ꑳꀊꊆ/ꋬꂻ/ꄻ/ꑱꌒ/ꁵ
26
1 ꀋꉊꂴ/ꑸꀨꇁꉴ/ꇫꐥ/ꄮꇬ，ꃱꉩꄸꌋ/ꑠ/ꊭ/ꊝ/ꋺ； ꀋꃅ/ꑌ/ꉈꑴ/ꃱꉩꄸꌋ/ꑠ/ꊭ/ꇫ/ꅐ/ꇁ/ꄉ，ꑱꌒ/ꆹ/ꏸꇁꇓ/ꏭ/ꉜꄉ/ꁧ，ꇓꈓ/ꀊꋨ/ꂷ/ꆹ/ꃏꆺꌧ/ꊿ/ꃰꃅ/ꑸꀘꂰꇍ/ꏲꄸꂠꉻ/ꉬ。2 ꋍ/ꑍ/ꆏ，ꑳꀊꊆ/ꑱꌒ/ꂾ/ꅐ/ꇁ/ꇈ，ꇬ/ꏭ：“ꆏ/ꉞꏹ/ꀁꋌ/ꏭ/ꄡ/ꒉ/ꃅ，ꃅꄷ/ꉢ/ꄐ/ꆏ/ꀦ/ꈚꌠ/ꇬ/ꀀ。 3 ꆏ/ꌞ/ꊿ/ꁠ/ꄚ/ꋌ/ꈚ/ꋍ/ꈭ/ꀀ，ꉢ/ꀋꎪꃅ/ꆏ/ꈽ/ꐥꄉ/ꋬꂻ/ꄻ/ꆏ/ꁳ，ꑞꃅꆏ，ꉢ/ꃄꅉ/ꋋꈨꃅ/ꄻ/ꆎ/ꌋꆀ/ꅽ/ꌺꇖ/ꊂꋊ/ꁵ/ꌠꉬ； ꉢ/ꀋꎪꃅ/ꉢ/ꅽ/ꀉꄉ/ꑸꀨꇁꉴ/ꏭ/ꈁꏤꄉꌠ/ꏤꐪ/ꈧꌠ/ꍬ。 4 ꉢ/ꆏ/ꁳ/ꌺꁬꇖꎶ/ꎻ，ꅽ/ꌺꇖ/ꊂꋊ/ꃅꃴ/ꃅꏸ/ꌟꃅ/ꐍꐷꀕ，ꄷꀋꁧ/ꃄꅉ/ꋋ/ꈨ/ꃅ/ꄻ/ꅽ/ꌺꇖ/ꊂꋊ/ꁵ。ꃄꅉ/ꇬ/ꇩꏤ/ꈀꐥꌠ/ꃅ/ꅽ/ꌺꇖ/ꊂꋊ/ꇇꄧ/ꈴ/ꄉ/ꋬꂻ/ꊌ， 5 ꑞꃅꆏ，ꑸꀨꇁꉴ/ꉠ/ꅇ/ꅲ/ꇈ，ꉠ/ꉉ/ꅇ/ꈴ/ꄉ/ꃅ，ꉠ/ꁵꅇ、ꉠ/ꏦꃤ、ꉠ/ꄹꏦ/ꑠ/ꍬ/ꀐ” ꄷ。
6 ꑠꃅꄉ，ꑱꌒ/ꆹ/ꏸꇁꇓ/ꋍ/ꃢ/ꀀ。
ꏸꇁꇓ/ꊿ/ꌋꆀ/ꑱꌒ/ꒉꇸꇉ/ꅔ
7 ꀊꄶꇬ/ꀀꌠ/ꁦꋠ/ꈧꌠ/ꋍ/ꑮꃀ/ꃆꂮ/ꅲ/ꇬꆏ，ꋋ/ꆏ：“ꀊꋨ/ꂷ/ꆹ/ꉠ/ꅫꃀ” ꃅ/ꉉ。ꑞꃅꆏ，ꆀꀙꏦ/ꅪꎔꅩꃨ/ꂷ/ꉬ/ꄉ，ꑱꌒ/ꆹ‘ꀊꋨ/ꂷ/ꉠ/ꑮꃀ/ꉬ’ꃅ/ꉉ/ꀋ/ꀬ，ꋍ/ꉌꂵ/ꇬ，ꀋꄸꄷ/ꋌ/ꑠꃅ/ꉉ/ꑲꆏ， ꆀꀙꏦ/ꐛꅹ/ꃅꄉ/ꀊꄶꇬ/ꊿ/ꈧꌠ/ꋌ/ꌉ/ꇁ/ꀐ/ꉂꃅꉪ。 8 ꑱꌒ/ꀊꄶꇬ/ꀊꉗꏢ/ꀀ/ꀐ。