Gàlátì ŋa 4

Ó ɖi, afɔ̀ yèé ǹ wà fɔ̀#ɛ́ ní wà dzɛ́ ní fee, bí ɔ̀nyà-kã̀ wà, tsí òŋu ní nákó wáa dzogú-iŋɛ́-boba‐ɛ̀ ŋa#á, tsí ó dzɛ́ maɖé si, tsí kò ɖàgbà wòná#á, ɛnɛ nyɛ̀ŋɛ̀ kò gbà níìkã̀ fú arú. Òŋu ní sì dzɛ́ olí-iŋɛ́ ŋa#á kpó si#ɛ́. Ó ɖi, iŋɛ́-kã̀ kpókpó kò wà nɔ́wɔ́‐ɛ̀. 2 À náa tsã ɔ̀nyà kã̀ŋa si, tsí ká wà nárũ‐ɛ̀, tsí ká wà ríi, tsí wà rí ìtá-iŋɛ́‐ɛ̀ ŋa gbo. À náa wà tse bɛ́ɛ̀ títí wáa fú ìwèrè-kã̀, ìwèrè yèé boba‐ɛ̀ náa ɖá si#ɛ́. 3 Bɛ́ɛ̀ ké ní náa lɔ fú àwa ɔma-Ìyúɖà† ŋa gbo dzɔ̀ɔ́#ɛ́. Àa náa wà kíbí maɖé si bɛ́ ni. Àa kà nɛ́kpá-kã̀ kpókpó, tsí àa náa dzɛ́ arú fú ikpá yèé ŋa wà ńǹtalɛ̀ bí#ɛ́. 4 Ó ɖi, Ɔ̀ɖáyé ɖá ìwèrè-kã̀ si, tsí kíbí ìwèrè#ɛ́ wáa tó#ɛ́, Ɔ̀ɖáyé bɛ ɔma‐ɛ̀ wá fú wa. Ɔma-Ɔ̀ɖáyé#ɛ́, ɔnɔbɛ̃̀ɛ̃ ní bíi#ɛ́, tsí ó tɛ ara‐ɛ̀ bɔlɛ̀, tsí rɛ̃̀ si nɛ́kpa-Mɔ̀ɔ́sè†. 5 Ɔ̀ɖáyé bɛ Ɔma‐ɛ̀#ɛ́ wá, àtsùgbée kó wáa gbà wá dzɔ̀ɔ́, àwa yèé ŋa ɛkpa-Mɔ̀ɔ́sè nɛ́kpá si ńǹtá-wa si#ɛ́. Ó tse bɛ́ɛ̀, tsí Ɔ̀ɖáyé kó gbà wá kíbí ɔma‐ɛ̀ ŋa ni.

6 Ìɖéǹɖè#ɛ́, è dzɛ́ ɔma-Ɔ̀ɖáyé. Òŋu ní dzɛ́ ní Ɔ̀ɖáyé bɛ Mímí-Ɔma bíbí‐ɛ̀ wá, tsí kó wáa gbé ńnɔ́-wa si#ɛ́. Tsí Mímí-Ɔma‐ɛ̀#ɛ́ náa wà wíìnyɛ̀ ńnɔ́-wa, tsí wà kpe Ɔ̀ɖáyé ní: Boba. 7 Kíbí ó dzɛ́ bɛ́ɛ̀#ɛ́, ò kò dzɛ́ arú ró. Ó ɖi, ɔma-Ɔ̀ɖáyé ní ò dzɛ́#ɛ́. Tsí kíbí ò dzɛ́ ɔma‐ɛ̀#ɛ́, ɔ̀nà wà fú ìwɔ gbo, tsí o dzogú-iŋɛ́-ire yèé ŋa Ɔ̀ɖáyé tàlé si fú ɔma‐ɛ̀ ŋa#á.

