐ” ꄷ。
4 ꑠꃅꄉ，ꇁꏣ/ꋍ/ꁏꃀ/ꀺꇁ/ꂶꌠ/ꋌ/ꄻ/ꋍ/ꌐꃶ/ꁳ/ꀊꏀ/ꃅ/ꎻ/ꇈ，ꑸꇱ/ꇁ/ꇬ/ꈽ/ꀀ/ꀐ。 5 ꊁꆏ/ꀺꇁ/ꃴꑌ/ꇈ，ꑸꇱ/ꄷ/ꄉ/ꌹ/ꍈ/ꊌ/ꀐ。 6 ꇁꏣ/ꑠꃅ/ꉉ：“ꏃꃅꌋ/ꉠ/ꎁꃅ/ꑗꊨꈨꇚ，ꉠ/ꇖꅇꂟꅇ/ꅲ/ꀐ/ꐛꅹ，ꌹ/ꍈ/ꋌ/ꄻ//ꉢ/ꁳ/ꀐ” ꄷ。ꄚꄉ，ꌺ/ꍇꌠ/ꋌ/ꄻ/ꄊ/ꂓꄉa 。
7 ꇁꏣ/ꁏꃀ/ꀺꇁ/ꉈꑴ/ꃴꑌ/ꇈ，ꑸꇱ/ꄷ/ꄉ/ꌺ/ꑍ/ꂷ/ꂶꌠ/ꊌ/ꌦ/ꀐ。 8 ꇁꏣ/ꑠꃅ/ꉉ：“ꉠ/ꃺꃀ/ꉣꑊ/ꐯ/ꅒ/ꇧꁠ/ꇈ，ꉢ/ꊋ/ꀐ” ꄷ。ꄚꄉ，ꌺ/ꍇꌠ/ꋌ/ꄻ/ꇂꃛꄣꆀ/ꂓꄉb。
9 ꆺꑸ/ꆹ/ꊨꏦ/ꋍ/ꊭ/ꇬ/ꌺꁨꇖꒆ/ꀋ/ꉆ/ꌠ/ꋌ/ꅉꐚ/ꇬꆏ，ꋍ/ꁏꃀ/ꑭꁁ/ꂶꌠ/ꋌ/ꄻ/ꑸꇱ/ꁳ/ꀊꏀ/ꃅ/ꎻ。 10 ꆺꑸ/ꁏꃀ/ꑭꁁ/ꆹ/ꑸꇱ/ꄷ/ꄉ/ꌹ/ꍈ/ꊌ/ꀐ。 11 ꆺꑸ/ꆏ：“ꉢ/ꈍꃅ/ꎭꈓ/ꐊ/ꉏ！” ꄷ/ꉉ。ꄚꄉ，ꀉꑳ/ꍇꌠ/ꋌ/ꄻ/ꏦꄓ/ꂓꄉc 。
12 ꆺꑸ/ꁏꃀ/ꑭꁁ/ꊁ/ꑸꇱ/ꄷ/ꄉ/ꌺ/ꑍ/ꂷ/ꂶꌠ/ꊌ/ꌦ/ꀐ。 13 ꆺꑸ/ꆏ：“ꉢ/ꈍꃅ/ꉌꂵ/ꌒ/ꉏ！ ꌋꅪ/ꃅ/ꉠ/ꏯ/ꉌꂵ/ꌒ/ꃅ/ꉉ/ꌐ” ꄷ。ꄚꄉ，ꀉꑳ/ꍇꌠ/ꋌ/ꄻ/ꑸꎹ/ꂓꄉd。
14 ꎭꒇꎬꇤ/ꄮꐰ，ꑘꀝ/ꆹ/ꃄꅉ/ꇬꄉ/ꌺ/ꊌ/ꂶꂷ/ꑠ/ꑵ/ꋌ/ꊌ/ꄉ，ꋌ/ꑣ/ꌊ/ꋍ/ꀉꂿ/ꆺꑸ/ꁵ/ꇁ。ꇁꏣ/ꆏ/ꆺꑸ/ꏭ：“ꅽ/ꌺ/ꑣ/ꌊ/ꇁꌠ/ꌺ/ꊌ/ꂶꂷ/ꈧꌠ/ꋍ/ꈨ/ꄻ/ꉢ/ꁳ/ꀞ” ꄷe。
