ꑸꀨꇁꉴ/ꃀꐚ
25
1 ꑸꀨꇁꉴ/ꉈꑴ/ꑮꃀ/ꏸꄲꇁ/ꂓ/ꑠ/ꂷ/ꒃ/ꀐ。 2 ꋌ/ꏸꄲꇁ/ꄷꄉ/ꌺ/ꑟꇂ、ꒀꎭ、ꂰꄊ、ꂰꄆ、ꑱꏂꀠ/ꌋꆀ/ꎺꑸ/ꃅ/ꑠ/ꈨ/ꐥ。 3 ꒀꎭ/ꆏ/ꏂꀠ/ꌋꆀ/ꄂꄊ/ꑋ/ꀉꄉ。ꄂꄊ/ꌺꇖ/ꊂꋊ/ꆏ/ꑸꎺꆺ/ꊿ、ꆺꄖꏂ/ꊿ、ꆺꃶꂰ/ꊿ/ꉬ。 4 ꂰꄆ/ꌹ/ꆏ/ꑱꃔ、ꑱꃛ、ꉐꆈ、ꑸꀘꄊ/ꌋꆀ/ꑱꇍꄊ/ꉬ。ꊿ/ꋋ/ꈨ/ꈀꐥꃅ/ꏸꄲꇁ/ꌺꇖ/ꉬ/ꌐ。 5 ꑸꀨꇁꉴ/ꆹ/ꋍ/ꈁꁨꈀꄉ/ꌠ/ꃅ/ꋌ/ꄻ/ꌺ/ꑱꌒ/ꁵ/ꌐ。 6 ꄚ，ꑸꀨꇁꉴ/ꇫꐥ/ꑴꌦ/ꄮꇬ，ꎆꋚ/ꋍꈨ/ꑌ/ꋌ/ꁸ/ꃌꏀ/ꈧꌠ/ꈀꒆ/ꌠ/ꌺ/ꁵ。ꋍꈭꐨꆏ，ꌺ/ꀉꁁ/ꈧꌠ/ꁳ/ꌺ/ꑱꌒ/ꂶꌠ/ꈽ/ꐥ/ꀋ/ꎽ/ꃅ，ꋌ/ꇱ/ꇤꅷ/ꁭꅐ/ꏭ/ꀀ/ꁧ/ꎻ。7 ꑸꀨꇁꉴ/ꋍ/ꐥꍂ/ꋍꉐꏁꊰꉬ/ꈎ/ꊌ。 8 ꑸꀨꇁꉴ/ꐥꍂꐤꆹꎴ/ꄉ/ꃀꐚ/ꇈ，ꋍ/ꁍꁈ/ꈧꌠꄷ/ꁧ/ꀐ。 9 ꋌ/ꋍ/ꌺ/ꑱꌒ/ꌋꆀ/ꑱꏂꂷꆀ/ꑋ/ꌌ/ꂴꀘꇁ/ꃅꐬ/ꂶꌠ/ꇬ/ꄃ。ꃅꐬ/ꋋ/ꂷ/ꆹ/ꂸꆀ/ꏢꁮ/ꃄꅉ/ꏬꌠ/ꇬ/ꐛ，ꃄꅉ/ꋌ/ꏬ/ꂴ/ꏭ/ꆹ/ꉿ/ꊿ/ꌙꑤ/ꌺ/ꑱꃛꇍ/ꃤ/ꉥ， 10 ꋍ/ꇇꈐ/ꄉ/ꑸꀨꇁꉴ/ꃼꄉ/ꌠ。ꑸꀨꇁꉴ/ꌋꆀ/ꋍ/ꑮꃀ/ꌒꇁ/ꑋ/ꐯꇯ/ꌌ/ꀊꄶꇬ/ꄃꄉ。
11 ꑸꀨꇁꉴ/ꌦ/ꈭꐨꆏ，ꏃꃅꌋ/ꋬꂻ/ꄻ/ꋍ/ꌺ/ꑱꌒ/ꁵ。ꀊꋨ/ꄮꇬ，ꑱꌒ/ꆹ/ꀘꇐꇁꉌꆺ/ꃅꄷ/ꌋꆀ/ꀊꎴ/ꃅ/ꀋꇢ/ꅉ/ꇬ/ꀀ。
ꑱꏂꂷꆀ/ꊂꋊ
12 ꑱꏂꂷꆀ/ꌺꇖ/ꊂꋊ/ꃆꂮ/ꆏ，ꑠꃅ/ꁱ/ꇬꄀꄉ：