Kpɔ́lù wà ɖíìhã̀ŋù fú ɛnɛ-Gàlátì ŋa

8 Dzɔ̀ɔ́ dzɔ̀ɔ́#ɛ́, è kè ma Ɔ̀ɖáyé, tsí iŋɛ ŋa nɛ́kpá si ńǹtá-ŋɛ́ si, iŋɛ yèé ŋa kò sì dzɛ́ iŋɛ́-kã̀ kpókpó#ɛ́. 9 Ó ɖi báàyí#ɛ́, è ma Ɔ̀ɖáyé, tsí yèé lárè#ɛ́, Ɔ̀ɖáyé ní mà ŋɛ́#ɛ́. Kí tse tsí è wà nyí sɛ̃̀, tsí è wà wo e sɛ̃̀ káà ɖi arú fú ikpá yèé ŋa wà ńǹtalɛ̀ bí#ɛ́ ró ná? Ikpá yèé ŋa kò nɛ́ɛ̀fɛ́, tsí à kò dzɛ́ ikpá líle gbo#ɛ́. Kò sã̀ nɛ́. 10 Ɔdzɔ́ kã̀ŋa òŋu otsù kã̀ŋa wà, tsí ìwèrè kã̀ŋa òŋu ɔɖɔ̃́ kã̀ŋa gbo wà, tsí è náa wà nya ɛ̀wɔ̀ fú ŋa.^* 11 Kíbí è wà tse gbà#á, ǹ wà ɖíìhã̀ŋù fú ŋɛ́ góró. Ǹ wà ɖíìhã̀ŋù ní kíbí ǹ múgírí, tsí tsitsɛ́ fú ŋɛ́ tó bɛ́ɛ̀#ɛ́, kó máa dzɛ́ itsɛ́-akpotu ní ǹ tse#ɛ́. 12 Ìnàbí-mi ŋa, ǹ tsìkálɛ̀ fú ŋɛ́, e náa wà kíbí èmi gbo ǹ wà si gbà#á. Ó ɖi, kíbí ǹ wà ńɖi-ŋɛ́ si dzɔ̀ɔ́ dzɔ̀ɔ́#ɛ́, ǹ wà kíbí ɛ̀ŋɛ gbo, è wà#á ni. Ńǹwèrè nyɛ̀ŋɛ̀#ɛ́, è kò tse iŋɛ́-íbàɖí-kã̀ kpókpó nára-mi. 13 Ó ɖi, iŋɛ́ yèé báàɖí‐ɛ̀, tsí ǹ wáa dzíkɔ̀ ɖíɖɔ̃̀ fú ŋɛ́ náàtsɛ̃̀tsɛ̃̀ kélékélé#ɛ́, è tédzú‐ɛ̀ si. È tédzú ní àrɔ̃̀ yèé ǹ wà rɔ̃̀#ɛ́ ní tse#ɛ́ nɔ̀. 14 Tsí kíbí àrɔ̃̀#ɛ́ wà ńǹtá-mi si gbà#á, ó ɖi àɖã́wò fú ŋɛ́, tsí ǹ má sú ŋɛ́, tsí è má nyáa kɔ̀ mí gbo. Kà kàa bɛ́ɛ̀, è tɔ́wɔ́ gbà mí náàledzò. Tsí kíbí è tɔ́wɔ́ gbà mí gbà#á, ó wà kíbí è gba adzítsɛ́-ɔ̀rɔ̃†-kã̀ nàmí Yèésù Kírísítò òŋu ká‐ɛ̀ náàledzò bɛ́ ni. 15 Ńǹwèrè nyɛ̀ŋɛ̀#ɛ́, è náa wà náyè títɛ́ si héŋú nɔ̀. Ǹ wà fɔ̀ɔ́ fú ŋɛ́ ní ó má dzɛ́ ní ɔ̀nà wà fú ŋɛ́, è má nya odzú-ŋɛ́ ŋa gìɖì, tsí ń fú mi. Tsí báàyí#ɛ́ fe, bí ó dzɛ́? 16 Kíbí ǹ wà wí òtítɔ́ fú ŋɛ́#ɛ́, ǹ tédzú ɖi ɔ̀tɛ̀-ŋɛ́ ńǹkɛ̀ɛ́!