15 ꆺꑸ/ꆏ/ꇁꏣ/ꏭ：“ꉠ/ꁦꋠ/ꆏ/ꇑꌊ/ꁧꌠ/ꀋ/ꇎ/ꑴꌦ/ꅀ/ꑞꃅ/ꀌ，ꆏ/ꀋꃅ/ꉠ/ꌺ/ꄷ/ꌺ/ꊌ/ꂶꂷ/ꇯ/ꆏ/ꇑ/ꇁ/ꑴꌦ/ꀋꂸ！” ꄷ。
ꇁꏣ/ꆏ/ꇬ/ꏭ：“ꀋꄸꄷ/ꆏ/ꅽ/ꌺ/ꃤ/ꌺ/ꊌ/ꂶꂷ/ꈧꌠ/ꄻ/ꉢ/ꁳ/ꑲꆏ，ꑸꇱ/ꁳ/ꀃꂰ/ꅽ/ꄹ/ꀀ/ꇁ/ꎻ/ꂿ” ꄷ。
16 ꃅꈊ/ꇀ/ꄮꇬ/ꆏ，ꑸꇱ/ꎭꃅ/ꇬꄉ/ꀱ/ꇁ/ꇈ，ꆺꑸ/ꅐ/ꉈꏭ/ꄉ/ꋋ/ꋩ/ꒉ，ꇬ/ꏭ：“ꆏ/ꀃꂰ/ꈍꃅꑌ/ꉢ/ꈽ/ꀀ/ꑲꆀ/ꍑ/ꀐ，ꑞꃅꆏ，ꉠ/ꀉꑳ/ꃤ/ꌺ/ꊌ/ꂶꂷ/ꌊ/ꄉ/ꆏ/ꉢ/ꀠ/ꌊ/ꇁ/ꀐ” ꄷ。ꑠꃅꄉ，ꀊꋨ/ꄹꉖ/ꑸꇱ/ꆹ/ꆺꑸ/ꈿ/ꀀ/ꀐ。
17 ꏃꃅꌋ/ꆺꑸ/ꈼꅇꂟꅇ/ꅲ/ꄉ，ꆺꑸ/ꆹ/ꃴꑌ/ꇈ，ꑸꇱ/ꄷ/ꄉ/ꌺ/ꉬ/ꑻ/ꂶꌠ/ꊌ/ꀐ。 18 ꆺꑸ/ꆏ：“ꉠ/ꁏꃀ/ꉢ/ꄻ/ꉠ/ꌐꃶ/ꁵ/ꐛꅹ，ꏃꃅꌋ/ꉡ/ꂄ/ꀱ/ꀐ” ꄷ。ꄚꄉ，ꀉꑳ/ꍇꌠ/ꋌ/ꄻ/ꑱꌒꏦ/ꂓꄉf。 19 ꋍꈭꐨ，ꆺꑸ/ꉈꑴ/ꃴꑌ/ꇈ，ꑸꇱ/ꄷꄉ/ꌺ/ꃘ/ꑼ/ꂶꌠ/ꊌ/ꀐ。 20 ꆺꑸ/ꆏ：“ꏃꃅꌋ/ꉡ/ꁌꒉꄣꅼ； ꉠ/ꌐꃶ/ꑸꇱ/ꈍꃅꑌ/ꉡ/ꁌꒉꄣꅼ/ꀐꌠ/ꄹ，ꑞꃅꆏ，ꉢ/ꋍ/ꎁꃅ/ꄉ/ꌺ/ꃘ/ꑼ/ꒆ/ꀐ” ꄷ。ꄚꄉ， ꀉꑳ/ꍇꌠ/ꋌ/ꄻ/ꑭꀯꇍ/ꂓꄉg。