ꋍꑍꆏ，ꃏꆺꌧ/ꊿ/ꃰꃅ/ꑸꀘꂰꇍ/ꌍꑓ/ꇬ/ꈴ/ꄉ/ꏮ/ꀁꋌ/ꉜ/ꇬꆏ，ꑱꌒ/ꌋꆀ/ꆀꀙꏦ/ꑋ/ꐮꃈꐮꑐ/ꐺꌠ/ꋌ/ꊌꂿ。 9 ꄚꄉ，ꑸꀘꂰꇍ/ꆹ/ꑱꌒ/ꋌ/ꇴꌊ/ꇁ/ꇈ，ꇬ/ꏭ：“ꋌ/ꇯꍝꃅ/ꅽ/ꑮꃀ/ꉬ/ꅊꇈ/ꃅꄉ，ꆏ/ꑞꃅ/ꌌ/ꅽ/ꅫꃀ/ꃅ/ꉉ/ꌠꉬ？”ꄷ/ꅲ。
ꑱꌒ/ꆏ：“ꉡ/ꆹ/ꋍ/ꒉꄸ/ꃅꄉ/ꀑꇬ/ꁭ/ꏦ”ꄷ/ꅇꀱ。
10 ꑸꀘꂰꇍ/ꇬ/ꏭ：“ꆏ/ꑞꃅ/ꑠꃅ/ꉪꊇ/ꊝ/ꌠꉬ？ ꉹꁌ/ꈬꄔ/ꇬ/ꊿ/ꋍꈨꋋꈨ/ꅽ/ꑮꃀ/ꈿ/ꀀ/ꀋ/ꇊ/ꀐ，ꀋꄸꄷ/ꑠ/ꆹ/ꃅ/ꑲꆏ，ꉪꊇ/ꆏ/ꉮ/ꑽꃤ/ꇬ/ꃹ/ꀐ/ꌠꉬ” ꄷ。 11 ꄚꄉ，ꑸꀘꂰꇍ/ꃰꃅ/ꉹꁌ/ꋍꏅ/ꏭ/ꑠꃅ/ꅇꇰ：“ꊿ/ꇇ/ꐛ/ꊿ/ꋋ/ꂷ/ꅀ/ꋍ/ꑮꃀ/ꈁꄀ/ꌠꆏ，ꀋꎪꃅ/ꌦꃤ/ꀞ/ꇬ/ꁳ/ꌠꉬ” ꄷ。
12 ꑱꌒ/ꃅꄷ/ꀊꋩꈚ/ꄉ/ꋙꊪꒉꏽ，ꀊꋨ/ꄹꈎ，ꋚꇕ/ꋍ/ꁧ/ꊪꏽ/ꄉ/ꌠ/ꊁ/ꋍꉐ/ꁧ/ꁦꎆ/ꃅ/ꊌ，ꑞꃅꆏ，ꑳꀊꊆ/ꋬꂻ/ꄻ/ꋌ/ꁳ。 13 ꋍ/ꎆꋚ/ꋍꑍꋍꉙꃅ/ꏓꅉꇱꅉ/ꑟ/ꄉ，ꊁꆏ/ꋌ/ꌣꈚꄓꀋꄐ/ꑠ/ꂷ/ꐛ/ꀐ。 14 ꃏꆺꌧ/ꊿ/ꆹ/ꑱꌒ/ꇌ、ꍶ/ꑿ、ꁏꐚ/ꑠ/ꀉꑌꃅ/ꁨꌠ/ꋀ/ꂿ/ꇬꆏ，ꉈꈻꃴꆅ/ꌦꄉꏽ。 15 ꑠꅹ，ꀋꉊꂴ/ꏭ/ꋍ/ꀉꄉ/ꑸꀨꇁꉴ/ꇫꐥ/ꄮꇬ/ꅤꄉ/ꌠ/ꒉꇸꇉ/ꈧꌠ，ꈀꐥꃅ/ꌦꏭ/ꌊ/ꃏꆺꌧ/ꊿ/ꇱ/ꋍ/ꇫꎭ/ꌐ/ꀐ。
