JAMES
(Santiago)
Hini omaˈ-atan tay an libju
Hini nangtulaˈ ay tay ja hi James an pangulun chin nahnahhun an namati ay Hesu Kristo an gawwa ad Jerusalem. Intolong na hitay an tulaˈ an amin hana namati an numpanguy hana apfuglapfuglay ay tay lota. Cho-or hana intulaˈ na an pangpadchungan ta gway aton an manginnila hana tukhun hi amatan chi maphod an nomnom ja hay hana maphod an ugali ja atatakhun chi oha an namati. Ay tay tulaˈ James ja inlawlawag na hana apalikhatan chi umunud. Gwacha khu hana intukhuna hay hana achangjan ja hana napubli. Allona hi mahapor an punchichipaton hini aton hi tatakhu, ja or-oloˈlaon hini aton an munhapit.
Hini oha an impa-innila na ja ma-id inherpfin ni pammati nu ma-id midchum hi maphod an khun aton an atikhan ni nidchuman ta-o ay Kristo.