21 ꊁꆏ/ꆺꑸ/ꆹ/ꀋꃋ/ꍈ/ꑌ/ꒆ/ꇈ，ꀋꃋ/ꍇꌠ/ꋌ/ꄻ/ꄂꇂ/ꂓꄉ。
22 ꏃꃅꌋ/ꇁꏣ/ꉜꅲ/ꄉ，ꇁꏣ/ꈼꅇꂟꅇ/ꋌ/ꈨ/ꀐ，ꄚꄉ，ꋌ/ꇁꏣ/ꁳ/ꌺꒆꇖꉘ/ꄎ/ꎻ。 23 ꑠꃅꄉ，ꇁꏣ/ꃴꑌ/ꇈ，ꌺ/ꇬꂾ/ꍇꌠ/ꊌ/ꀐ。ꇁꏣ/ꑠꃅ/ꉉ：“ꉠ/ꎲꄏꑎꏦꅍ/ꏃꃅꌋ/ꇱ/ꇔ/ꇫꎭ/ꌐ/ꀐ” ꄷ。 24 ꋌ/ꉈꑴ：“ꑳꀊꊆ/ꉈꑴ/ꌺ/ꁦꎆ/ꍈ/ꄻ/ꉢ/ꁳ/ꅊ/ꇈ” ꄷ/ꉉ。ꄚꄉ，ꀉꑳ/ꍇꌠ/ꋌ/ꄻ/ꒀꌝ/ꂓꄉh。
ꑸꇱ/ꏡꁈ/ꏂ/ꄉ/ꌣꈚ
25 ꇁꏣ/ꄷꄉ/ꌺ/ꒀꌝ/ꍇꌠ/ꊌ/ꈭꐨꆏ，ꑸꇱ/ꑠꃅ/ꇁꀠ/ꏭ/ꉉ：“ꆏ/ꉢ/ꁳ/ꀱ/ꉠ/ꃅꄷ/ꁧ/ꎻ/ꌶ！ 26 ꉈꑴ/ꉠ/ꑮꃀ/ꌋꆀ/ꀉꑳ/ꈧꌠ/ꑌ/ꄻ/ꉢ/ꇯ/ꎼ/ꁧ，ꋀꊇ/ꆹ/ꉢ/ꅽ/ꎁꃅ/ꑘꃅꃤꑽ/ꄉ/ꈁ/ꊌ/ꌠꉬ； ꉢ/ꈍꃅ/ꊋꇤ/ꄉ/ꑘꃅꃤꑽ/ꌠ/ꆏ/ꅉꐚ” ꄷ。
27 ꇁꀠ/ꆏ/ꇬ/ꏭ：“ꀋꄸꄷ/ꆏ/ꉢ/ꉚ/ꒉ/ꑲꆏ，ꑠꃅ/ꀋꇮ！ ꆏ/ꉢ/ꈽꄉ/ꊼꇅ/ꐤ/ꌦ，ꑞꃅꆏ，ꉠ/ꌦꁱꌊꁱ/ꈧꌠ/ꇬꄉ/ꉢ/ꌋ/ꉢ/ꍆ/ꅐ/ꇁ/ꀐ，ꑳꀊꊆ/ꆹ/ꅽ/ꒉꄸ/ꃅꄉ/ꋬꂻ/ꄻ/ꉢ/ꁳ/ꌠꉬ” ꄷ。 28 ꋌ/ꉈꑴ：“ꆏ/ꊋꃅ/ꁌ/ꈍꑋ/ꈁ/ꌠ/ꉠ/ꏯ/ꉉ，ꉢ/ꄻ/ꆏ/ꁳ/ꂿ” ꄷ。