16 ꊁꆏ，ꑸꀘꂰꇍ/ꑱꌒ/ꏭ：“ꆏ/ꉪ/ꄷꄉ/ꐞ/ꁧ/ꑲꆀ/ꍑ，ꑞꃅꆏ，ꅽ/ꊋꃤ/ꉪ/ꏭꀋꋌ/ꃅ/ꀉꒉ/ꇨ” ꄷ。 17 ꄚꄉ，ꑱꌒ/ꆹ/ꃅꄷ/ꀊꋩꈚ/ꐞ/ꇁ/ꇈ，ꏸꇁꇓ/ꇁꄿ/ꄉ/ꁁꑳ/ꋉ/ꀊꄶꇬ/ꀀ。 18 ꋍ/ꀉꄉ/ꑸꀨꇁꉴ/ꇫꐥ/ꄮꇬ/ꒉꇸꇉ/ꀉꑌꃅ/ꅤ/ꄉ，ꄚ/ꑸꀨꇁꉴ/ꌦ/ꈭꐨꆏ，ꒉꇸꇉ/ꋋ/ꈨ/ꃏꆺꌧ/ꊿ/ꇱ/ꋍ/ꇫꎭ/ꀐ。ꊁꆏ，ꒉꇸꇉ/ꈧꌠ/ꉈꑴ/ꑱꌒ/ꇱ/ꅤ/ꄈ/ꌦ，ꄷꀋꁧ/ꒉꇸꇉ/ꂒ/ꑌ/ꋍ/ꀉꄉ/ꈀꋉ/ꄉ/ꇈ/ꈧꌠ/ꂓ。
19 ꋍ/ꑍ/ꆏ，ꑱꌒ/ꁏꐚ/ꈧꌠ/ꇁꄿ/ꇬ/ꒉꇸꇉ/ꅤ/ꇈ，ꒉꐬ/ꑠ/ꐬ/ꋀ/ꎹ/ꊊ/ꀐ。 20 ꏸꇁꇓ/ꃅꄷ/ꎆꆫ/ꊿ/ꌋꆀ/ꑱꌒ/ꎆꆫ/ꊿ/ꈧꌠ/ꇁ/ꐯꅒ，ꈀꄸꑌ：“ꒉꐬ/ꋋ/ꐬ/ꉪ/ꃤ” ꃅ/ꉉ。ꑱꌒ/ꆹ/ꒉꐬ/ꐫꌠ/ꋌ/ꄻ/ꀆꌝ/ꂓꄉa，ꑞꃅꆏ，ꏸꇁꇓꊿ/ꇁ/ꋋ/ꌋꆀ/ꐯꅒ。 21 ꑱꌒ/ꁏꐚ/ꈧꌠ/ꉈꑴ/ꒉꇸꇈ/ꂷ/ꋀ/ꅤ/ꄈ/ꌦ/ꇬꆏ，ꋀꊇ/ꄚꄉ/ꒉꇸꇉ/ꋋ/ꂷ/ꌌ/ꐯꅒ/ꌦ/ꀐ，ꑠꅹ，ꒉꇸꇉ/ꋋ/ꂷ/ꑱꌒ/ꌌ/ꑭꄝꇂ/ꂓꄉb。 22 ꋍꈭꐨꆏ，ꑱꌒ/ꀊꄶꄉ/ꐞ/ꁧ/ꇈ，ꉈꑴ/ꒉꇸꇈ/ꂷ/ꅤ/ꄈ/ꌦ/ꀐ，ꋌ/ꃢ/ꆏ/ꋀꊇ/ꐯꀋꅔ/ꀐ，ꑠꅹ，ꒉꇸꇉ/ꂶꌠ/ꋌ/ꄻ/ꆺꉼꀨ/ꂓꄉ。ꋌ/ꑠꃅ/ꉉ：“ꑳꀊꊆ/ꀋꃃꆏ/ꅔꈋ/ꀊꐯꌠ/ꑠ/ꋌ/ꄻ/ꉪ/ꁳ/ꀐ，ꉪꊇ/ꀋꎪꃅ/ꋌ/ꈚ/ꇬꄉ/ꁬꎶꐞꄿ/ꇁ/ꌠꉬ” ꄷ。
23 ꊁꆏ，ꑱꌒ/ꀊꋩꈚ/ꐞ/ꇈ，ꀙꏂꀠ/ꀍꉀ/ꏭ/ꉜꄉ/ꆹ。 24 ꀊꋨ/ꄹꉖ，ꑳꀊꊆ/ꋍ/ꂾ/ꅐ/ꇁ/ꄉ，ꇬ/ꏭ：“ꉡ/ꆹ/ꅽ/ꀉꄉ/ꑸꀨꇁꉴ/ꏃꃅꌋ/ꉬ，ꆏ/ꏸꏦ/ꌋ/ꀋꌸ！ ꑞꃅꆏ，ꉢ/ꆏ/ꈽ/ꐥ； ꉠ/ꁏꐚ/ꑸꀨꇁꉴ/ꐛꅹ/ꃅ，ꉢ/ꀋꎪꃅ/ꋬꂻ/ꄻ/ꆏ/ꁳ/ꄉ，ꅽ/ꌺꇖ/ꊂꋊ/ꁳ/ꀉꑌꐯꀉꑌ/ꃅ/ꁦꎆ/ꇁ/ꎻ” ꄷ。
