12
Hay Kantan Pundayaw ay Apo Dios
1 At way ohah nan tatagu eden a'atana ya ikankantadan alyonday,
“He"a, Apo Dios, an dayawo',
ta"on hi un'a bimmungot ay ha"in ya munyamana' ti na'udyaan,
ya ten ipa'amlonga' goh ay He"a.
2 Immannung an He"a, Apo Dios, di nangibaliw ay ha"in,
at edenol'un He"a ta adia' tuma'ot.
He"a, Apo Dios, di mangidat hi abalina' ya bi'ah'u,
ya He"ay gun mangibaliw ay ha"in.
3 Ti nan binaliwan Apo Dios ya ongol di amlongda
an umatdah nan tagun na'uwaw an ma"amlong hinan ayhugin danum an inumona!”
4 At henen gutud ya ikankantan goh nan tatagun alyonday,
“Munyaman tu'un Apo Dios,
ya Hiyay pumpabadangan tu'u!
Ya ipa'innila tu'uh nan tataguh abablubabluy di inatna ya nan anabagtuna!
5 Ya ikantaan tu'u goh hi Apo Dios ti do'ol di mun'aphod an inatna,
ya ipa'innila tu'un amin hi tagu.
6 At ditu'un tatagud Jerusalem ya it'u' tu'un mundayaw ya mungkanta
an dumalat di amlong tu'u.
Ti hi Apo Dios an ni'babluy ay ditu'uh tud Israel ya nidugah di abalinana!”