23
Hi Apo Dios an ay Mumpahtul
Hete ya psalm an intudo' David.
1 Hi Apo Dios di manalimun ay ha"in,
at idatnan amin di mahapul'u.
2 Ya hinan wadan di mumballun do'ol an holo' di paddungnay pun'eblaya'
an neheggon hinan ginnaw an awadan di maphod an danum.
3 Ya gunna idat di bi'ah'u,
ya gunna' ipadutu' ta nan nepto' di unudo' ta way ipabagbagtuana.
4 Ya ta"on hi unna' munligligat an hi'ihi'itangan hiyay ataya' mu adia' tuma'ot ti wagwada'a,
at nan hul'udmuy mamaliw ay ha"in.
5 Ya indadaanana' hinan ma'an ya ma'inum an titiggon nan buhul'u.
Ya hiniitam nan ulu' hi lana,
ya indatmuy do'ol hi inumo'.
6 Immannung ahan an dumalat di amaphodmu ya nan pamhodmun ha"in
ya minaynayun an wagwagda'ah abigabigat hitun atagu',
ya minaynayun an gunna' mundayaw ay He"ah nan Timplum.