ꑱꏂꂷꆀ/ꆹ/ꑸꀨꇁꉴ/ꌋꆀ/ꌒꇁ/ꁏꃀ/ꉞꏹ/ꊿ/ꑤꏦꂶꌠ/ꑋ/ꌺ/ꉬ。
13 ꑱꏂꂷꆀ/ꌺ/ꂴꒆꊁꒆꄮꈴꄉꉜꇬ，ꑠ/ꈨ/ꐥ：
ꌺꒉꂶꌠꆏꆀꀝꒀ，ꋍꈭꐨꆏ，ꏸꄊ、ꑸꄓꀙ、 14 ꂰꀘꌒ、ꂰꏂꂸ、ꄗꂸ、ꂸꌒ、 15 ꉐꄊ、ꄝꂸ、ꑱꄳ、ꇂꃏꏂ、ꏸꄂꂸ。 16 ꋋ/ꈨ/ꐯꇯ/ꑱꏂꂷꆀ/ꌺ/ꉬ/ꌐ。ꌺ/ꋋ/ꊰꑋ/ꑼ/ꊁꏭ/ꇁ/ꃣꉻ/ꊰꑋ/ꁯꌠ/ꀑꋾ/ꐛ。ꋀ/ꁡꇤ/ꌋꆀ/ꀀꅉ/ꍆ/ꁍ/ꈧꌠ/ꐯꇯ/ꋀ/ꂓ/ꇬ/ꈴ/ꄉ/ꂒꋉ/ꄉ/ꌠꉬ。
17 ꑱꏂꂷꆀ/ꋍ/ꐥꍂ/ꋍꉏꌕꊰꏁ/ꈓ/ꊌ，ꋌ/ꃀꐚ/ꇈ，ꋍ/ꁍꁈ/ꈧꌠ/ꄷ/ꁧ/ꀐ。 18 ꋍ/ꌺꇖ/ꊂꋊ/ꀀꅉ/ꆏ，ꉐꃏꇁ/ꄉ/ꅑꅸ/ꎼꇓ/ꄷ/ꈚꌠ/ꇬ/ꑟ，ꎼꇓꆹ/ꉞꏹ/ꁭꅐ/ꏭ/ꑸꎽ/ꁦ/ꅉ/ꈝꃀ/ꇬ/ꐛ。ꋀꊇ/ꆹ/ꋀ/ꃺꑌ/ꌋꆀ/ꐮꋦꐮꑣ/ꄉ/ꀉꁁ/ꋍꈚ/ꀀ。
ꑱꌒ/ꌺ/ꑍ/ꂷ/ꌠ/ꒆ
19 ꑸꀨꇁꉴ/ꌺ/ꑱꌒ/ꊂꋊ/ꃆꂮ/ꆏ，ꑠꃅ/ꁱ/ꇬꄀꄉ：
20 ꑱꌒ/ꋍ/ꑮꃀ/ꆀꀙꏦ/ꒂ/ꄮꇬ，ꈎꄜ/ꇖꊰ/ꈎ。ꆀꀙꏦ/ꆹ/ꀠꄊꑸꇂ/ꃅꄷ/ꑸꇂ/ꊿ/ꀘꄲꆺ/ꀋꃋ、ꑸꇂ/ꊿ/ꇁꀠ/ꅫꃀ。 21 ꋍ/ꑮꃀ/ꀉꑳ/ꍈ/ꀋꐥ/ꄉ，ꑱꌒ/ꆹ/ꑳꀊꊆ/ꏭ/ꇖꂟ/ꇬꎷ； ꊁꆏ，ꑳꀊꊆ/ꋍ/ꇖꅇꂟꅇ/ꅲꄉ，ꋍ/ꑮꃀ/ꆀꀙꏦ/ꄚꄉ/ꃴꑌ/ꀐ。 22 ꋌ/ꌻꉘꋒ/ꑌ/ꌠꉬ/ꅊꇈ/ꄉ，ꀉꑳ/ꑍ/ꂷ/ꌠ/ꀃꃀ/ꇬꄉ/ꐮꑃꐮꑣ。ꑠꅹ，ꆀꀙꏦ/ꆏ：“ꑞꃅꋍꃅꐙꑠꉡꊝꇁꌠꉬꂯꀋꆾ？”ꃅ/ꉉ。ꄚꄉ，ꋌ/ꆹꌊ/ꑳꀊꊆ/ꏭ/ꇖꂟ/ꄉ/ꅲ。
23 ꑳꀊꊆ/ꋍ/ꏭ/ꑠꃅ/ꅇꀱ：