17 Ɔ̀nyà kã̀ŋa gbo wà, tsí à múgírí si, tsí wà tamá-ŋɛ́ mámámá. Ó ɖi, à kò wà wo ire fú ŋɛ́. À wà wo ká nyà ŋɛ́ níìkã̀ nára-mi, tsí ɛ̀ŋɛ gbo, e múgírí, tsí tamá-ŋa si mámámá bɛ́ɛ̀ ké gé ni. 18 Tsí ó sì dzɛ́ iŋɛ́-ire ní ká múgírí, tsí tamánɛ si mámámá, tsí wà ń tse ore fúnɛ. Ká wà tse bɛ́ɛ̀ ńǹwèrè ɔ̀kã̀lɔ́ɔ̀kã̀ kpó. Kó máa dzɛ́ ní ńǹwèrè yèé ǹ wà náàŋírĩ-ŋɛ́ si gé#ɛ́ ní è nákó wà tse bɛ́ɛ̀#ɛ́. 19 Ɔma-mi ŋa, ǹ tɔ́ wà gbɔ́ ɖíɖɔ̃̀ fú ŋɛ́ ró gé ni. Ǹ wà gbɔ́ ɖíɖɔ̃̀ fú ŋɛ́ kíbí ɔnɔbɛ̃̀ɛ̃-kã̀ náa bòkó bíma bɛ́#ɛ́ ni. Nákó wà fú mi bɛ́ɛ̀ si títí ìlò-ŋɛ́ ŋa kó nyà ɖíre ní Kírísítò wà tsitsɛ́ náàŋírĩ-ŋɛ́ ìɖéǹɖè. 20 Áhìyàà! Ó má dzɛ́ ní ńɖi-ŋɛ́ ní ǹ wà si báàyí#ɛ́ fee, ó má sã̀. Ńbɛ̀ɛ́, ǹ má ma kíbí ǹ má nyí oŋù, tsí wíìnyɛ̀ fú ŋɛ́ gbà#á. Afɔ̀-ŋɛ́ ɖi ìhã̀ŋù ɖíɖá si nɛ́ɛ̀ɖɔ̃̀-mi si góró.