29 ꑸꇱ/ꆏ/ꑠꃅ/ꋍ/ꏭ/ꉉ：“ꉢ/ꈍꃅ/ꊋꇤ/ꄉ/ꅽ/ꎁꃅ/ꑘꃅꃤꑽ，ꉈꑴ/ꅽ/ꎆ/ꉠ/ꇇꈐ/ꇬꄉ/ꈍꃅꐙ/ꌠ，ꋍ/ꑠ/ꆏ/ꅉꐚ/ꌐ/ꑴꀞ！ 30 ꉢ/ꄚꇬ/ꀋ/ꇁ/ꌦ/ꂾ，ꆏ/ꎆ/ꋚ/ꀉꑌꃅ/ꀋ/ꐥ，ꄚ/ꀃꑍ/ꋋꄮꆏ，ꅽ/ꎆꋚ/ꀉꑌꐯꀉꑌ/ꃅ/ꁦꎆ/ꀐ； ꑳꀊꊆ/ꆹ/ꉢ/ꈀꃅꌠ/ꇬ/ꈴ/ꄉ/ꋬꂻ/ꑠ/ꄻ/ꆏ/ꁳ/ꌠꉬ。ꄚ，ꉡ/ꆹ/ꈍꄮ/ꑲꆀ/ꉠ/ꊨꏦ/ꎁꃅ/ꄉ/ꑱꏂꇤꇫ/ꂯ/ꀋꆾ？” ꄷ。
31 ꇁꀠ/ꆏ：“ꉢ/ꑞ/ꄻ/ꆏ/ꁳ/ꄈ/ꍑ？” ꄷ。
ꑸꇱ/ꆏ/ꇬ/ꏭ：“ꆏ/ꑞ/ꑌ/ꄻ/ꉢ/ꁳ/ꌋꀋꌸ，ꄚ，ꀋꄸꄷ/ꆏ/ꉠ/ꌤ/ꋌ/ꐘ/ꈌꁧ/ꉢ/ꁳ/ꑲꆏ，ꉢ/ꊛꄉ/ꅽ/ꎆ/ꆫꉘ/ꂿ。 32 ꀃꑍꆏ，ꉢ/ꅽ/ꎆ/ꈧꌠ/ꈬ/ꇬ/ꉜ/ꈴ/ꑲꆀ，ꑿ/ꆈꁱꆈꋓꌠ/ꌋꆀ/ꀉꆈ/ꈧꌠ、ꍶ/ꆈꁱꆈꋓ/ꈧꌠ/ꐯꇯ/ꉻ/ꎼꇁ/ꌐ/ꇈ，ꎆ/ꑠꃅ/ꐙꌠ/ꆏ，ꄻ/ꉢ/ꁳ/ꎆꆫ/ꁌ/ꃅ/ꎻ。 33 ꊁꏭ，ꆏ/ꉠ/ꎆ/ꊋꃅ/ꁌ/ꃅ/ꆏ/ꄻ/ꉢ/ꁳꄉ/ꈧꌠ/ꉜ/ꇁ/ꇬ，ꀋꄸꄷ/ꎆ/ꈧꌠ/ꈬꄔ/ꇬ/ꍶ/ꑿ/ꆈꁱꆈꋓꌠ/ꌋꆀ/ꑿ/ꀉꆈ/ꌠ/ꀋ/ꉬ/ꌠ/ꑠ/ꆹ/ꇫ/ꐊ/ꑲꆏ，ꌌ/ꉢ/ꈐꌊ/ꇁ/ꌠ/ꌗ/ꃅꄉ。ꑠꃅ/ꑲꆏ，ꉢ/ꋋ/ꂷ/ꊿ/ꀋꎪ/ꂷ/ꉬ/ꅀ/ꀋ/ꉬ/ꌠ/ꄚꄉ/ꊨꄅ/ꀐ” ꄷ。
34 ꇁꀠ/ꆏ：“ꍑ！ꅽ/ꉉ/ꅇ/ꈴ/ꄉ/ꃅ/ꀋꆆ！”ꄷ。 35 ꄚ，ꀊꋨ/ꄹꉇꆏ，ꇁꀠ/ꆹ/ꍶꁮ/ꆈꁱꆈꋓꌠ、ꍶꃀ/ꆈꁱꆈꋓꌠ/ꌋꆀ/ꑿ/ꀉꆈ/ꈧꌠ/ꈀꐥꃅ/ꋌ/ꌋ/ꎼꇁ/ꇈ，ꋌ/ꏮ/ꋍ/ꌺ/ꈧꌠ/ꁵ/ꀐ。 36 ꋍꈭꐨꆏ，ꎆ/ꈧꌠ/ꋌ/ꅸ/ꐞ/ꁧ/ꇈ，ꇁ/ꑸꇱ/ꌋꆀ/ꃅꑍ/ꌕ/ꑍ/ꇢ/ꅉ/ꑠ/ꈚ/ꇬ/ꀀ； ꑸꇱ/ꆏ/ꇁꀠ/ꎆ/ꇫꋒ/ꇈ/ꈧꌠ/ꆫꉘ/ꇈ。