“ꇩꏤ/ꑍ/ꂷ/ꅽ/ꀃꃀ/ꇬꑌ；
ꊿꋅ/ꑍ/ꁯ/ꅽ/ꇭꀧ/ꇬꄉ/ꐞ/ꂱꑱꅉ/ꁧꌠꉬ。
ꋋ/ꁯ/ꀋꎪꃅ/ꀊꋨ/ꁯ/ꏭꀋꋌ/ꃅ/ꀉꇨ；
ꀉꒉ/ꂶꌠ/ꀄꊭ/ꂶꌠ/ꇂꃴ/ꐥꄉ/ꌤ/ꃅ/ꇁ” ꄷ。
24 ꊁ/ꀉꑳ/ꒅ/ꄮꇬ/ꆏ，ꇯꍝꃅ/ꌹꋒ/ꉬ/ꅊꇈ！ 25 ꂴ/ꅐꇁ/ꂶꌠ/ꇭꀧ/ꅩꇉꀕ，ꑐ/ꅿ/ꈴ/ꌐ，ꀋꇊꆏ/ꑐ/ꃢ/ꈬ/ꈚꌠ/ꌡ，ꑠꅹ，ꋍ/ꂓ/ꆹ/ꑱꌕ/ꄷa。 26 ꋍꈭꐨꆏ，ꀁꑳꂶꌠꒆꀐ，ꇇ/ꋌ/ꌦ/ꑱꌕ/ꑭꐱꁵꌺ/ꇬ/ꀵꄉ/ꅐ/ꇁ，ꑠꅹ，ꋍ/ꂓ/ꆏ/ꑸꇱ/ꄷb。ꆀꀙꏦ/ꌺ/ꋋ/ꑍ/ꂷ/ꒅ/ꄮꇬ，ꑱꌒ/ꆹ/ꃘꊰ/ꈎ。
ꑱꌕ/ꌺꒉ/ꂒꉻ/ꋌ/ꌌ/ꆖꊰ/ꒈ/ꐚ/ꀠ
27 ꀉꑳ/ꑍ/ꂷ/ꌠ/ꋍꑍꋍꉙ/ꃅ/ꒆ/ꀉꒉ/ꀐ。ꑱꌕ/ꆹ/ꑌꈹꉆꈹ/ꉔ，ꇈꈬ/ꐺ/ꇬꎷ； ꄚ/ꑸꇱ/ꆏ/ꂱꀕꑣꀕ/ꃅꐙ，ꁁꑳ/ꇬ/ꐥ/ꇬꎷ。 28 ꑱꌒ/ꆹ/ꑱꌕ/ꄈ/ꉂ，ꑞꃅꆏ，ꋌ/ꑱꌕ/ꄷꄉ/ꑋꎸꉆꎸ/ꑠ/ꊌ/ꋠ/ꇬꎷ； ꄚ/ꆀꀙꏦ/ꆏ/ꀱꌊ/ꑸꇱ/ꄈ/ꀊꅰꃅ/ꉂ。
29 ꋍ/ꑍ，ꑸꇱ/ꆖꊰ/ꀊꅪ/ꒈ/ꐚ/ꋌ/ꏬꄉ/ꇬꆏ，ꑱꌕ/ꇈꈬ/ꄉ/ꀱ/ꇁ/ꇈ，ꐙꑌꐙꄏ，ꂮꑌꂮꐚ/ꇧꁠ/ꀐ。 30 ꋌ/ꑸꇱ/ꏭ：“ꉢ/ꀃꃀ/ꂮ/ꌦꄉꏽ/ꀐ，ꆏ/ꅽ/ꆖꊰ/ꀊꅪ/ꒉ/ꑍꇯ/ꄻ/ꉢ/ꄎ/ꀞ” ꄷ。ꑠꅹ/ꋍ/ꂓ/ꆹ‘ꑱꄏ’ꄷ/ꑌ/ꄹc。
31 ꑸꇱ/ꆏ/ꇬ/ꏭ：“ꆏ/ꂴ/ꅽ/ꌺꒉ/ꂒꉻ/ꂶꌠ/ꃷ/ꉢ/ꁳ” ꄷ。
32 ꑱꌕ/ꆏ：“ꍑ！ ꉢ/ꂮ/ꌦ/ꇁ/ꂯꄉ/ꀐꍰ！ ꌺꒉ/ꂒꉻ/ꋋ/ꂷ/ꌌ/ꑞꃅ/ꂯ？” ꄷ。