Kpɔ́lù wà mú Hágà òŋu Sàrá tse ìsàwé

21 Ǹ ní fòò, ɛ̀ŋɛ yèé wà wò ní ɛkpa-Mɔ̀ɔ́sè† kó nɛ́kpá si ńǹtá-ŋɛ́#ɛ́ fee, è kò wà rɛ̃tígbè-iŋɛ́ yèé ŋa à kɔ si ńǹwé-ɛkpa#á niì? È dzɔ́ŋù fú mi káyí. 22 À kɔ si ńǹwé#ɛ́ ní Àbàràhámì† bíma ɔnɔkɛ̃̀ɛ̃ méèdzì. Aya‐ɛ̀ Hágà yèé dzɛ́ arú#ɛ́ bí ɔ̀kã̀, tsí aya‐ɛ̀ Sàrá† yèé kò dzɛ́ arú#ɛ́, òŋu gbo bí ɔ̀kã̀. 23 Tsí ɔma yèé aya arú#ɛ́ bí#ɛ́, à bíi kíbí náa wu ɔ̀nyà, tsí náa bíma#á gé ni. Ó ɖi, ɔma yèé aya‐ɛ̀ yèé kò dzɛ́ arú#ɛ́ òŋu bí#ɛ́, à bí òŋu ti náàlé yèé Ɔ̀ɖáyé ta si tútútú#ɛ́ ni. 24 Ɛ̀rɔ́ yèé bɛ́#ɛ́, òkpì‐ɛ̀ nɔnɔ̀, tsí nákó nyáa dzɛ́ ìsàwé-kã̀. Aya-Àbàràhámì méèdzì ŋa#á, à wà kíbí ìmɔ̀lɛ̀-Ɔ̀ɖáyé ìrɔ́ méèdzì bɛ́ ni. Ɔ̀kã̀ wà dzɛ́ Hágà, ɛnɛ yèé wà dzɛ́ ìsàwé-òkè yèé à náa kpè ní Sìnàyí#ɛ́, tsí ɔma-inɔ́ tɛ̀ɛ̀ ŋa dzɛ́ arú#ɛ́. 25 Hágà#á ní wà dzɛ́ ìsàwé-òkè-Sìnàyí yèé wà ńlɛ̀-Àrábì#ɛ́. Tsí ó wà dzɛ́ ìsàwé-ìlú-Yèrúsàlɛ́mì yèé wà ńǹtalɛ̀ bí si báàyí#ɛ́,^* tsí ìlú#ɛ́ dzɛ́ arú si má nára-ɔma-ìlú#ɛ́ ŋa gbo#ɛ́. 26 Ó ɖi, ìlú-Yèrúsàlɛ́mì yèé wà nɔ́ɔ̀rɔ̃#ɛ́ òŋu kò dzɛ́ arú. Òŋu ní dzɛ́ ìnà tiwa#á. 27 Ó ɖi, à kɔ si ńǸwé-Ɔ̀ɖáyé† ní:

“Ìwɔ ɔnɔbɛ̃̀ɛ̃ yèé dzɛ́ àgbàrèbí#ɛ́,

ayè kó wà tɛ́ɛ.

Ìwɔ yèé kò gbɔ́ ɖíɖɔ̃̀-ɔma bíbí wòrí#ɛ́,

nà ɖúgbe-ayè títɛ́.

Iŋɛ́ yèé tse#ɛ́, aya yèé ɔkɔ‐ɛ̀ kɔ̀ɔ́#ɛ́,

ɔma tɛ̀ɛ̀ ŋa nákó kpɔ̀ láre ti aya yèé dzɛ́ olí ɔkɔ si#ɛ́.”^*

28 Ɛ̀ŋɛ ìnàbí-mi ŋa, kíbí Ɔ̀ɖáyé tàlé, tsí à bí Ìsákà†#á, bɛ́ɛ̀ ké ní Ɔ̀ɖáyé tàlé, tsí à bí ɛ̀ŋɛ gbo ti náwù‐ɛ̀#ɛ́. 29 Afɔ̀-kã̀ gbo wà. Dzɔ̀ɔ́ dzɔ̀ɔ́#ɛ́, ɔma-Àbàràhámì yèé à bí kíbí náa wu ɔ̀nyà, tsí náa bíma#á, òŋu náa wà tsoró bá ɔma yèé à bí ti náwù-Mímí-Ɔ̀ɖáyé†#ɛ́. Tsí bɛ́ɛ̀ ké tútútú ní ó tɔ́ wà báàyí gbo si#ɛ́. 30 Kíbí ó dzɛ́ bɛ́ɛ̀ gìɖì#ɛ́, à kɔ si ńǸwé-Ɔ̀ɖáyé ní: “Lé aya yèé dzɛ́ arú#ɛ́ òŋu ɔma‐ɛ̀ méèdzì, tsí ká lɔ, iŋɛ́ yèé tse#ɛ́, ɔma tɛ̀ɛ̀ kàkó dzogú-iŋɛ́-kã̀ kpókpó bá ɔma ti aya yèé kò dzɛ́ arú#ɛ́.”^*

31 Ìnàbí-mi ŋa, ńnɛ̀ ní àwa òŋu, àa kò tsi ɔma ti aya yèé dzɛ́ arú#ɛ́. Ɔma ti aya yèé kò dzɛ́ arú#ɛ́ ní àa dzɛ́#ɛ́.