24
Hi Apo Dios di Na'abbagbagtun Alia
Hete ya psalm an intudo' David.
1 Tun luta ya an amin nan wah tun luta ya hakup Apo Dios,b
2 ya hanan limmuna ya nipognad hinan baybay.
3 At ngadan udot di way biyangnan umuy hinan me'gonan an duntug Apo Dios,
ya ngadan di way biyangnan humigup hinan Timpluna?
4 Hay miyabulut ya ammuna nan nahamad di aatnan tagu an maphod di pangatna ya nomnomna,
ya nan adi mundayaw hi bulul,
ya nan adi munhapatah nan agguy immannung.
5 Ya nan tagun mangat hi umat hina ya hiyay wagahan Apo Dios ta baliwana,
ya ibilangnah maphod,
6 at nan tagun umat hinay aatna di middum ay Apo Dios an din dinayaw Jacob.
7 Ibughulyu hanan pantaw hidin penghana ta humigup nan na'abbagbagtun Ali!c
8 Mu hay ngadan ne han nabagbagtun Ali?
Hi Apo Dios an nidugah di abalinana ya mangab'abak!
9 At ipidwa' an mangalih ibughulyu hanan pantaw hidin penghana ta humigup nan na'abbagbagtun Ali!
10 Mu ngadan ne han nabagtun Ali?
Hi Apo Dios an nidugah di abalinana ya mangab'abak!