25 ꄚꄉ，ꑱꌒ/ꆹ/ꇓꂵ/ꌊ/ꆦꑝ/ꅈ/ꂷ/ꋌ/ꋉ/ꀊꋩꈚ/ꇬ/ꐕꄉ/ꇈ，ꑳꀊꊆ/ꏭ/ꇗꅉꃅ，ꉈꑴ/ꁁꑳ/ꑌ/ꋉꄉ/ꀊꄶꇬ/ꀀ。ꋍ/ꁏꐚ/ꈧꌠ/ꀊꄶꇬ/ꄉ/ꒉꐬ/ꑠ/ꐬ/ꋀ/ꅤꄉ/ꀐ。
ꑱꌒ/ꌋꆀ/ꑸꀘꂰꇍ/ꑋ/ꏤꐪ/ꒃ
26 ꋍ/ꑍ/ꆏ，ꑸꀘꂰꇍ/ꆹ/ꋍ/ꇖꊩꄟꃀ/ꑸꃛꌒ/ꌋꆀ/ꋍ/ꂽ/ꏃ/ꌌꁈ/ꃏꇭ/ꑋ/ꋌ/ꏃ/ꏸꇁꇓ/ꄉ/ꑱꌒ/ꂿ/ꇁ。 27 ꑱꌒ/ꋀ/ꏭ：“ꆍꊇ/ꂴꏭ/ꄸ/ꃅ/ꉡ/ꊝꄉ，ꉢ/ꆍ/ꇱ/ꇤꅷ/ꇫꎭ/ꀐ/ꃅꄉ，ꀋꃅ/ꉠ/ꄹ/ꑞ/ꎹ/ꇁ/ꌠꉬ？” ꄷ/ꅲ。
28 ꋀꊇ/ꆏ/ꑠꃅ/ꅇꀱ：“ꑳꀊꊆ/ꆎ/ꀧꌋꃅ/ꌠ/ꑓꀠꀕ/ꃅ/ꉪ/ꂿ/ꀐ，ꑠꅹ，ꉪ/ꉜꇬ，ꅽ/ꉪ/ꑍ/ꁯ/ꋍꈜ/ꄉ/ꏍ/ꅇ/ꉉ、ꏤꐪ/ꒃ/ꄡꑟ； 29 ꑠꃅ/ꑲꆏ，ꂴꏭ/ꉪꊇ/ꆏ/ꀋ/ꉮ、ꂄꃅ/ꆎ/ꊝ/ꇬꎷ，ꄷꀋꁧ/ꆏ/ꁳ/ꋬꂻ/ꃅꄉ/ꁧ/ꎻꌠ/ꌟꃅ，ꆎ/ꑌ/ꉪꊇ/ꉮ/ꀋ/ꇁ/ꀐ。ꆎ/ꆹ/ꑳꀊꊆ/ꄷꄉ/ꋬꂻ/ꆏ/ꊌ/ꀐ/ꌠꉬ/ꅊꇈ” ꄷ。
30 ꄚꄉ/ꑱꌒ/ꎧꀞꎸꀞ/ꄉ/ꋀ/ꌵꏢ/ꇈ，ꋀꊇ/ꐯꇯ/ꋟꑌꋠ、ꅜꑌꅝ/ꀐ。 31 ꊁ/ꄹꉇ/ꃅꄜꀕ/ꆏ，ꋀꊇ/ꄓꌊ/ꄉ/ꐮꏯ/ꅇꏤ/ꒃ。ꋍꈭꐨꆏ，ꊿ/ꈧꌠ/ꑱꌒ/ꇱ/ꏃ/ꇫꎭ/ꇈ，ꌤꀋꐥꆿꀋꐥꃅ/ꋍ/ꄷ/ꄉ/ꁧ/ꀐ。
32 ꀊꋨ/ꄹꉇ，ꑱꌒ/ꁏꐚ/ꆹ/ꒉꇸꇉ/ꅤ/ꌠ/ꃆꂮ/ꑠ/ꉉ/ꑱꌒ/ꇰ/ꇁ，ꋀꊇ：“ꀆꐒ/ꉪ/ꎹ/ꊊ/ꀐ” ꃅ/ꉉ。 33 ꄚꄉ，ꒉꇸꇉ/ꀊꋨ/ꂷ/ꋌ/ꄻ/ꏂꀠ/ꂓꄉc，ꊁꆏ，ꇓꈓ/ꂶꌠ/ꋀ/ꌌ/ꀙꏂꀠ/ꂓ/ꄉ，ꅑꅸ/ꀃꑍ/ꋋꄮ/ꑟ。
ꑱꌕ/ꑮꃀ/ꑍ/ꂷ/ꒃ