Job 25

Ya meikkatlun humang Bildad e iSuah nan hi Job

¹ Himmumang hi Bildad e iSuah ey kantuy ² “Et-eteng kabaelan Apu Dios ey hi-gatu tekkutan tep hi-gatu nangnged ni emin ni wadad kabunyan. ³ Ey hi-gatu kakelpuin benang ni kamemnang ni emin. Endi hakey ni hambilang tudda anghel ni bega-en tu. ⁴ Kaw wada hakey ni tuun kayyaggud di hinanggan Apu Dios? Endi hakey ni an neiungngan neibilang ni kayyaggud. ⁵ Endi pakeingngeh ni heyaw ni dayaw Apu Dios, anin ni bulan niyadda bittuwen. ⁶ Et nema-ma ngu hu tuu e heni bigih di hinangngab tu?”