37 ꑸꇱ/ꆹ/ꀠꆿ、ꌧꑳ、ꇰꁧ/ꃅ/ꌩ/ꑠ/ꇬꄉ/ꌩꇇ/ꌺ/ꋌ/ꐔꌊ/ꄉ，ꁰꇷ/ꋍ/ꈨ/ꋌ/ꐒ/ꇫꎭ/ꇈ，ꋍꈚꋍꈚ/ꇬꆏ/ꐍꊭꃅ/ꇬꁖ。 38 ꌩꇇ/ꌺ/ꑅꇷ/ꐒꄉ/ꈧꌠ/ꋌ/ꉀ/ꒉꁦ/ꇬ/ꌋꆀ/ꇍꄳ/ꇬ/ꍣꄉ/ꇈ，ꌩꇇ/ꌺ/ꋌ/ꄻ/ꎆ/ꒉ/ꅝ/ꇁ/ꁆꏭ/ꊒꄉ。ꎆ/ꒉ/ꅝ/ꇀ/ꄮꇬ/ꆏ，ꀊꄶꇬ/ꄉ/ꐯꈹ/ꇗꇱ。 39 ꎆ/ꈧꌠ/ꌩꇇ/ꌺ/ꀊꋨ/ꈨ/ꏭ/ꊒꄉ/ꐯꈹ/ꇗꇱ/ꇈ，ꊁꆏ/ꍶꌺ/ꑾꌺ/ꆈꁱꆈꋓꌠ/ꏃ/ꇁ/ꀐ。 40 ꑸꇱ/ꆹ/ꍶꌺ/ꑾꌺ/ꆈꁱꆈꋓ/ꌋꆀ/ꀉꆈ/ꈧꌠ/ꋌ/ꉻ/ꎼꇁ/ꇈ，ꋌ/ꄻ/ꋍꊈꃅ/ꀉꁁ/ꋍ/ꈚ/ꎼ/ꄉ，ꇁꀠ/ꃤ/ꈧꌠ/ꌋꆀ/ꐯ/ꈽ/ꀋ/ꎽ。
41 ꎆ/ꎔ/ꌠ/ꐯꈹ/ꄮꇬ/ꆏ，ꑸꇱ/ꆹ/ꌩꇇ/ꌺ/ꋌ/ꉀ/ꒉꁦ/ꇬ/ꍣꄉ/ꇈ，ꎆ/ꈧꌠ/ꁳ/ꌩꇇ/ꌺ/ꏢꁮ/ꄉ/ꐯꈹ/ꇗꇱ/ꎻ。 42 ꄚ，ꎆ/ꈛꐚ/ꌠ/ꐯꈹ/ꄮꇬ/ꆏ，ꑸꇱ/ꆹ/ꌩꇇ/ꌺ/ꋌ/ꉀ/ꇬ/ꀋ/ꍣ。ꄚꄉ，ꎆ/ꈛꐚ/ꈧꌠ/ꆏ/ꇁꀠ/ꃤ/ꐛ，ꎆ/ꎔ/ꈧꌠ/ꆏ/ꇁ/ꑸꇱ/ꃤ/ꐛ/ꀐ。
43 ꑠꃅꄉ，ꑸꇱ/ꆹ/ꌣꈚ/ꄓꀋꄐ/ꀐ，ꋌ/ꍶ/ꑿ、ꁏꐚ、ꁖꅖꉼꃀ/ꌋꆀ/ꑾꃅꏷꀕ/ꑠ/ꀉꑌꐯꀉꑌꃅ/ꁨ/ꀐ。